Pele-Ata

<div class="version vid969 iso6393ata" data-vid="969" data-iso6393="ata">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Vaikala Tovola'isie Sema Vaalu Vile Milinga Pekia'u Noxou Itema sou Uilevinu Vaivaikala</div><div class="p"> 1 # Kol 4:2; 1Te 5:17 Ioxe ili'i, la Iesu muvikalane'i ta molomolo noxou no anu vaikala tovola'i vile sou ulosieixa'a lexe ikilaka utotomu, io isuanu 'ilixo sou lakilaka uasi. 2La sou Anu muvikalane'i aloxo 'o, &#8220;No anu tuala vile, la mitema sou itilovosou vaivaikala vile a muxolu ne. Ia anu ulavusou umama'u noxou Lataua mo uxavutalane'i ta mitema uasi. 3Mo sema vaalu vile ane a mixolu no tuala ane ne kalumo. Ia ane ine'e utotomu noxou itema sou utilovosou vaivaikala ne sou ilinga noxou lexe, &#8216;Nasu'ulileli no anu vaivaikala ane uluaxeni utulusilo no anu.&#8217;</div><div class="p"> 4Ane mine'e milinga noxou alaxu tavu'alo mukalu tei, la anu ulomuxe uasi. Ia ili'i, la tanu muvikala aloxo 'o, &#8216;Eni ne, amama'u noxou Lataua uasi mo axavutalane'i ta mitema uasi, 5ia xo sema vaalu ano 'o imolo'inasilo utotomu 'o, la eni asu'uline no anu vaivaikala ane uluaie utulusie no anu. Mo sou mamu sou ane ine'e utotomu sou itotosaleli.&#8217;&#8221;</div><div class="p"> 6La Anu musolo vaikala aloxo 'o, &#8220;Ngalomusou mii ma'ia ane itema masua sou utilovosou vaivaikala mulemolu. 7La sou loxovaa, ta mitema ane Lataua musosovosi'a lexe ta na'u itama noxou no voxovoxo utotomu, la Anu umomomo sou usu'uline'i no anu vaivaikala ane ta uluai'a itulusi'a no anu uasi? Mo anu u'oxololooxa'a, io usu'uline'i uasi? 8Eni avikalangengi aloxo 'o. Lataua usu'uline'i no anu vaivaikala paleasi. Ia loxovaa, Itema 'Olu une'e, la umomomo sou Anu umaisi'a ta mitema no lialia 'o imuxamuxaxu tane'i noxou Lataua? Uasi.&#8221;</div><div class="s">Vaikala Tovola'isi'a Palisaio Ilou Itema sou Utaxusou Lamoli</div><div class="p"> 9Ta mitema mose'i mixavutala lexe ane'i mimulinu lapuloto noxou Mosesi, la sou ane'i ta mitema ta laixe, io ilu'elailixa'a ta mitema mo'sei sou ixavutala lexe ane'i ta laixe uasi. La sou Iesu muvikalane'i no anu vaikala tovola'i vile aloxo 'o, 10&#8220;Ta mitema tamei milai no tani tila noxou Lataua sou ilinga. Vile noxi'a ilou ne, anu Palisaio xe vile ne anu itema sou utaxusou lamoli. 11Io, ilou milai, la Palisaio mutulu sou mukilakasou no tanu aloxo 'o, &#8216;Lataua, eni alemo laixe ulai noxine xo eni loxo ta mitema mo'sei ane ipakali mo i'oxonu 'ili'ilixo masumasua mo isusu no anu taula'i xe loxo itema ane sou utaxusou lamoli e utulu no pa'umelo 'o uasi. 12#Ais 58:1-4; Mat 23:23Ia eni amitema sou alavusou apelemu alaxu tamei no anu voxo ta'uve mo muxatele tamei mo alavusou avelunu mimii ukalusi noxilo sou aitinu mavulovexasou ulai noxine.&#8217;</div><div class="p"> 13 # Lex 51:1 Ia itema sou utaxusou lamoli ne, mutulu va'axu noxou Palisaio mo iou utelo no opo loxotolo uasi. Ia mutangatulu sou mu'otu'otunu lutunu, io muvikala lexe, &#8216;Lataua, tanenixo xo eni itema sou 'ili'ilixo masumasua.