Texte de la Bible: Azumeina © Alliance Biblique du Tchad, 1999 Enregistrement du Nouveau Testament Azumeina ℗ 2012 Hosanna

Azumeina - 2012 Edition (NT) Drama

<div class="version vid855 iso6393mpg" data-vid="855" data-iso6393="mpg">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="ms">TCHOLA HI JESUS-D&#8217;A KI TAK TA MAMBA</div><div class="ms">KI HULONG MAM MBA AKULOD&#8217;A</div><div class="mr">(24.1-53)</div><div class="s">Jesus mi tchol akulo aduk suma matna</div><div class="r">(Gol Mat 28.1-10; Mar 16.1-8; Jn 20.1-10)</div><div class="p"> 1Kur bur dimas ki yorogo tcholola, aropma a mba yam asud&#8217;a ki mbul ma his ma afufu&#238; ma azi minima. 2Azi fe ahina d&#8217;a ligata woi avun zula. 3Azi kal kua, a fe nga mad&#8217;a Salad&#8217;a Jesus d&#8217;i. 4Ata yima azi nga djib&#8217;er yam ahle suma a lenina, suma mb&#224; a buzuk kei irazi ki baru d&#8217;a hap pa ngal wiwilika ataziya. 5Aropma a le mandar&#226;, a tchok yazi k&#228;. Sum ndazina a dazi ala: Ni kayam me ba, agi halagi sama arina aduk suma matna ge? 6Mi nga ka h&#238; d&#8217;i, mi tchol wa. Agi djib&#8217;eregi yam zla d&#8217;a mi dagizi avok kid&#8217;a mam nga kur Galile tua d&#8217;a. 7Mi dala: Mbe&#238; a mba han an Gor Sana abo suma tchona, a mba b&#8217;alan akulo ata aguna, wani an mba ni tchol akulo kur bur ma hindina.</div><div class="p"> 8Aropma a djib&#8217;er yam zla d&#8217;a Jesus mi dazizi avoka. 9A tchol&#239; yam asud&#8217;a, a i avo, a de mi suma hat suma dogo yam tuna ki suma a nga ki sed&#8217;ezina ahle suma a lena pet. 10Arop suma a de zla ndata mi suma sundina, ni Marie d&#8217;a Makdala-d&#8217;a azi ki Jan ki Marie Jacques asum karop suma ding suma a nga ki sed&#8217;ezina mi. 11Wani azi gol zla mazid&#8217;a ni d&#8217;igi zla d&#8217;a hawad&#8217;a na, a he nga gagazid&#8217;a kat ti. 12Wani Pierre mi tchol mi ring mi i yam asud&#8217;a, mi hud&#8217;o k&#228;, mi gol hur zula, mi we baru d&#8217;a a tozom ki d&#8217;a nga tchuka k&#228; abo tu. Mi hulong avo hatamu, nga mi le atchap yam ahle suma a lena.</div><div class="s">Jesus mi nde tam mbei ir suma hata mb&#224;</div><div class="r">(Gol Mar 16.12-13)</div><div class="p"> 13Kur bur m&#225;ma suma mb&#224; aduk suma hata a i kur az&#236; ma a yum ala Emawus-s&#226;, dei ki Jerusalem d&#8217;igi kilometred&#8217;a dogo yam mb&#224; na. 14Azi nga de tazi yam ahle suma a lena pet. 15Ata yima azi nga yo siretna, a nga djop tazina, Jesus tamba mi hut geveziya, nga mi tit ki sed&#8217;eziya. 16Azi golomu, wani a we nga d&#8217;ala ni mamu d&#8217;a d&#8217;i. 17Jesus mi djobozi ala: Agi nga tid&#8217;igi gak mi agi dagi ni zla me aduk tagi ge?</div><div class="p">A tchol hirik, a nga d&#8217;us iraziya. 18Ma ding&#226; tu, simiy&#234;m ala Kleyopas, mi hulong dum ala: Ni ang tu ba, nakoi ma nga kaka avo Jerusalem ma bei wahle suma a le kur bur m&#225;mina zu?</div><div class="p"> 19Mi dazi ala: Vama le ni me ge?</div><div class="p">A dum ala: Ahle suma a le ki Jesus ma Nazarat-na. Mam mi ma djok vun Alona ma ad&#8217;eng ma kur sunda ki zla d&#8217;a ded&#8217;a avok Alona avok suma pet mi na. 20Wani mei suma nglo suma ngat buzuna azi ki mei suma te yamba a hum abo suma &#225; kam sariya d&#8217;a matna kamu, a b&#8217;alam akulo ata aguna mi. 21Ni ma ami tinimi hurumi kam ala mba mi sut Israel-l&#226; na. Wani ini ni bur ma hindi ma ahle ndazina a lena. 22Gagazi, arop suma ding&#226; adigami a kami hurumi mbina. Ata yima a i yam asud&#8217;a yorogo tcholol&#226;, 23a hulong&#238; a dami ala azi fum nga mad&#8217;am mbi. A dami ala malaikana a nde tazi iraziya, a dazi ala mi nga karid&#8217;a. 24Ndromi suma ding&#226; a i yam asud&#8217;a, a fahlena d&#8217;igi aropma a dazi na mi, wani azi wum nga d&#8217;i.</div><div class="p"> 25Jesus mi dazi ala: Agi ni suma bei ned&#8217;a suma bei he gagazid&#8217;a atogo yam ahle suma suma djok vun Alona a dazina. 