Mistari Maarufu ya Biblia kutoka Luk 9

Shirikisha

asok unang tinum alugum bogobela, “Tinum dogap kapta, niso no nimi ogok uta keneman o agelap umdii, yak kalapmi aget fugunin uta kup kanumin boyo kupka-nalapta, am tiinu kayop tiinu kem tubu uyo, nimi ilak uta fom duga-bom-nalap e, nimi at diim kaal fuyap kulan-temi kulutap ke, ‘Kaan-nimi bole, kanube kaan-nimi o,’ agan-bom-nalapta, kanupmin kuguup uta ku-nalapta, te tam nimi ogok uyo waafuu kwep tebe-balapta o ageta ko.

Tinum dogap ita ilami kaal ilak uta kup suun duga-bom, ilami aget fugunin uta kup kanum tiineman o agan-kala umdii, beta kaan-nalata, maagalo kelan-tema kale minte, tinum dogap ita, ‘Meng kanu-bili waasi iyo tebe nangko-nimip kuta, nangko-nimip o,’ age-nala meng nimi ilak kup duga-bom nimi kuguup uta fomtuup waafuu kwep taba umdii, beta suun kup nan-tema ko.

tam Yesus isiik bogobela ko. “Tam tinum iyo iman ilang kela uyo, tele tiin molin-tem kelan-tema uyo, imi man iyo tele ifeman-temaala ko. Kale ulutap kale, tinum iyo, nimi ilak doli o age-nala atuk atuk kema umdii, beyo God imi weng uyo unang tinum iyo tele kupka-eman-temaala o,” agela ko.

Minte tinum iyo maak kafin kaa kutufosu komi mufekmufek uta alugum kwaa-bom-nala e minte, suun kup nin umi ilep umaak temin binim ke-bom no kema umdii, ilami mufekmufek kwiin tagang ko kwan-be bota tebe dong dogopman-temu bele ki? Umbae. Boyo tebe dong dogopman-temaalu kuba.

Tinum maak nimi win uyo kufunemin binim e minte, kek kek imi atul finano nimi weng uyo baga-emin binim ke no kema umdii, son-temu nala Mo Tibil imi Man niyo nalami Aatum ilatap kun tibin kamogim ke-nili ensel tambal iso tolon-temi uyo, nisiik tinum bemi win uyo kufobelan-temaali kale, ‘Beyo nimi duup ba o,’ agelan-temi ko.

Yesus isiik bogobela, “Sep kayaam ko age dungkiil iyo dungfil tem kal sina-bala e minte, uun yagal ilami um tem kal sina-bala no kem-nuubip kale minte, Mo Tibil imi Man nita fen nalami am sinamin am binim kale, kapkal aget uyo tele fugunolal a. Kabo nisino kanube tiineman o agan-balap aga o?” agela ko.

kota Yesus ilami okumop man iyo bogobela ko. “Tinum dok ita man kalatap iyo maak atamata, Yesus imi tiin diim uyo man kanupmin keyo win so kalaa age-nala dong dogobela umdii, boyo nimi dong daganemin kuguup uyo kulbu ko. Minte God yagal nimdala ti-sii kale, waantap ita nimi dong dogopnela umdii, boyo God imi dong daga-emin kuguup uyo kulbu ko. Kale dok ita aget fugunolata, niyo afak tem iinsi tinum kalaa agela umdii, beta God imi tiin diim uyo kwiin kiim kelan-tema o,” agela ko.