Mistari Maarufu ya Biblia kutoka San Mateo 5

Shirikisha

Pãrau khaphʉ nʉm, lamparaan paanaa sĩi nem bʉ ee ausĩuba, dau garta ausĩiujem, dijã thum araraa amkhĩir. Ich jãgta aju aai nʉmgui ajim anʉm pãarjã. Magua pãachdeu nemdam wajapha wau nʉm gaaimua pãachta õtdau phuu dʉnʉmjo abat ajim anʉm, thumaam khʉʉn na arar amkhĩir; mag pãach nem wajapha wau nʉm gaaimua maach Aai ʉ̃gthar chirʉmta thumaam khʉʉnau thomkhĩir.

’Jãg durrsĩ gaai phobor sim pod dau merju khaba aajemjo, pãraujã pãachdeu mʉ iek khaugtarr chan pod meerju khaba nʉmgui ajim anaabá, pãach nem wajapha wau nʉm gaaimua pãachta mʉig eegarm khʉʉn athee khĩchag ee lámpara paa dʉnʉmjo naawai.

’Pãar ar thãar ajapha nʉm gaaimua ãba Ẽwandam dawagaata nem waaujem khʉʉn, onee abat ajim anʉm, pãrauta pãach mag nʉm gaaimua Ẽwandam khĩir ooju aawai.

’Pãar ar Ẽwandamau waupim khõsim nem wawaagta jãsog thʉnʉmjonaa obichag thʉnʉmjo nʉm khʉʉn, onee abat ajim anʉm, mag nem wajapha waum khõchkha nʉm khʉʉn juagta Ẽwandamau dʉi oojeewai.

Pari ĩs mua mag chirʉmgui ajim anʉm ich Jesuu: Pãach kha ukhurm khʉʉnjã daupii abat; maimua agjo mʉ iek gaaimua pãach khaibag wauju ẽkhaajem khʉʉn kõitjã warag Ẽwandamagta jeeubat.

—Pãar ar pãach khaigba nʉm khap Ẽwandamagta pãach eeg oopim khõsi durrum khʉʉn, onee abat ajim anʉm, pãachta i dʉi ãba jooba wenʉrraju aawai.

’Pãar ar pãachdeu Ẽwandam iek ʉkhatarr gaaimua pãach khõinaa nʉmjo khõinaa amkhĩir õrag jaau durrum khʉʉn, onee abat, pãachta Ẽwandamau ich chaainkha auju aawai.

’Pãar ar pãach pekau pom nʉm khaug auwi okhĩirjunaa Ẽwandamagta chugpaapi nʉm khʉʉn, onee abat ajim anʉm, ich Ẽwandamauta pãar khĩir jãsenkhawi pãar khĩir onee apiju aawai.

’Ar Ẽwandamau nem waupi sim ipierraa nem wau nʉm gaaimua jũrr õrau pãach dʉita khaigba aawai dau aphʉʉ durraajem khʉʉn, onee abat ajim anʉm, pãachta mʉg atagjã Ẽwandam dʉi ãba jooba wenʉrraju aawai.

’Pãar ar wir aig pãach khapeendamjã dau aug khaug paraa aajem khʉʉn, onee abat; pãachdeu am dʉi jãagjem paran Ẽwandamaujã agjo pãar dau aug khaug paraa ajugui ajim anʉm.

’Ar mʉ gaaimua õrau pãach khĩir iekhanaa pãach gaaijã jua khʉaba nʉm dʉi ĩchab sĩi pãach khaibag waum khõchgau pãach dʉi chad khabam iekta chadam iekjoo aadep aawai, warag onee abat. Pari pãach dʉi maagwaijã, oob okhĩirjuu amiet ajim anʉm. Magju khãai warag onee abat; pãar mag nʉm jũrran ʉ̃gtharin pãar athee nem wajapham poomata thʉnʉm. Ĩs jãg pãar dʉi khaibag thʉnʉmjo aba aajeejieb ajim anʉm warrgarwejã am jooinau Ẽwandam i jaaujerr khʉʉn dʉi. Pari magtarr ĩs am ʉ̃gthar Ẽwandam dʉi onee naabahab a jaaumajim aajem.

’Pãar ar bʉ̃ʉr abarm gaaimua meeukhaba khĩir thũu Ẽwandamagta pãach dʉi ichdeu ampierr apiejem khʉʉn, onee abat ajim anʉm, pãach mag nʉm paar irua durr iiur deeju a simjã pãachdeuta jʉ̃aju aawai.

Mag iekhakhag mamua ich Jesuupai, —Pãrau khaphʉ nʉmgui ajim anʉm, thakhaar nakha aadekhiin, tag bʉ̃ʉrjã maadeu nem igba sĩsiju. Magbaawai sĩi õrau ag ʉ̃r ereu dich thʉnaawiajã, ausĩuba ich mag bʉ ee sĩeju, tag igba sĩewai. Jãg nem ãrpimaaugau thakhaar iigjemjo, pãrauta õor okhooju arrjã ʉu mʉ juapierr khaigper durraba aajeeb ajim anʉm okhoopimaaugau.

Pãach Aai ʉ̃gthar chiraajemjã chi wajapham aawai pãach chi chaainaujã ĩchab pãach Aaijo o wajapha abat pãach khapeen dʉi a jaaumajim anaabá.

Magju khãai chadcha nem wauju khai, warre wauju abat. Wa wauba khãijã aju khai, warre ich agjo waubam abat, mag nem inag igwia magʉm gaaimuata wauju a iekhaba.

’Pãrau khaphʉ nʉm ĩchab, warrgarin pãar jooinau jaauwai, “Chikhamnau pʉch dau suawai puajã agjo i den suju aai sim” a jaaujeejim; wa “Chikhamnau pʉ khierr ãb khãijã buathẽupäaiwai pʉchdeujã i den agjo aju aai sim” a jaaujeejim. Pari ĩs mua mag chirʉmgui ajim anʉm deeu ich Jesuu: Ãbmua khãijã pãach dʉi khaigba aawai oob am dʉi agjo khaigba amiet. Magʉmjã agjo pekauu. Magju khãai pʉ khĩidadcha deetarr khai, thoom garjã agjo deemkhĩir irig khĩir ʉabá ajim anaabá warag.

’Magam uguata, pʉ juachaar garm daúa khãijã pʉ pekau waupi sim khai, jẽunaa warre warp barbapʉi. Mag dau ãbpaim gaaimua pʉch mor thum khĩmie durr maju khãai, dau appaita okhoobarmʉn, ʉu simgui ajim anʉm. Wa pʉ juachaar garm juau khãijã pʉ pekau waupi sim khai, warre thʉapnaa warp barbapʉi. Jua ãbpaim gaaimua pʉch mor thum khĩmie durr maju khãai, mag jua appaita okhoobarmʉn ʉu simgui ajim aajem. Wajapcharan magʉm pekau waumaaugau dau chukhumjo oobamjonaa magʉm nem khaigbam wawaagjã jua chukhumjo abá, bʉ̃ʉrjã wauba. Magju khãai Ẽwandam dau na pʉch morta sʉrkhabá a chirʉmgui ajim anʉm.