26Mbe&#238; Mesi mi fe ndaka yam ahle ndazina tua ba, mi kal kur subur mamba d&#8217;uo zu? 27Jesus mi tin ad&#8217;ud&#8217;a kur mbaktumba hi Moise-sa ki d&#8217;a hi suma djok vun Alonid&#8217;a pet, nga mi vazi ad&#8217;ud&#8217;a kur mbaktumba hAlonid&#8217;a pet yam ahle suma a dazi kama.</div><div class="p"> 28Azi mba go kaz&#236; ma azi nga i kuana; mam le d&#8217;igi mi kal&#238; avok na. 29Wani azi d&#8217;elemu, a dum ala: Ang kak ki sed&#8217;emiya, kayam afata ar go &#225; nika, yina kal wa. Mi kal avo &#225; kak ki sed&#8217;eziya. 30Kid&#8217;a mi kak avun tena ki sed&#8217;ezid&#8217;a, mi hlavung&#244;na, mi le mersi mAlona kamu, mi mbrugum k&#228;, mi haziziya. 31Ata yi m&#225;ma, irazi mal leyo, a wumu, wani mi vit iraziya.</div><div class="p"> 32Azi de tazi ala: Kid&#8217;a nga mi de zlad&#8217;a ki sed&#8217;ei kur lovotid&#8217;a, ata yima nga mi ve ad&#8217;ud&#8217;a kur mbaktumba hAlonid&#8217;ina, tei lei djivid&#8217;a d&#8217;uo zu?</div><div class="p"> 33Azi tchol ata yi m&#225;ma, a hulong Jerusalem, a i fe suma hat suma dogo yam tuna azi ki suma a nga toka ki sed&#8217;ezina. 34Suma toka a dazi ala: Gagazi, Salad&#8217;a mi tchol akulo, mi nde tam mbei ir Simon. 35Bugola, azi suma mb&#224; ndazina a nde vazi ad&#8217;ud&#8217;a yam ahle suma a le ki sed&#8217;ezi kur lovotina, ni nana ba, azi we Jesus ata yima mi mbruk avung&#244;nina ge.</div><div class="s">Jesus mi nde tam mbei ir mam suma hata</div><div class="r">(Gol Mat 28.16-20; Mar 16.14-18; Jn 20.19-23; Sun SS 1.6-8)</div><div class="p"> 36Kid&#8217;a a nga de zla ndata tua d&#8217;a, Jesus tamba mi nga tchola adigaziya, mi dazi ala: An gagi depa.</div><div class="p"> 37Wani a nga zlak abo mandar&#226;, a djib&#8217;er ala a we nangusa. 38Mi dazi kua ala: Ni kayam me ba, vunadigagi d&#8217;i pat fek ke? Ni kayam me ba, agi djib&#8217;eregi kurugi hina ge? 39Agi gologi abon kasenu. Ni an tanda! Agi laman-ngi tanu, agi wagiya, kayam angusa nga ki hliuna kaso&#8217;&#226; d&#8217;i, d&#8217;igi agi wagi an nga ki sed&#8217;ezi na.</div><div class="p"> 40Kid&#8217;a mi dazi zla ndata dad&#8217;a, mi tagizi abom kasemu. 41Ata yima azi nga bei he gagazid&#8217;a abo fur&#238;d&#8217;ina, a le atchap, mi djobozi ala: Agi nga ki vama te ka h&#238; zu? 42Azi hum kuluf ma tchuf ma ar&#226;. 43Mi vumu, mi tum avoroziya.</div><div class="p"> 44Mi dazi kua ala: Wana ni zla d&#8217;a an dagizi kid&#8217;a an nga ki sed&#8217;egi tua d&#8217;a. An dagi ala: Mbe&#238; ahlena pet suma a b&#8217;irizi kan kur gata hi Moise-sa, kur mbaktumba hi suma djok vun Alonid&#8217;a, kur Sawal la Giled&#8217;a mi na, a mba ndaga.</div><div class="p"> 45Ata yi m&#225;ma, mi malazi djib&#8217;er mazid&#8217;a woi &#225; w&#228;d&#8217;u mbaktumba hAlonid&#8217;a. 46Mi dazi ala: A b&#8217;ir kur mbaktumba hAlonid&#8217;a ala: Mesi mba mi fe ndaka, mba mi tchol akulo aduk suma matna kur bur ma hindina. 47A mba tin ad&#8217;u tchi wala ki simiy&#234;m yam zla mbut hur&#226; yam tchod&#8217;a &#225; fe hur ma vata ata Alona yam tchod&#8217;a navo Jerusalem gak i ata andjaf suma pet. 48Agi ni suma glang&#226;s&#226; yam ahle ndazina. 49An mba ni sunugi he d&#8217;a hawa d&#8217;a Abun mi hle vunam kata, wani agi kagagi kur Jerusalem djang gak ad&#8217;eng nga akulod&#8217;a mba d&#8217;i mba kagiya.</div><div class="s">Alona mi hle Jesus akulo</div><div class="r">(Gol Mar 16.19-20; Sun SS 1.9-11)</div><div class="p"> 50Bugola, Jesus mi i ki sum mama woi bugol azina gak go ki Betani, mi yo abom akulo, mi b&#8217;e vunam kaziya. 51Kid&#8217;a nga mi b&#8217;e vunam kazi tua d&#8217;a, mi wal ki sed&#8217;eziya, Alona mi hlum s&#228; akulo. 52Azi kud&#8217;uromu, a hulong kur Jerusalem ki fur&#238; d&#8217;a ngola. 53Bur&#226; ki bur&#226; azi nga kur gong nga kud&#8217;ora hAlonid&#8217;a, a nga gile Alona mi.</div>
 </div>
 </div>
</div>