&#8217;</div><div class="p"> 14 # Mat 23:12 La sou avikalangengi lexe itema ane sou utaxusou lamoli ne mulivu no tani, la Lataua mumoxo'u lexe anu itema mulapu. Ia Palisaio ne aloxo ne uasi. Xo ta mitema tavu'alo ane'i ane i'itinu ualasi'a ne, la Lataua ulu'elailixa'a, xe ane'i ane ilu'elailixa'a, la Lataua u'itinu ualasi'a.&#8221;</div><div class="s">Mine'ene'i ta Molomolo Noxou Iesu</div><div class="p"> 15Iesu muvikalane'i aloxo ne xe mukalu, la ta mitema mine'ene'i ta 'ili'a ta keakea noxou sou lexe Iesu umulaxu avolu noxi'a sou ualusi'a. Xe ta molomolo noxou mimaisi'a aloxo ne, la mikaitolone'i. 16Ia Iesu mu'avali'a ta molomolo ta kitukitu'a mine'e noxou, io muvikalane'i ta molomolo noxou aloxo 'o, &#8220;Ngaxexesi'a ta molomolo ta kitukitu'a nesi mo ine'e noxilo. Io nga'apixa'a uasi. Xo ta mitema ane loxo ta molomolo ta kitukitu'a 'o, ane'i imomomo sou ixolu no anu saxisaxila'u noxou Lataua. 17#Mat 18:3Eni avikalangengi manina musuku aloxo 'o. Itema vile umasaxa sou uxali loxo ta molomolo ta kitukitu'a 'o uasi, la umomomo sou Lataua usaxila'u uasi.&#8221;</div><div class="s">Tila sou Lalotu Noxi'a ta Iutaia E Anu Itema sou Lavuluti</div><div class="r">(Mat 19:16-30; Mak 10:17-31)</div><div class="p"> 18 # Luk 10:25 Tila vile sou lalotu noxi'a ta Iutaia mutali'isou Iesu aloxo 'o, &#8220;Itema laixe sou ulosixe lavulavu, mii ma'ia ane lexe eni a'oxonu la sou eni ano'u mauli ane kaluxu uasi no anu?&#8221;</div><div class="p"> 19Xe Iesu muavuti la mukolinu aloxo 'o, &#8220;Tava'u loxovaa ane nini nemoxo'ilo lexe eni laixe 'o? Itema vile laixe uasi, ia Lataua Anusisi. 20#Mul 20:12-16; Lap 5:16-20Nini nelavu no anu lapuloto noxou Mosesi e muvikala lexe, &#8216;Ngingi ane ngetaula'i, la ngasusunoxu taula'ingenge uasi. Mo mamu sou ngavau itema vile usoli. Mo mamu sou ngapakali. Mo mamu sou ngakalavoinu itema vile vitanisi sou ngavikala lexe manina teitexi. Xe ngatoxone'i ta maminge ilo'a ta neninge.&#8217;&#8221;</div><div class="p"> 21Xe anu muavuti, la muvikalanu Iesu aloxo 'o, &#8220;Lapuloto ane ne, eni emulinu no mine eni molomoloxo mo mune'e mutalo vaimomo 'o.&#8221;</div><div class="p"> 22Xe Iesu mulomu noxou aloxo ne, la sou muvikalanu lexe, &#8220;Mii vilesisi a na'oxo uao. Nalai mo nano'u lavulavulutimeni ukalusi mo ta mitema ilotonu, xe nano'u lamolisou la sou naiti'a ane'i ane i'a mimii uasi. Xe nini na'oxo aloxo ne, la sou mimii lailaixe ane uai teitexi no opo loxotolo ne, nini na'anini. Ia nane'e mo namulileli.&#8221;</div><div class="p"> 23Xe itema ne mulomusou vaikala noxou aloxo ne, la iou mupalulu. Xo anu mulavusou lexe anu lavulavulutiu tavu'alo misevile. 24Iesu mumaisou itema ne la muvikalanu aloxo 'o, &#8220;Ta mitema ane lavulutii'a tavu'alo musuku ne, anu pekia'u musuku noxi'a sou i'unalai no anu saxisaxila'u noxou Lataua! 