Mistari Maarufu ya Biblia kutoka Lu̍kū 5

Shirikisha

Mɛ̄ɛ̍ o̍ chi̍i̍ sūɛ̍i̍, mbo̍ dīmūl Sa̍i̍mɔ̄ŋ āā, “Sɔ̍ɔ̍ŋgu̍u̍ dɛ̍ndɔ̄ɔ̍ nāa̍ yi̍ŋgi̍lɛ̍i̍ya̍ mī lā wūu̍ yālāla̍ nyāla̍ŋ o̍ mɛ̄ŋnda̍ŋ ni᷄ŋ mī lā chu̍a̍ sūūwa̍.”

Mi̍ Sa̍i̍mɔ̄ŋ di̍mūl ndu̍ āā, “Fāllo̍, Chɔ̍chɔ̄l pi̍i̍ pi̍i̍ ŋ̄ chō fāfa̍la̍a̍, kɛ̍, ŋ̄ chu̍e̍ nyɛ᷅ o̍ nyɛ̄ le̍. Kɛ̍, le̍ mɛ̄ɛ̍ ŋ̄ dīmi̍ yɛ̍, I̍ cho̍ yālāla̍ŋ wūū o̍ pēēlo̍.” Mɛ̄ɛ̍ nda̍ wūu̍ yālāla̍ŋ, sūūwāā pīlɛ̍ kpe̍ nda̍ āā lu̍ɛ̍ī lēni᷄ŋ ni̍ cho̍be̍ mī yālāla̍ŋ la̍ a̍a̍ ki̍o̍li̍.

Kɛ̍, te̍le̍ŋnda̍ŋ lā pūm mī Chi̍i̍sū ndu̍ o̍o̍ fu̍la̍ŋ mbō kūɛ̄nu᷄ŋ na̍a̍ do̍ŋ do̍ŋnda̍ le̍ Mɛ̄lɛ̄ka̍ pīɛ̄īyo̍.

I̍ hi̍ŋ le̍ wānāā sa̍kpō vēēlū le̍. I̍ hi᷅ŋ māhūnāā le̍ wānāā yɔ̄ŋ wɔ̄ɔ̍ŋnda̍ dīmūllo̍ mā ma᷄l yɔ̄ŋndā ndāla̍ wɔ̍ɔ̍ŋnda̍ŋ.”

Mɛ̄ɛ̍ Sa̍i̍mɔ̄ŋ Pītɛ̍ che᷅ nyɛ̍ yɔ̍nu̍ŋ ndo̍, mbo̍ bāŋ wūla̍ŋ Chi̍i̍sū o̍ lābɛ̄ŋgu̍ ni̍ŋ. Mbo̍ dīmūl ndu̍ āā, “Wāna̍ yɔ̄ŋ wɔ̄ɔ̍ŋndo̍ ya̍ cho̍ nī. Le̍la̍ŋ, fa̍ŋa̍ŋ ya̍ na̍nu᷄ŋ, Māsānɔ̄ɔ̍.”

Mi̍ Chi̍i̍sū mu̍lūl nda̍ āā, “Wānāa̍ cho̍ kɛ̍ndi̍a̍a̍ wa̍, ā hēu̍ ba̍ a̍ wāna̍ chi̍ɔ̍ū wa᷅ŋnda̍ wo̍ le̍, mɛ̄ɛ̍ wānāa̍ cho̍ a̍ nāāla̍ŋ nda̍.

Mi̍ pūa̍a̍ ha̍ā hēēlū dɛ̄ndɛ̄la̍ ndāla̍ŋ o̍ kɔ̄ŋgɔ̍. Ma̍ māl wa̍li̍ ndā yɔ̍ɔ̍yāa̍ a̍ nyɛ̄ o̍ nyɛ̄ fe̍e̍ ma̍ tūāl Chi̍i̍su̍ kɔ̄ɔ̄lī.

Ō wa̍ a̍ bōōndi̍i̍ pi᷅lɛ̍, Chi̍i̍sū wa̍ o̍ chi̍e̍e̍ pu̍m mi̍ po̍ pi᷅lɛ̍ hūŋ a̍ nāā wɔ̄ɔ̍ŋ pūm ō tīūwāā ndu̍ lēkɔ̄ɔ̍ si̍lɔ̍. Mɛ̄ɛ̍ o̍ che᷅ Chi̍i̍sū, mbo̍ hu᷄ŋ de᷅l ndu̍ o̍ lābɛ̄ŋgu̍ ni̍ŋ. Mbo̍ nyɔ̄ɔ̄lū ndu̍ āā, “Fāllo̍, sīŋgi̍ ya̍ fɔ̍, mī si̍mnu᷄ŋ o̍ di̍a̍ndāā Mɛ̄lɛ̄ka̍ o̍ hɔ̄l. Ā nɔ̄lā mā si̍ŋgi̍ ya̍, tē ō wa̍ pɛ̍ mā chɛ̍l.” O̍ ko̍ŋ kɔ̍ɔ̍lī, mi̍ Chi̍i̍sū si̍ɛ̍ndī bāa̍ mbo̍ pīla᷄ŋ ndu̍. Mbo̍ dīmūl ndu̍ āā, “I̍ chɛ̍l mī si̍ŋgi̍ nu̍m. Le̍la̍ŋ, si̍o̍ŋgu̍.” O̍ ko̍ŋ kɔ̍ɔ̍lī, mi̍ nāā wɔ̄ɔ̍ŋ kōŋ sīāŋgū pōo̍ ho̍ō lēkɔ̄ɔ̍ o̍ lē pīlɛ̍ ni᷄ŋ kpe̍.

Kɛ̍, mi̍ tɔ̍ɔ̍ Chi̍i̍sōo̍ chɔ̄ɔ̄lū tīū si̍lɔ̍ mbo̍ hīāū bɛ̍ɛ̍ māā pāāndū. Le̍ he̍ī, mi̍ wāŋnda̍ hūŋ fāŋgā bɛ̍ndōo̍ le̍ ndu̍ nīla̍ŋ yāŋɔ̄ɔ̍ a̍ le̍ nāālā ndāla̍ŋ sīŋgīo̍o̍.