Mistari Maarufu ya Biblia kutoka Maɛ 12

Shirikisha

Wɛ̀ Jusu la̍a̍, “I̍h-a jɛ ku̍-a wɔ̍n chɛ̀ɛ̌chɛ̀-ɛ, ɛ̍ la̍a̍, ‘Eslɔɛ nyɔ̍ mɔ̀ po̍-e dounᵻ. À Joi Nyɔsoa nɛ due bo ɔ̀ nu̍ Joi. Nɛ̀ ìn jbɛɛ àn Joi Nyɔsoa-a dǒ àn pɔluh kli̍hgbɛ̍ we̍, dǒ àn kmɔ̌ kli̍hgbɛ̍ we̍, dǒ àn wlùh kli̍hgbɛ̍ we̍, ɛ̍ ke àn gbǐh kli̍hgbɛ̍ ke.’ Ɛ̀ po̍-a sɔɔ̌n-ɛ, ɛ̍ la̍a̍, ‘Jbɛɛ ìn pònyɔ̍-ɔ ka àn chɛ̀-ɛ.’ Telě dɛɛ se̍ wɔ̍n ku̍ ɛ̍ se̍ ìh la sìì.”

Wɛ̀ ɔ̍ dǎ ɔ̍ kòà, iě ɔ̍ la̍a̍ dě u̍h we̍, “Bɔ̌ ǐn sèàɛ̍ mɔ̀ gblangbai̍ wlùh, nyɔ̍gbà tèwànynɔ̌ la ɔ̍ po̍ dɛ̍ dɔu dě gblòùn la di̍i̍ ɛ̍ sìì nyɔ̍ kli̍hgbɛ̍. Dɛ̍nu̍ɛ, nyɔ̍ duuh nɔ̀ɔ̍, dǒ u̍h-a wlǐ dɔu kɛ̍n bo u̍h gba̍ sɔ̍n wɛ̀ u̍h po̍ gblòùn la wlǐ di̍i̍. Jɛ nynɔ̌ la ɔ̍ nyɔ̍gbà wliɛ̍ ɔ̍ blě-a kleǐn ɔ̍ iě-a wlì tè-ɛ, ɛ̍ bo ɔ̍ po̍-e kli̍hgbɛ̍.”

Wɛ̀ Jusu tè i̍ dǒ wlǐ di̍i̍ sà-ɛ gblòùn jua̍i̍ dě Nyɔsoa-a wɛɛ sà gbò sɔ̀n. Nɛ̀ nyɔ̍ ùh-a po̍-a wlǐ dě ɛ̍ di̍i̍-ɛ bo ɔ̍ gbɛ̀n ja̍. Pàn-nyɔ̍ dɔu po̍-e wlǐ sùɛ̀. Dǒ nyɔ̍gbà tèwànynɔ̌ due ji̍-i, wɛ̀ ɔ̍ po̍-e falǐ jɔ̌ sɔɔ̌n, i̍h bɛ̌ɛ kaba̍ jɔ̌ɛ due nu̍-ɛ.

Ɛ̍ se̍-o siee, nɛ̀ nyɔ̍ jbɛɛ Nyɔsoa-a dǒ ɔ̍ pɔluh kli̍hgbɛ̍ we̍, dǒ ɔ̍ wlùh kli̍hgbɛ̍ we̍, ɛ̍ ke ɔ̍ gbǐh kli̍hgbɛ̍ ke. Nɛ̀ ɔ̍ jbɛɛ ɔ̍ pònyɔ̍-ɔ ka ɔ̍ chɛ̀-ɛ. I̍h nɛ-a sɔɔ̌n-ɛ bo ìh kma ɛ̀ sìì nyǐ-dɛ̍ᵻ fɔ̍n-ɛ ke slaǎ sà-a dǒ Nyɔsoa we̍.”

Wɛ̀ Jusu la̍a̍, “Dɛ̍ ɛ̀ kɔn-a dǒ Bloa̍ Joi we̍-ɛ, nɛ̀ mɔ̀ nyǐ ɛ̍ Bloa̍ Joi. Nɛ̀ dɛ̍ ɛ̀ kɔn-a dǒ Nyɔsoa we̍-ɛ, mɔ̀ nyǐ ɛ̍ Nyɔsoa.” Sɔ ɔ̍ wlǔh i̍ u̍h de̍e̍.