Mistari Maarufu ya Biblia kutoka Lu̍kū 23

Shirikisha

Mɛ̄ɛ̍ nda̍ ba᷄ŋ Chi̍i̍sū, mbo̍ dīmī āā, “Fi̍nyā nūu̍, ma̍l nda̍ le̍ yɔ̄ŋndā ndāla̍ wɔ̍ɔ̍ŋnda̍ŋ, kāni̍ fo̍ndōle̍ ā si̍nā nyɛ᷅ nda̍ chō tōsāa̍ wo̍ pɛ̄ŋgu̍ le̍.” Mɛ̄ɛ̍ nda̍ ba᷄ŋ ndu̍, o̍ ko̍ŋ kɔ̍ɔ̍lī mi̍ so̍vɛ̄i̍ya̍ wūū nyɔ̄ɔ̍ mɛ̄ɛ̍ nda̍ wūū ko̍o̍ŋ yɛ̍, le̍ sīnāa̍ mɛ̄ɛ̍ nda̍ a̍a̍ pīɔ̄ūvi̍āŋ nyɛ̍lā ndɔ̄la̍ŋ yɛ̍.

Mi̍ Chi̍i̍sū di̍mūl ndu̍ āā, “Mī di̍mu̍l nu̍m, na̍a̍ nūm ŋ̄ chō wā Ɛ̄chɛ̍nɛ̄ hāū.”

O̍ ko̍ŋ kɔ̍ɔ̍lī, Mbo̍ dīmūl Chi̍i̍sū āā, “Lo̍o̍nu̍ŋ a̍ ya̍ Chi̍i̍sū, lɔ̍ɔ̍ ŋ̄ chō hūnɔ̄ɔ̄ wā Māsāa̍ wo̍.”

O̍ ko̍ŋ kɔ̍ɔ̍lī, mi̍ Chi̍i̍sū de̍ŋī chōo̍ cho̍o̍ kpe̍le̍ŋ āā, “Fi̍nyā nūu̍, I̍ ma̍l nu̍m nyi̍nā nūu̍ o̍ bā.” Mɛ̄ɛ̍ o̍ di̍mi̍ dīōmnda̍ŋ nda᷅ŋ, mbo̍ mālnu᷄ŋ kɔ̍l.

Mɛ̄ɛ̍ nda̍ fūūlu̍u̍ o̍ fo̍ndāŋ nda̍ vēēlū āā, fo̍ndāŋ lākpōkpōo̍ wo̍, ma̍ bāŋ Chi̍i̍su̍ nda̍ pūa̍a̍ dɛ̍nɛ̍ wɔ̍ɔ̍ŋāā ŋīɔ̍ɔ̍ŋnda̍ ha̍ā. Ma̍ bāŋ ō pīlɔ̍ɔ̄ Chi̍i̍sū o̍ bā kɛ̄ndɔ̄ɔ̍ chōo̍. Ma̍ bāŋ ō pīlɔ̍ɔ̄ o̍ bā ndɔ̄ mi̍āllo̍ chōo̍.

A̍ bōōndi̍i̍ pāa̍le̍ŋ lē si᷄m o̍ bōlle̍ŋ chōo̍ ve̍ ki̍nɛ̍i̍, mi̍ lē nyūm pɔ̍lī. Mi̍ nyūmnda̍ŋ mā tūāl kpi᷅ŋgbi̍ o̍ lɛ̄ŋndē lēŋ ni᷄ŋ kpo̍u̍. Mi̍ mā lō mā tūālāā ha̍a̍a̍ mbo̍ kūā ha̍vɛ̄i̍la̍ŋ lā yāa̍. Mi̍ kōlā bɛ̍ndu̍ wa̍ ō lāndāā o̍ chīɛ̍i̍ Mɛ̄lɛ̄ka̍a̍ ni᷄ŋ ndo̍ ō tɛ̄ndā sālā tīɔ̍ɔ̍ŋ kpa̍la̍.

Mi̍ wānā bɛ̍ndū so̍vɛ̄i̍ya̍a̍ kɛ̍mīa̍a̍ chā nyɛ̍ yɔ̍nu̍ŋ ndo̍. O̍ ko̍ŋ kɔ̍ɔ̍lī mbo̍ dīmī āā, “A̍ tōnya̍, pōo̍ ho̍ō ō wa̍ wānā sa̍kpō.” Ndu̍yɛ̍, mbo̍ sāŋgālā Mɛ̄lɛ̄ka̍.