©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Gisir NT Portions

<div class="version vid3476 iso6393swj" data-vid="3476" data-iso6393="swj">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s1">Nyevege Sesu dinyange diguvage mambu mane</div><div class="p"> 1Wisi mosi, ve Sesu nenzilange bumongu musamu boti gu gari ndagu Nyambi, bivunde bi bevegitsi be pagu ne bivunde bi migage mi Moyise ne bivunde bi dibundu beruge ve mbeke Sesu, 2bemwivule re &#171;Dwambili: Nye sekuvege dinyange diguvage mambu mane?&#187; 3Sesu negubagule re &#171;Menu gwami nyanwivuli ngoku yiyi, 4nyambili anu, nye sevege San dinyange di gubatise batu gu mambe, Nyambi vo batu?&#187; 5Bambilange yawu ne yawu re &#171;Pasi re dwagwagule re &#8220;Nyambi semurume&#8221;, agudwambile re &#8220;Agye nusasingile me San senwambile?&#8221; 6Pasi re dwagwagule gwandi re &#8220;Batu besemurume&#8221;, batu babe begudutinde mebume nonge dukufu. Mbare bayabi re San ayibange mubigitsi.&#187; 7Bagule re &#171;Dusayabi gere Nyambi vo mutu wuvege San dinyange.&#187; 8Sesu negubambile re &#171;Menu gwami nzagunwambile mutu wusepege dinyange.&#187;</div><div class="s1">Kugu yi bedyanzitsi babi</div><div class="p"> 9Sesu negukunde verile bumongu kugu yiyi: &#171;Mutu avare gyambe gi mfuge yaburi milunde myanengure vini, negugisise ne bedyanzitsi, ayende gu muvevilu gitsingu. 10Gigumbi gi gudoke milunde neguruge, arume mudyanzitsi andi gu bedyanzitsi be gyambe nonge bekumutindile di andi dikabu di milunde. Tumbe bedyanzitsi be gyambe bemudimbe, bemugabuse mekake ne mekake. 11Fumu gyambe akunderume mudyanzitsi wumosi. Bedyanzitsi be gyambe bemugange gwandi, bemudimbe, bemusyenge, bemugabuse mekake ne mekake. 12Akunderume mudyanzitsi wu mureru. Bedyanzitsi be gyambe bemutsungule, bemusanze. 13Fumu gyambe negukwekwambile re &#8220;A niva tsye? Nigurume mwane ami murime. Mandi begumugobise.&#8221; 14Tumbe bedyanzitsi be gyambe negumwene, bambile yawu ne yawu re &#8220;Wuwu re givinge gi fumu gyambe. Dumuboki anu, nonge gyambe gikube gi etu.&#8221; 15Bedyanzitsi be gyambe bemubege tage ne gyambe, bemuboke.</div><div class="p">Fumu gyambe aguvage tsye ve agurugile? 16Aguseboke bedyanzitsi be gyambe, aguse vege gyambe gine bedyanzitsi benzusu.&#187; Batu negulu nane, bambile re &#171;Disagube nane.&#187; 17Tumbe Sesu negubegengise, negubambile re &#171;Nyambili anu disumu di musamu wuberende mu musamu Nyambi, wagwambili re</div><div class="q1">&#8220;Dimani dibume batu barungi,</div><div class="q1">dyakaluge dimani dyadyotsi ndagu.#20.17 Gisangumu gi nimbu (Psaume) 118.22&#8221;</div><div class="m"> 18Mutu wotsu wuguberuge ve yulu dimani dine, agutsunguge. Wotsu wugubiku ne dimani dine, aguniguge.&#187;</div><div class="s1">Lepu yivegu kanangu Sesare</div><div class="p"> 19Bivunde bi bevegitsi be pagu ne bivunde bi migage mi Moyise bekebange gugange Sesu gigumbi gine. Mbare beyabange ayambile mambu mane dibandu yawu. Tumbe bekubange ne wome bumongu. 20Bivunde bi migage mi Moyise begengilange Sesu dikengi, re dibandu berumine bivyangi gwegulu me yandi gwambile, nonge gere asegwambile mambu mabi, bekemubege gwemusake gu bivunde bi migage negu ngowu. 21Batu bane bemwivule ngoku yiyi: &#171;Mulonzi, dwayabi re motsu me wagwambili negunenze me sungeme. Wusagengisi ginengu gi mutu. Tumbe wanenzi mambu me Nyambi garondi re batu bevagi.