Azumeina Bible © Alliance Biblique du Tchad, 1999.

Kur bur dimas ki yorogo tcholola, aropma a mba yam asud’a ki mbul ma his ma afufuî ma azi minima. Azi fe ahina d’a ligata woi avun zula. Azi kal kua, a fe nga mad’a Salad’a Jesus d’i. Ata yima azi nga djib’er yam ahle suma a lenina, suma mbà a buzuk kei irazi ki baru d’a hap pa ngal wiwilika ataziya. Aropma a le mandarâ, a tchok yazi kä. Sum ndazina a dazi ala: Ni kayam me ba, agi halagi sama arina aduk suma matna ge? Mi nga ka hî d’i, mi tchol wa. Agi djib’eregi yam zla d’a mi dagizi avok kid’a mam nga kur Galile tua d’a. Mi dala: Mbeî a mba han an Gor Sana abo suma tchona, a mba b’alan akulo ata aguna, wani an mba ni tchol akulo kur bur ma hindina.
Aropma a djib’er yam zla d’a Jesus mi dazizi avoka. A tcholï yam asud’a, a i avo, a de mi suma hat suma dogo yam tuna ki suma a nga ki sed’ezina ahle suma a lena pet. Arop suma a de zla ndata mi suma sundina, ni Marie d’a Makdala-d’a azi ki Jan ki Marie Jacques asum karop suma ding suma a nga ki sed’ezina mi. Wani azi gol zla mazid’a ni d’igi zla d’a hawad’a na, a he nga gagazid’a kat ti. Wani Pierre mi tchol mi ring mi i yam asud’a, mi hud’o kä, mi gol hur zula, mi we baru d’a a tozom ki d’a nga tchuka kä abo tu. Mi hulong avo hatamu, nga mi le atchap yam ahle suma a lena.


