Mistari Maarufu ya Biblia kutoka Jon 6

Shirikisha

Yesus isiik yan kebe-nala e, “Suun nin umi iman o ageli boyo nagal kuba. Kale tinum iyo maak nimi finang meng miit tem tolom nimi ilak uyo fomtuup dola umdii, bemi aget tem uyo iman tep tebepman-temaalu binim, ok tep tebepman-temaalu binim, tambaliim nan-tema ko.

Kale ibo kafin diim komi mufekmufek umi aget ugaa kwaalan-temip uta, ibo dong dogobeluta, suun nin unang tinum kelan-temaalip binim kale, God imi Sinik ita unang tinum imi aget tem uyo bam daga-e-balata, aget fupkela ko-nilipta, suun nin unang tinum kelan-temip ko. Kale weng ko bogobebi boyo, Sinik Tambal yagal bam daabelata, ibo God imi suun nin unang tinum kebelin o ageta kuta

Ibaa. Ibo kuun iman sang daa binimamin bomi aget uyo ugel kalagamin ba kale, ibo suun nin umi iman unelip dong dogobelu suun kup nan-temip bota kup fen-bom-nilipta, bomi aget uta kup ugel kala-nilipta o ageta kale, Aatum God iyo ulaa nimdu-nala e, kanupmin iman bomi kuga-emin umi ogok uyo kwaap-nama mek Mo Tibil imi Man nimi diim abe-suu kale, ibo kanupmin iman boyo dagalip uyo, nita kopman-temi o,” agela ko.

Kale nimi Aatum imi aget fugunin uyo ki, unang tinum iyo alugum nimi Man iyo tele atamta, God imi Man iyo kulba kalaa age-nilip imi ilak uyo fomtuup dolan-temip ita suun nin unang tinum kelipta, biita afungen am daanan-temu kota, ifola fen tigi molan-temip o nagan-be o,” age kam agela ko.

Yesus isiik bogobe-nala e, “God imi ogok uyo ki, ibo God imi tinum ulaa nimdu nimdala ti-sii nimi ilak kup dolin o,” agela e

Kale alugum unang tinum Aatum kop-naman-tema bilip iyo nimi finang tolon-temip kale, waantap ita meng nimi ilak dolip umdii, fot tebelan-temaali binim kale, kululan-temi ko.

Saimon Fita iyo Yesus imi weng yan kebe-nala e, “Kamogim kabaa. Kam agelap kuta, nuyo kamka-nulupta, waami finang unon-temup a? Tinum maagup kapta kup tiin kafan sang magam uyo dupkop daga-em-nuubap bole a.

Kale niyo nagal abiil tigiin umi suun nin umi iman kale, abiil tigiin uyo kupkaa ti-sii kale, tinum iyo waantap ita suun nin umi iman bo unelip umdii, bilip iyo suun kup nan-temip ko. Suun nin umi iman ko kobelan-temi uyo ki nimi at diim kaan-nili nimi dam ilo kolan-temu uta kale, kobelan-temi boyo kafin diim kasel ipmi ilim bobelita, suun nin unang tinum kelan-temip o,” age kam agela ko.

Tinum maagup iyo dogonubeta ilami aget fugunin uyo meng toloma binim kale, Aatum nimdala ti-sii yagal tinum iyo ulaa imdupne imdep meng daapnelata, son-temu uyo, afungen am daanan-temu kota, asok ifoli fen tigi molan-temip ko.

fen suun nin umi iman God imi kobe-se uyo ki, God ita kwaala abiil tigiin ilo tal-nuluta, kafin diim kasel unang tinum iyo telela imolu mitam suun nin unang tinum kem-nuubip o,” agela e

Niyo nagal suun nin umi iman ko.

Yesus iyo iman uyo ku-nala e, God imi, “Suguul o,” age-nalata, iman so aniing so uyo unang tinum tonbip imi fegele-bom ife-bala alugum iyo unan-bii tii kelip ko. Alugum iyo une tii kelip e, Yesus iyo ilami okumop man bogobe-nala e, “Ibo iman atuk atuk kutulip uyo titubamin ba kale, afetalin o,” agela e

okumop man bilip iyo kilomita ogal o min bugup kal min simanim kugol bom-nilipta, utamipta e, Yesus iyo bot binim ok daang kun diim ilep uta mo mo kem tal-nalata, bot mep sino talan-be kalaa age-nilip e, fomtuup finan-bii kolipta, Yesus iyo bogobe-nala e, “Nugumal ibaa. Boyo nagal kale, finanin ba o,” agela e