25Manina lexe anu se'isisi sou kameli vile u'unalai no anu umo vile taxanu, ia itema ane lavulutiu piena musuku ne, anu pekia'u misevile noxou sou u'unalai no anu saxisaxila'u noxou Lataua.&#8221;</div><div class="p"> 26Xe ane'i ane milomusou vaikala noxou aloxo ne, la ane'i mitali'isou Iesu aloxo 'o, &#8220;La sou 'ena'ei ane sou uno'u mauli ane kaluxu uasi ne?&#8221;</div><div class="p"> 27La Iesu mukoline'i aloxo 'o, &#8220;Mii ma'ia ane ta mitema imomomo sou i'oxonu uasi ne, Lataua umomomo sou u'oxonu.&#8221;</div><div class="p"> 28Xe Pita muavuti la muvikalanu aloxo 'o, &#8220;Nexi texiu tumalixeu mimii latala noxixe ne mukalu, ia tene'e 'o sou temulineni!&#8221;</div><div class="p"> 29Xe Iesu muavuti la muvikalane'i aloxo 'o, &#8220;Eni avikalangengi manina musuku aloxo 'o. Lexe itema vile u'umesou taasou mo semau mo ta vimovimou mo momu ilee nenu xe ta 'olu'olu sou lexe u'italonu maulixu ulai noxou Lataua sou usaxila'u, 30la anu uno'u mimii tavu'alo uuaulixu mimii ane anu mu'umesou tei no mine anu uxolu no lia 'o xe ili'i no mine anu usoli, la uno'u mauli ane kaluxu uasi.&#8221;</div><div class="s">Iesu Mutotokalasou Soli Noxou Alaxu Tatalusou</div><div class="r">(Mat 20:17-19; Mak 10:32-34)</div><div class="p"> 31 # Luk 24:44 Ioxe, Iesu muvikalane'i aloxo ne xe mukalu, la muno'a ta molomolo noxou mavulovexa mo mulu'e no lia tamei mine'e 'alai noxou sou muvikalane'i aloxo 'o, &#8220;Nenge nenge'a sou tanuna ne Ielusalemu 'o, mo sou mimii latala ane ta mitema sou palomatana mikaukavunusou Itema 'Olu ne, uxali manina. 32#Luk 9:22, 44La sou ta mitema ino'u sou i'italonu ulai no avo'a ta mitema ane'i ane ilavusou Lataua uasi, sou imolovila'isou mo ikekeiou mo ituvesou xe ipuapuasou mo ivau usoli. 33Uai no anu lulu voxo tamei xe tatalusou, la Anu utulu.&#8221;</div><div class="p"> 34 # Mak 9:32 Ia ta molomolo noxou ilamana no anu mimii ane Iesu mulemolu ne uasi. Xo laaxu ne mutalume noxi'a, la sou ane'i ilavusou mii ma'ia ane Anu ulelemolu ne uasi.</div><div class="s">Iesu Mupamaulinu Itema Vile Iou Seleveenu</div><div class="r">(Mat 20:29-34; Mak 10:46-52)</div><div class="p"> 35Ioxe, Iesu ilo'a ta molomolo noxou milai mixali 'alai ne Ieriko, la itema vile iou seleveenu a muxoxolu no vote'i pa'umolu ne. Anu uxoxolu ne sou ulingalinga mimii noxi'a ta mitema. 36No voxo ane ne, anu mulomusi'a ta mitema tavu'alo imuamua'i inene'e, la mutali'isi'a aloxo 'o, &#8220;Mii ma'ia ane, uxaxali ne?&#8221; 37La ane'i mikolinu aloxo 'o, &#8220;Iesu sie Naseleti Anu a une'e ulai ne.&#8221;</div><div class="p"> 38La anu mu'ava mulai noxou Iesu aloxo 'o, &#8220;Iesu, nini Deviti 'ilusunu, nini tanenixo!&#8221;</div><div class="p"> 39Ia ane'i ane miulaxunu Iesu ne mikaitolonu, la mivikalanu lexe anu uxolu tasiau, ia anu ulomuxa'a uasi, anu mu'ava mu'oki mulai noxou Iesusi aloxo 'o, &#8220;Deviti 'ilisunu, nini tanenixo.