Mistari Maarufu ya Biblia kutoka Iovani 6

Shirikisha

He kī e Ietū: —Ko au te haraoa vaꞌai i te ora. Te kope oho mai ki a au e ko maruaki haka ꞌou; ꞌe te kope haka moe i tōꞌona manaꞌu ꞌi ruŋa i a au e ko pohe haka ꞌou ki te vai.

ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.

ꞌIna kōrua ko aŋa ki te kai ena e pau rō ꞌā, ki te kai ꞌina e ko pau vaꞌai i te ora ꞌāpī ꞌina he hopeꞌa raꞌa kōrua ana aŋa. Ko te kai ena te kai mo vaꞌai atu e te ⌊Poki o te taŋata⌋ ꞌo te ai te ꞌAtua, he Matuꞌa, ko vaꞌai ꞌana ki a ia i te parau mo vaꞌai atu.

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

He pāhono e Ietū: —Te meꞌe haŋa nō o te ꞌAtua he haka moe o kōrua i te manaꞌu ꞌi ruŋa i te kope uŋa mai e ia.

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

He pāhono e Tīmona, kī takoꞌa ko Pētero: —E Ietū, ¿ki a ai era a mātou ana oho? I a koe mau nō, paꞌi, te vānaŋa mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

ꞌIna e tahi kope mo oho mai ki a au i taꞌe uŋa mai e te Matuꞌa uŋa mai era i a au, ꞌe he haka ora e au ꞌi te mahana o te ture hopeꞌa.

Te haraoa parautiꞌa vaꞌai e te ꞌAtua he kope topa mai mai te raŋi vaꞌai i te ora ꞌāpī ꞌina he hopeꞌa raꞌa ki te taŋata.

»ꞌE te haraoa vaꞌai i te ora ꞌāpī ꞌina he hopeꞌa raꞌa ko au.

He toꞌo ia e Ietū i tū haraoa era ki te rima ꞌe ki oti te māuru-uru ki te ꞌAtua, he tuhaꞌa ki te nuꞌu taꞌatoꞌa. Pē ira takoꞌa i aŋa ai i te ika, ꞌe he vaꞌai ki te taꞌatoꞌa rahi nō era o rāua i haŋa. I mākona tahi era, he kī e Ietū ki tāꞌana nuꞌu hāpī: «Ka runu tahi mai te pārehe-rehe topa ena ꞌo māuꞌa rō».

Ko roa atu ꞌana e oho era e pae taꞌutini tūmaꞌa mētera, he takeꞌa ka hāhine atu a Ietū e haꞌere e oho atu era a ruŋa i te vai ꞌe he riꞌa-riꞌa rō atu ꞌai tū nuꞌu era. He kī e Ietū: «¡Ko au nei, ꞌina kōrua ko riꞌa-riꞌa!».