Mistari Maarufu ya Biblia kutoka Маттэ 7

Shirikisha

– ШъуелъэӀуи, Тхьэм къышъуитыщт; шъулъыхъуи, къэжъугъотыщт; къэлапчъэми шъутеуи, Тхьэм къышъуфыӀуихыщт

сыда пӀомэ, хэтми Тхьэм елъэӀурэм зыкӀэлъэӀурэр иӀэ хъущт, лъыхъурэми зылъыхъурэр ыгъотыщт; къэлапчъэм теорэми Тхьэм къыфыӀуихыщт.

– Арышъ, хэти сэ сигущыӀэхэр зэхэзыхэу, ахэри зыгъэцакӀэрэр зыфэдэр лӀы акъылышӀоу, зиунэ мыжъо пытэм тезышӀыхьагъэр ары.

Аущтэу цӀыфхэр къыжъудэзекӀонхэу шъузэрэфаем фэдэу шъори ахэмэ сыдигъуи шъуафыщыт. Джары Тэурат хабзэм итхэми пегъымбархэм атхыгъэхэми къарыкӀырэр.

Ау щыӀэныгъэм игъогу узэрытехьэрэ къэлапчъэр зэжъу, ащ кӀорэ гъогури бгъузэ. Ар къэзгъотхэри макӀэх.

– Къэлэпчъэ зэжъумкӀэ шъудахь; сыда пӀомэ, кӀодыпӀэм икъэлапчъэ шъуамбгъо, ащ кӀорэ гъогури гъогушху. А гъогум рыкӀохэри бэ мэхъух.

Аущтэу шъо шъубзаджэ пэтми, шъуилъфыгъэхэм шӀу зэряшъутыщт шӀыкӀэр шъошӀэмэ, ащ нахьи нахьыбэу шъуя Тэ лъапӀэу уашъом щыӀэм ежь елъэӀухэрэм тынышӀухэр къаритыщтхэба?

– Зыми хьыкум тешъумышӀыхь, Тхьэм хьыкум къышъутыримышӀыхьаным пае. Сыда пӀомэ, шъо цӀыфхэм хьыкум зэратешъушӀыхьэрэм фэдэу, Тхьэм шъори хьыкум къышъутыришӀыхьащт, шъо шапхъэу зэрэшъушырэм фэдэ шапхъэкӀи Тхьэм шъо къышъуфишыжьыщт.

Ау хэти сигущыӀэхэр зэхэзыхэу, ахэри зымыгъэцакӀэрэр зыфэдэр лӀы акъылынчъэу, зиунэ пшахъом тезышӀыхьагъэр ары.

– О унэ пкъэоу кӀэлъым гу лъымытэу, пхъэцалэу о пшы ынэ кӀэлъыр сыд пае плъэгъура? Пкъэур о унэ кӀэлъ пэтзэ, сыдэущтэу пшы епӀон плъэкӀыра: «Пхъэцалэу о унэ кӀэлъыр къыкӀэсэгъэх» пӀоу?

– Пегъымбар нэпцӀхэм шъуафэсакъ. Ахэмэ мэлышъо щыгъын ащыгъэу, ау агухэмкӀэ тыгъужъ цунтхъакӀохэм афэдэхэу шъуадэжь къэкӀох. Чъыгыр зыфэдэр къыпыкӀэрэмкӀэ зэрэпшӀэрэм фэдэу, а цӀыфхэм Ӏофхэу агъэцакӀэхэрэмкӀэ зыфэдэхэр къэшъушӀэщт. Пырэжъые куандэм сэнашъхьэ къыпача е шхъум ынджыр къыпача?

Ащ фэдэу сыдрэ чъыгышӀум шӀу къыпэкӀэ, ау чъыг дэим дэй къыпэкӀэ.

ЧъыгышӀум дэй къыпыкӀэн ылъэкӀыщтэп, чъыг дэими шӀу къыпыкӀэн ылъэкӀыщтэп.

Сыдрэ чъыгэу шӀу къызыпымыкӀэрэр раупкӀынышъ, машӀом падзэщт.