&#8221;</div><div class="p"> 40Xe Iesu mulomu aloxo ne, la sou mutulu sou muvikalane'i lexe ine'enu itema ne noxou. Xe mine'e mixalixu 'alai noxou, la Iesu mutali'isou aloxo 'o, 41&#8220;Nini nemasaxailo lexe eni a'oxonu mii ma'ia noxine ne?&#8221;</div><div class="p">La anu mukolinu aloxo 'o, &#8220;Tila, emasaxa lexe ieli ukala mo amalei laixe.&#8221;</div><div class="p"> 42La sou Iesu muvikalanu aloxo 'o, &#8220;Eni emasaxa lexe nini ieni ukala mo namalei laixe. Xo nini nemuxaxu taneni noxilo, la sou ieni mukala.&#8221; 43Alaxu vilesisi 'o, la iou mukala sou mumalei, la sou anu mu'iti Lataua ualasou mo mumulinu Iesu. Xe ta mitema mukalusi ne mimaisou, la ane'i kalumo mi'itinu Lataua ualasou.</div>
 </div>
 </div>
</div>

Ioxe ili'i, la Iesu muvikalane'i ta molomolo noxou no anu vaikala tovola'i vile sou ulosieixa'a lexe ikilaka utotomu, io isuanu 'ilixo sou lakilaka uasi. La sou Anu muvikalane'i aloxo 'o, “No anu tuala vile, la mitema sou itilovosou vaivaikala vile a muxolu ne. Ia anu ulavusou umama'u noxou Lataua mo uxavutalane'i ta mitema uasi. Mo sema vaalu vile ane a mixolu no tuala ane ne kalumo. Ia ane ine'e utotomu noxou itema sou utilovosou vaivaikala ne sou ilinga noxou lexe, ‘Nasu'ulileli no anu vaivaikala ane uluaxeni utulusilo no anu.’
Ane mine'e milinga noxou alaxu tavu'alo mukalu tei, la anu ulomuxe uasi. Ia ili'i, la tanu muvikala aloxo 'o, ‘Eni ne, amama'u noxou Lataua uasi mo axavutalane'i ta mitema uasi, ia xo sema vaalu ano 'o imolo'inasilo utotomu 'o, la eni asu'uline no anu vaivaikala ane uluaie utulusie no anu. Mo sou mamu sou ane ine'e utotomu sou itotosaleli.’”
La Anu musolo vaikala aloxo 'o, “Ngalomusou mii ma'ia ane itema masua sou utilovosou vaivaikala mulemolu. La sou loxovaa, ta mitema ane Lataua musosovosi'a lexe ta na'u itama noxou no voxovoxo utotomu, la Anu umomomo sou usu'uline'i no anu vaivaikala ane ta uluai'a itulusi'a no anu uasi? Mo anu u'oxololooxa'a, io usu'uline'i uasi? Eni avikalangengi aloxo 'o. Lataua usu'uline'i no anu vaivaikala paleasi. Ia loxovaa, Itema 'Olu une'e, la umomomo sou Anu umaisi'a ta mitema no lialia 'o imuxamuxaxu tane'i noxou Lataua? Uasi.”

Ta mitema mose'i mixavutala lexe ane'i mimulinu lapuloto noxou Mosesi, la sou ane'i ta mitema ta laixe, io ilu'elailixa'a ta mitema mo'sei sou ixavutala lexe ane'i ta laixe uasi. La sou Iesu muvikalane'i no anu vaikala tovola'i vile aloxo 'o, “Ta mitema tamei milai no tani tila noxou Lataua sou ilinga. Vile noxi'a ilou ne, anu Palisaio xe vile ne anu itema sou utaxusou lamoli. Io, ilou milai, la Palisaio mutulu sou mukilakasou no tanu aloxo 'o, ‘Lataua, eni alemo laixe ulai noxine xo eni loxo ta mitema mo'sei ane ipakali mo i'oxonu 'ili'ilixo masumasua mo isusu no anu taula'i xe loxo itema ane sou utaxusou lamoli e utulu no pa'umelo 'o uasi. Ia eni amitema sou alavusou apelemu alaxu tamei no anu voxo ta'uve mo muxatele tamei mo alavusou avelunu mimii ukalusi noxilo sou aitinu mavulovexasou ulai noxine.’