&#187; 22Dwambili: &#171;Mugage etu waduvegi dinyange diguvege lepu gu Sesare?&#187; 23Tumbe Sesu neguyabe dyele di awu, abagule re 24&#171;Tigitsi anu fure mwange. Ginengu gi mu fure yiyi ne dine bi nye?&#187; Bagule: &#171;Bi Sesare.&#187; 25Vane abambile: &#171;Gabusilanu Sesare bivave bi Sesare. Bi Nyambi, veganu Nyambi.&#187; 26Mu gyambitsi gi Sesu ve wusu bumongu, beseyulu dyambu dibi dibe benze mufurigile. Tumbe bekumame gyambitsi gi andi, bekutsibige minu.</div><div class="s1">Ngoku yi gurambuge gu dufu</div><div class="p"> 27Batu be dibundu di Saduseyi besesingange re batu begafu bakundi rambuge bekwivule Sesu ngoku re 28&#171;Mulonzi, Moyise aduvege mugage wagwambili re &#8220;Pasi re mutu wonge, amafu asabure bane ne mugatsi andi, mwane taye andi agonge mukwili nonge akumuvege givinge.&#8221; 29Tumbe, gube gifumbe gi bane be taye bane gubereru. Wurege wonge mugetu, afu asesise mwane. 30Wumubeyi ayonge mukwili. Yandi gwandi afu asebure bane ne mugetu wune. 31Wumureru gwandi ayonge mukwili asebure bane nandi. Yawu botsu bane gubereru bonge mugetu wune, bafu besebure bane nandi. 32Vane mugetu gwandi ne gufu. 33Wisi wu batu bafu begurambugile gu dufu, a mugetu wune wugube wu nye? Mbare bane be taye botsu ba bane gubereru bemwonge.&#187; 34Sesu negubagule re &#171;Batu be bulongu bubu bagongeni. 35Tumbe, bebagele ne begetu be sungeme, be Nyambi gurambuse gu dufu begube ne monyu yi peke peke besakunde gongene. 36Besakunde gufu, mbare begube munongumosi ne yanze tsi Nyambi. Beke bane be Nyambi, mbare besegandi gu dufu beke gu monyu yi peke peke. 37Moyise gagwambili re batu bafu begurambuge. Gu musamu wagwambili dyambu di ningi yaluli yisasyelegeni, Moyise ganengi Fumu: &#8220;Nyambi yi Aberam. Nyambi yi Isake. Nyambi yi Sakob.#20.37 Tangune Divudugilu (Exode) 3.2,6&#8221;&#187; 38Sesu negukunde re &#171;Nyambi ayi Nyambi yi batu be monyu. Sa Nyambi yi batu bafu. Mbare batu botsu bandi bemonyu.&#187; 39Bivunde bi migage mi Moyise bemosi bambile re &#171;Wusegwambile dikengi, Mulonzi.&#187; 40Mbare besekunde rungule mwivule ngoku tsi nzusu.</div><div class="s1">Davide ne Sesu</div><div class="p"> 41Sesu negwambile yawu botsu re &#171;A gye bagwambili re, Mutu Nyambi arume Kirisete Mugobutsi ayi ve gitsapele gi kanangu Davide?&#187; 42Mbare Davide yandi beni gagwambili mu gisangumu gi nimbu re</div><div class="q1">&#171;Fumu Nyambi yambile Fumu ami Kirisete re</div><div class="q1">Ruge gusetsagene ve mebagele mami,</div><div class="q1"> 43Nigusunze batu bakuvini</div><div class="q1">gutsye byeru bi agu#20.43 Gisangumu gi nimbu (Psaume) 110.1.&#187;</div><div class="m"> 44&#171;Gere Davide gamunengili re Fumu. Mutu Nyambi rume, Kirisete benze kugubile gitsapele gi Davide tsye?&#187;</div><div class="s1">Nuyabe ne Bivunde bi migage</div><div class="p"> 45Ve bumongu bwotsu bemulilungu, Sesu kwambile bebingitsi bandi re 46&#171;Bandekenanu bivunde bi migage, bene mugangu guvevilange ne bilinge biboti binege, bi mindumbe, barondi vegungu mbulu tsi bundumbe ve piti batu, basali gutsagene ke mubipu birege bi bundumbe gu gari ndagu ndembu, ne mbure tsi bundumbe ve gilambu. 47Badumbi bekwili bivave byotsu bi nawu, vane bavagi ndembu tsi nege nonge bekulabene. Batu beboti, begukengisu veveni.&#187;</div>
 </div>
 </div>
</div>

