Mistari Maarufu ya Biblia kutoka IOANE 17

Shirikisha

Hereva momokani dekena amo idia do oi hahelagaia, oiemu hereva be hereva momokani.

Mauri hanaihanai be inai: Idia ese oi Dirava momokani tamona do idia diba, bona Iesu Keriso, oi ese oi siaia tauna danu do idia diba.

“Idia sibona totona lau noinoi lasi, to edia hereva dekena amo lau do idia abidadama henia taudia totona danu lau noinoi oi dekenai. Egu Tamana e, lau ura idia ibounai be do idia tamona, oi be lauegu lalona dekenai oi noho, bona lau be oiemu lalona dekenai lau noho hegeregerena, idia danu iseda lalona dekenai do idia noho. Unai dekena amo tanobada ese do ia abia dae, oi ese lau oi siaia.

Lau noinoi lasi tanobada dekena amo idia oi kokia totona, to lau noinoi Tau Dikana dekena amo idia do oi hamauria.

Lau dekenai oi henia hairaina bona goada be idia dekenai danu lau henia vadaeni, unai dainai idia be do idia tamona, ita ruaosi ita tamona hegeregerena. Lau be idia edia lalona dekenai lau noho, oi danu lauegu lalona dekenai oi noho. Unai dainai lau ura idia be do idia tamona momokani. Vadaeni tanobada taudia be do idia diba, oi ese lau oi siaia vadaeni, bona oi ese idia oi ura henia, lau oi ura henia hegeregerena.