Ia itema sou utaxusou lamoli ne, mutulu va'axu noxou Palisaio mo iou utelo no opo loxotolo uasi. Ia mutangatulu sou mu'otu'otunu lutunu, io muvikala lexe, ‘Lataua, tanenixo xo eni itema sou 'ili'ilixo masumasua.’
La sou avikalangengi lexe itema ane sou utaxusou lamoli ne mulivu no tani, la Lataua mumoxo'u lexe anu itema mulapu. Ia Palisaio ne aloxo ne uasi. Xo ta mitema tavu'alo ane'i ane i'itinu ualasi'a ne, la Lataua ulu'elailixa'a, xe ane'i ane ilu'elailixa'a, la Lataua u'itinu ualasi'a.”

Iesu muvikalane'i aloxo ne xe mukalu, la ta mitema mine'ene'i ta 'ili'a ta keakea noxou sou lexe Iesu umulaxu avolu noxi'a sou ualusi'a. Xe ta molomolo noxou mimaisi'a aloxo ne, la mikaitolone'i. Ia Iesu mu'avali'a ta molomolo ta kitukitu'a mine'e noxou, io muvikalane'i ta molomolo noxou aloxo 'o, “Ngaxexesi'a ta molomolo ta kitukitu'a nesi mo ine'e noxilo. Io nga'apixa'a uasi. Xo ta mitema ane loxo ta molomolo ta kitukitu'a 'o, ane'i imomomo sou ixolu no anu saxisaxila'u noxou Lataua. Eni avikalangengi manina musuku aloxo 'o. Itema vile umasaxa sou uxali loxo ta molomolo ta kitukitu'a 'o uasi, la umomomo sou Lataua usaxila'u uasi.”


Tila vile sou lalotu noxi'a ta Iutaia mutali'isou Iesu aloxo 'o, “Itema laixe sou ulosixe lavulavu, mii ma'ia ane lexe eni a'oxonu la sou eni ano'u mauli ane kaluxu uasi no anu?”
Xe Iesu muavuti la mukolinu aloxo 'o, “Tava'u loxovaa ane nini nemoxo'ilo lexe eni laixe 'o? Itema vile laixe uasi, ia Lataua Anusisi. Nini nelavu no anu lapuloto noxou Mosesi e muvikala lexe, ‘Ngingi ane ngetaula'i, la ngasusunoxu taula'ingenge uasi. Mo mamu sou ngavau itema vile usoli. Mo mamu sou ngapakali. Mo mamu sou ngakalavoinu itema vile vitanisi sou ngavikala lexe manina teitexi. Xe ngatoxone'i ta maminge ilo'a ta neninge.’”
Xe anu muavuti, la muvikalanu Iesu aloxo 'o, “Lapuloto ane ne, eni emulinu no mine eni molomoloxo mo mune'e mutalo vaimomo 'o.”
Xe Iesu mulomu noxou aloxo ne, la sou muvikalanu lexe, “Mii vilesisi a na'oxo uao. Nalai mo nano'u lavulavulutimeni ukalusi mo ta mitema ilotonu, xe nano'u lamolisou la sou naiti'a ane'i ane i'a mimii uasi. Xe nini na'oxo aloxo ne, la sou mimii lailaixe ane uai teitexi no opo loxotolo ne, nini na'anini. Ia nane'e mo namulileli.”
Xe itema ne mulomusou vaikala noxou aloxo ne, la iou mupalulu. Xo anu mulavusou lexe anu lavulavulutiu tavu'alo misevile. Iesu mumaisou itema ne la muvikalanu aloxo 'o, “Ta mitema ane lavulutii'a tavu'alo musuku ne, anu pekia'u musuku noxi'a sou i'unalai no anu saxisaxila'u noxou Lataua! Manina lexe anu se'isisi sou kameli vile u'unalai no anu umo vile taxanu, ia itema ane lavulutiu piena musuku ne, anu pekia'u misevile noxou sou u'unalai no anu saxisaxila'u noxou Lataua.”
