Mistari Maarufu ya Biblia kutoka Luu 6

Shirikisha

Nyǐ nyɔ̍ duuh dɛ̍, nɛ̀ Nyɔsoa-a mu̍ mɔ̀ dɛ̍ nyǐ ke. Nɛ̀ ɛ̍ mu̍ i̍ tìè, ɛ̍ iě kwlǐh-i jǐi plɛplɛ ɛ̍ iě sɔ̀n i̍ wlǎ-ɛɛ. Nɛ̀ ɛ̍ bo ɛ̀ mu̍ chɛ̌li-ɛ dě mɔ̀ kwa̍a̍. Dbee dɛ̍ mɔ̀ nyǐ-a nyɔ̍ duuh-ɛ, dbee dɛ̍ laa̍ bo Nyɔsoa-a mu̍ mɔ̀ nyǐ ke.”

Dě nyɔ̍ chɛ̀ ja̍a̍ bo dɛ̍ chɛ̀-a sɔ-ɛ, dɛ̍nu̍ɛ, dɛ̍ chɛ̀ bo ɔ̍ naɛ wlùh i̍. Nɛ̀ dě nyɔ̍ sɔ̀n ja̍a̍ bo dɛ̍ sɔ̀n-a sɔ-ɛ, dɛ̍nu̍ɛ, dɛ̍ sɔ̀n bo ɔ̍ naɛ wlùh i̍. Dɛ̍nu̍ɛ, dɛ̍ ɛ̀ nɛ-a dě nyɔ̍ wlùh di̍i̍-ɛ, ɛ̍ bo ɔ̍ wɔ̍n-a sà-a.

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

Ka mɔ̀ Baa Nyɔsoa-a jě-a nyɔ̍ wɔɛ, nɛ̀ kǎ mɔ̀ iě nu̍ ke.

“Mɔ̀ bɔ̌ nyɔ̍ duuh tìh pùn tù-ɛ, nɛ̀ Nyɔsoa se̍ mɔ̀ tìh pùn tù mu̍ ke. Mɔ̀ bɔ̌ nyɔ̍ duuh kɛ̀n sà-a, nɛ̀ Nyɔsoa se̍ mɔ̀ kɛ̀n sà mu̍ ke. Dɛ̍ᵻ sɔ̀nᵻ nyɔ̍ duuh nu̍-a mɔ̀ pùn-ɛ, mɔ̀ tǎli i̍h i̍, nɛ̀ Nyɔsoa-a mu̍ mɔ̀ naɛ i̍ tǎli ke.

“Jɛ na̍a̍, mɔ̀ɔ̍ juh ùh-a wɔ̌n-a ǎn wlu̍ i̍-ɛ, mɔ̀ jbɛɛ mɔ̀-a nyɛ̌-nyɔ̍-ɔ. Nɛ̀ mɔ̀ nu̍ dɛ̍ chɛ̀ dǒ nyɔ̍ ùh faɛn-a mɔ̀-ɛ we̍. Tèle Nyɔsoa i̍ ɔ̍ iě nyɔ̍ ùh-a po̍-a mɔ̀ wlu̍we̍i̍-ɛ pɔ̀ìě nyǐ. Ba̍le dǒ nyɔ̍ ùh-a chlèe-a mɔ̀-ɛ u̍h-a tàà.

Dɛ̍ mɔ̀ jbɛɛ-a nyɔ̍ iě-a mɔ̀ pùn nu̍-ɛ, ɛ̍ bo mɔ̀ iě nyɔ̍ pùn nu̍ ke.

Pò nyɔ̍ tba̍ ìn gbǎ kèkà i̍-ɛ, nɛ̀ ìn to kèkà sie-a dǒ de̍-ɛ, ɔ̍ iě ɛ̍ gbǎ tba̍ ke. Pò nyɔ̍ sà àn dɛ̍wlo̍o̍ ìn kwa̍a̍-ɛ, nɛ̀ ìn nyǐ ɔ̍ àn wola̍ ke. Nyɔ̍ kli̍hgbɛ̍ ùh-a mu̍-a ìn dɛ̍ jbǎ-ɛ, nyǐ ɛ̍ u̍h. Nɛ̀ pò nyɔ̍ gba̍ dɛ̍ ìn kɔn-aɛ, nɛ̀ ìn bɔ̌ ɛ̍ jbǎ-a dɛ.

“Tu̍ chɛ̀-ɛ po̍ buǒᵻ sɔ̀nᵻ, nɛ̀ tu̍ sɔ̀n wɔ̍ po̍ buǒᵻ chɛ̀ ke.

Tu̍-a buǒ bo nyɔ̍-a juo-e tu̍ i̍. Mɔ̀ se̍ fei-tu̍ᵻá buǒᵻ jě mu̍ dě wiǎ-tu̍ᵻ ja̍. Nɛ̀ mɔ̀ se̍ mukwa̍ pei jě mu̍ i̍h iě gbòu̍gbò buǒᵻ po̍ ke.