Mistari Maarufu ya Biblia kutoka Mateos 27

Shirikisha

Pas jam tiga sore, ju Yesus batarea pake bahasa Aram bilang, “Eli! Eli! Lema sabaktani?” (Dia pung arti bilang, “Beta pung Tuhan! Beta pung Allah, é! Akurang ko Bapa bale balakang kasi tenga sang Beta bagini?”)

Di Ruma Sambayang Pusat, ada satu gorden bésar tagantong ko pele Tuhan Allah pung Kamar Paling Barisi. Parsís Yesus pung putus napas, ju itu gorden tarobe putus bagi dua, dari atas sampe bawa. Ju tana tagoyang, sampe batu bésar tabalá. Kubur-kubur dong ju tabuka. Deng Tuhan Allah pung orang yang su mati, ada yang Dia kasi idop kambali.

Ais Yesus batarea ulang lai deng suara karás, ju Dia mati.

Di Golgota, ada komandán deng dia pung ana bua yang jaga Yesus di kayu palang. Waktu dong lia bumi tagoyang, deng samua hal yang su jadi tu, ju dong taku mau mati. Dong baꞌomong bilang, “Awii! Ini Orang ni, memang batúl-batúl Tuhan Allah pung Ana!”

Ais itu, galáp gulita tutu ame itu tampa dari tenga hari sampe jam tiga sore.

Ais dia tanya sang dong bilang, “Kalo bagitu, na, beta bekin karmana deng ini Yesus, yang orang subu bilang, Kristus?” Ju dong samua batarea rame-rame bilang, “Paku bekin mati sang Dia di kayu palang sa!” Ais gubernor tanya lai bilang, “Ko Dia pung sala apa? Beta su pareksa sang Dia, ma beta sonde dapa Dia pung sala apa-apa ni!” Ma dong samua batarea lebe karás lai bilang, “Bekin mati sang Dia! Paku sang Dia di kayu palang suda!”