Xe ane'i ane milomusou vaikala noxou aloxo ne, la ane'i mitali'isou Iesu aloxo 'o, “La sou 'ena'ei ane sou uno'u mauli ane kaluxu uasi ne?”
La Iesu mukoline'i aloxo 'o, “Mii ma'ia ane ta mitema imomomo sou i'oxonu uasi ne, Lataua umomomo sou u'oxonu.”
Xe Pita muavuti la muvikalanu aloxo 'o, “Nexi texiu tumalixeu mimii latala noxixe ne mukalu, ia tene'e 'o sou temulineni!”
Xe Iesu muavuti la muvikalane'i aloxo 'o, “Eni avikalangengi manina musuku aloxo 'o. Lexe itema vile u'umesou taasou mo semau mo ta vimovimou mo momu ilee nenu xe ta 'olu'olu sou lexe u'italonu maulixu ulai noxou Lataua sou usaxila'u, la anu uno'u mimii tavu'alo uuaulixu mimii ane anu mu'umesou tei no mine anu uxolu no lia 'o xe ili'i no mine anu usoli, la uno'u mauli ane kaluxu uasi.”


Ioxe, Iesu muvikalane'i aloxo ne xe mukalu, la muno'a ta molomolo noxou mavulovexa mo mulu'e no lia tamei mine'e 'alai noxou sou muvikalane'i aloxo 'o, “Nenge nenge'a sou tanuna ne Ielusalemu 'o, mo sou mimii latala ane ta mitema sou palomatana mikaukavunusou Itema 'Olu ne, uxali manina. La sou ta mitema ino'u sou i'italonu ulai no avo'a ta mitema ane'i ane ilavusou Lataua uasi, sou imolovila'isou mo ikekeiou mo ituvesou xe ipuapuasou mo ivau usoli. Uai no anu lulu voxo tamei xe tatalusou, la Anu utulu.”
Ia ta molomolo noxou ilamana no anu mimii ane Iesu mulemolu ne uasi. Xo laaxu ne mutalume noxi'a, la sou ane'i ilavusou mii ma'ia ane Anu ulelemolu ne uasi.


Ioxe, Iesu ilo'a ta molomolo noxou milai mixali 'alai ne Ieriko, la itema vile iou seleveenu a muxoxolu no vote'i pa'umolu ne. Anu uxoxolu ne sou ulingalinga mimii noxi'a ta mitema. No voxo ane ne, anu mulomusi'a ta mitema tavu'alo imuamua'i inene'e, la mutali'isi'a aloxo 'o, “Mii ma'ia ane, uxaxali ne?” La ane'i mikolinu aloxo 'o, “Iesu sie Naseleti Anu a une'e ulai ne.”
La anu mu'ava mulai noxou Iesu aloxo 'o, “Iesu, nini Deviti 'ilusunu, nini tanenixo!”
Ia ane'i ane miulaxunu Iesu ne mikaitolonu, la mivikalanu lexe anu uxolu tasiau, ia anu ulomuxa'a uasi, anu mu'ava mu'oki mulai noxou Iesusi aloxo 'o, “Deviti 'ilisunu, nini tanenixo.”
Xe Iesu mulomu aloxo ne, la sou mutulu sou muvikalane'i lexe ine'enu itema ne noxou. Xe mine'e mixalixu 'alai noxou, la Iesu mutali'isou aloxo 'o, “Nini nemasaxailo lexe eni a'oxonu mii ma'ia noxine ne?”
La anu mukolinu aloxo 'o, “Tila, emasaxa lexe ieli ukala mo amalei laixe.”
La sou Iesu muvikalanu aloxo 'o, “Eni emasaxa lexe nini ieni ukala mo namalei laixe. Xo nini nemuxaxu taneni noxilo, la sou ieni mukala.” Alaxu vilesisi 'o, la iou mukala sou mumalei, la sou anu mu'iti Lataua ualasou mo mumulinu Iesu. Xe ta mitema mukalusi ne mimaisou, la ane'i kalumo mi'itinu Lataua ualasou.

Sikiliza Luka 18