Mistari Maarufu ya Biblia kutoka METHIU 5

Shirikisha

Tunangkhat inkho mitton ataarche luktoong makhumma sinohme, chuta ataarna chunga ithongche innsuung apumtea amvaar. Mahchunanga, nannihva akvaarkha aktlei miikuung akho vaarso, chunna anmah in nannihva akthrata muh a ringramma am nanpa in paarthratna veiso.”

“Nannihva tukleiramtu akvaarchou, muul inkhatchunga anseem khuuboom inthup janoh.

“Doiphah eikha ril akseeng miikhasei, alamva anmah in Ringpu anmuhtu.

“Doiphah eikha akchimlamseh rella traamkraal akphah miikhasei, alamva anmahta amvahtuei.

Chuta keiinva niandah miita ringvolro, namtommii khata doi malanro, nangta nantirh miita akthra tlohro, che nangta nak antheihnoh a nakchutmii turelva ngenveta kisonchou.

“Doiphah eikha Li ah anran miikhasei, alamva ringram huunnakha anmah anta.

“Doiphah eikha leh oi akthlenmii khasei, alamva anmahta Ringpu vaa asa ih a aongtuei.

“Doiphah eikha marhuui miikhasei, alamva anmahta amthlantuei.

“Doiphah eikha akchimlamseh relna anchut miikhasei, alamva ringram huunnakha anmah antasa.

“Doiphah eikha rilvoltheih miikhasei, alamva anmah in Ringpu rilvol anphahtu.

“Doiphah eikha kei turella mii in bilam anaamtea machimnoh janoh a thranoh amithlakche saal raanna anchut miikhasei. Roomthok a tlan veive, alamva ringramma nannih nankhaan khalmo liin, oinanga nannih nanmaa a anmah in ringraan eita anchutei.”

“Doipha eikha inruruh miikhasei, alamva anmah in thaleiram anphahtu.

“Nannihva thaleiramtu machih sachou, chuta machih in a alnohsale, khatloh a a alnatu itloh ume? Jakhatkho athratna amnohsa, chuta ilonche ikeh a ichuun uningsa.

Chunna ringramma ak am nanpa in athrat nangjimma nannih inkho akthra veive.”

Chuta nangin ‘Oi’ nitihkha ‘Oisa’ che nangin ‘Ah’ nitihkha ‘Ah veisa’ alamva maannata akralkhava akthranoh tingnasa.”

“ ‘Mit khatvaa angut mit inkhat, ha inkhatvaa angut aha inkhat’ tih i nantheihpei. Chuta akthranoh miita roujanoh veta kisonchou, chunna tunangkhat in nikchangtongna nimaipi a nakbeengle khattingkho inheia roudohro.

Chunna nikchangna mit in nangta aleh ah nakthlakle kholla lonro, alamva nitak apumteta repnangah nakthlakpi ngutva nitakna akhol inkhat amnoh in nichuungna veitu. Che nikchang kut in nangta aleh ah nakthlakle, tanna lonro, alamva nitak pumte repnanga nakthlakpi ngutva nitakna akhol inkhat amnoh in nangtu nichuungna veitu.”