Kur bur máma suma mbà aduk suma hata a i kur azì ma a yum ala Emawus-sâ, dei ki Jerusalem d’igi kilometred’a dogo yam mbà na. Azi nga de tazi yam ahle suma a lena pet. Ata yima azi nga yo siretna, a nga djop tazina, Jesus tamba mi hut geveziya, nga mi tit ki sed’eziya. Azi golomu, wani a we nga d’ala ni mamu d’a d’i. Jesus mi djobozi ala: Agi nga tid’igi gak mi agi dagi ni zla me aduk tagi ge?
A tchol hirik, a nga d’us iraziya. Ma dingâ tu, simiyêm ala Kleyopas, mi hulong dum ala: Ni ang tu ba, nakoi ma nga kaka avo Jerusalem ma bei wahle suma a le kur bur mámina zu?
Mi dazi ala: Vama le ni me ge?
A dum ala: Ahle suma a le ki Jesus ma Nazarat-na. Mam mi ma djok vun Alona ma ad’eng ma kur sunda ki zla d’a ded’a avok Alona avok suma pet mi na. Wani mei suma nglo suma ngat buzuna azi ki mei suma te yamba a hum abo suma á kam sariya d’a matna kamu, a b’alam akulo ata aguna mi. Ni ma ami tinimi hurumi kam ala mba mi sut Israel-lâ na. Wani ini ni bur ma hindi ma ahle ndazina a lena. Gagazi, arop suma dingâ adigami a kami hurumi mbina. Ata yima a i yam asud’a yorogo tchololâ, a hulongî a dami ala azi fum nga mad’am mbi. A dami ala malaikana a nde tazi iraziya, a dazi ala mi nga karid’a. Ndromi suma dingâ a i yam asud’a, a fahlena d’igi aropma a dazi na mi, wani azi wum nga d’i.
Jesus mi dazi ala: Agi ni suma bei ned’a suma bei he gagazid’a atogo yam ahle suma suma djok vun Alona a dazina. Mbeî Mesi mi fe ndaka yam ahle ndazina tua ba, mi kal kur subur mamba d’uo zu? Jesus mi tin ad’ud’a kur mbaktumba hi Moise-sa ki d’a hi suma djok vun Alonid’a pet, nga mi vazi ad’ud’a kur mbaktumba hAlonid’a pet yam ahle suma a dazi kama.
Azi mba go kazì ma azi nga i kuana; mam le d’igi mi kalî avok na. Wani azi d’elemu, a dum ala: Ang kak ki sed’emiya, kayam afata ar go á nika, yina kal wa. Mi kal avo á kak ki sed’eziya. Kid’a mi kak avun tena ki sed’ezid’a, mi hlavungôna, mi le mersi mAlona kamu, mi mbrugum kä, mi haziziya. Ata yi máma, irazi mal leyo, a wumu, wani mi vit iraziya.
Azi de tazi ala: Kid’a nga mi de zlad’a ki sed’ei kur lovotid’a, ata yima nga mi ve ad’ud’a kur mbaktumba hAlonid’ina, tei lei djivid’a d’uo zu?
Azi tchol ata yi máma, a hulong Jerusalem, a i fe suma hat suma dogo yam tuna azi ki suma a nga toka ki sed’ezina. Suma toka a dazi ala: Gagazi, Salad’a mi tchol akulo, mi nde tam mbei ir Simon. Bugola, azi suma mbà ndazina a nde vazi ad’ud’a yam ahle suma a le ki sed’ezi kur lovotina, ni nana ba, azi we Jesus ata yima mi mbruk avungônina ge.


Kid’a a nga de zla ndata tua d’a, Jesus tamba mi nga tchola adigaziya, mi dazi ala: An gagi depa.
Wani a nga zlak abo mandarâ, a djib’er ala a we nangusa. Mi dazi kua ala: Ni kayam me ba, vunadigagi d’i pat fek ke? Ni kayam me ba, agi djib’eregi kurugi hina ge? Agi gologi abon kasenu. Ni an tanda! Agi laman-ngi tanu, agi wagiya, kayam angusa nga ki hliuna kaso’â d’i, d’igi agi wagi an nga ki sed’ezi na.
Kid’a mi dazi zla ndata dad’a, mi tagizi abom kasemu. Ata yima azi nga bei he gagazid’a abo furîd’ina, a le atchap, mi djobozi ala: Agi nga ki vama te ka hî zu? Azi hum kuluf ma tchuf ma arâ. Mi vumu, mi tum avoroziya.
Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.
Ata yi máma, mi malazi djib’er mazid’a woi á wäd’u mbaktumba hAlonid’a. Mi dazi ala: A b’ir kur mbaktumba hAlonid’a ala: Mesi mba mi fe ndaka, mba mi tchol akulo aduk suma matna kur bur ma hindina. A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet. Agi ni suma glangâsâ yam ahle ndazina. An mba ni sunugi he d’a hawa d’a Abun mi hle vunam kata, wani agi kagagi kur Jerusalem djang gak ad’eng nga akulod’a mba d’i mba kagiya.


Bugola, Jesus mi i ki sum mama woi bugol azina gak go ki Betani, mi yo abom akulo, mi b’e vunam kaziya. Kid’a nga mi b’e vunam kazi tua d’a, mi wal ki sed’eziya, Alona mi hlum sä akulo. Azi kud’uromu, a hulong kur Jerusalem ki furî d’a ngola. Burâ ki burâ azi nga kur gong nga kud’ora hAlonid’a, a nga gile Alona mi.

Sikiliza Luc 24