Wisi mosi, ve Sesu nenzilange bumongu musamu boti gu gari ndagu Nyambi, bivunde bi bevegitsi be pagu ne bivunde bi migage mi Moyise ne bivunde bi dibundu beruge ve mbeke Sesu, bemwivule re «Dwambili: Nye sekuvege dinyange diguvage mambu mane?» Sesu negubagule re «Menu gwami nyanwivuli ngoku yiyi, nyambili anu, nye sevege San dinyange di gubatise batu gu mambe, Nyambi vo batu?» Bambilange yawu ne yawu re «Pasi re dwagwagule re “Nyambi semurume”, agudwambile re “Agye nusasingile me San senwambile?” Pasi re dwagwagule gwandi re “Batu besemurume”, batu babe begudutinde mebume nonge dukufu. Mbare bayabi re San ayibange mubigitsi.» Bagule re «Dusayabi gere Nyambi vo mutu wuvege San dinyange.» Sesu negubambile re «Menu gwami nzagunwambile mutu wusepege dinyange.»

Sesu negukunde verile bumongu kugu yiyi: «Mutu avare gyambe gi mfuge yaburi milunde myanengure vini, negugisise ne bedyanzitsi, ayende gu muvevilu gitsingu. Gigumbi gi gudoke milunde neguruge, arume mudyanzitsi andi gu bedyanzitsi be gyambe nonge bekumutindile di andi dikabu di milunde. Tumbe bedyanzitsi be gyambe bemudimbe, bemugabuse mekake ne mekake. Fumu gyambe akunderume mudyanzitsi wumosi. Bedyanzitsi be gyambe bemugange gwandi, bemudimbe, bemusyenge, bemugabuse mekake ne mekake. Akunderume mudyanzitsi wu mureru. Bedyanzitsi be gyambe bemutsungule, bemusanze. Fumu gyambe negukwekwambile re “A niva tsye? Nigurume mwane ami murime. Mandi begumugobise.” Tumbe bedyanzitsi be gyambe negumwene, bambile yawu ne yawu re “Wuwu re givinge gi fumu gyambe. Dumuboki anu, nonge gyambe gikube gi etu.” Bedyanzitsi be gyambe bemubege tage ne gyambe, bemuboke.
Fumu gyambe aguvage tsye ve agurugile? Aguseboke bedyanzitsi be gyambe, aguse vege gyambe gine bedyanzitsi benzusu.» Batu negulu nane, bambile re «Disagube nane.» Tumbe Sesu negubegengise, negubambile re «Nyambili anu disumu di musamu wuberende mu musamu Nyambi, wagwambili re
“Dimani dibume batu barungi,
dyakaluge dimani dyadyotsi ndagu.”
Mutu wotsu wuguberuge ve yulu dimani dine, agutsunguge. Wotsu wugubiku ne dimani dine, aguniguge.»

Bivunde bi bevegitsi be pagu ne bivunde bi migage mi Moyise bekebange gugange Sesu gigumbi gine. Mbare beyabange ayambile mambu mane dibandu yawu. Tumbe bekubange ne wome bumongu. Bivunde bi migage mi Moyise begengilange Sesu dikengi, re dibandu berumine bivyangi gwegulu me yandi gwambile, nonge gere asegwambile mambu mabi, bekemubege gwemusake gu bivunde bi migage negu ngowu. Batu bane bemwivule ngoku yiyi: «Mulonzi, dwayabi re motsu me wagwambili negunenze me sungeme. Wusagengisi ginengu gi mutu. Tumbe wanenzi mambu me Nyambi garondi re batu bevagi.» Dwambili: «Mugage etu waduvegi dinyange diguvege lepu gu Sesare?» Tumbe Sesu neguyabe dyele di awu, abagule re «Tigitsi anu fure mwange. Ginengu gi mu fure yiyi ne dine bi nye?» Bagule: «Bi Sesare.» Vane abambile: «Gabusilanu Sesare bivave bi Sesare. Bi Nyambi, veganu Nyambi.» Mu gyambitsi gi Sesu ve wusu bumongu, beseyulu dyambu dibi dibe benze mufurigile. Tumbe bekumame gyambitsi gi andi, bekutsibige minu.

Batu be dibundu di Saduseyi besesingange re batu begafu bakundi rambuge bekwivule Sesu ngoku re «Mulonzi, Moyise aduvege mugage wagwambili re “Pasi re mutu wonge, amafu asabure bane ne mugatsi andi, mwane taye andi agonge mukwili nonge akumuvege givinge.” Tumbe, gube gifumbe gi bane be taye bane gubereru. Wurege wonge mugetu, afu asesise mwane. Wumubeyi ayonge mukwili. Yandi gwandi afu asebure bane ne mugetu wune. Wumureru gwandi ayonge mukwili asebure bane nandi. Yawu botsu bane gubereru bonge mugetu wune, bafu besebure bane nandi. Vane mugetu gwandi ne gufu. Wisi wu batu bafu begurambugile gu dufu, a mugetu wune wugube wu nye? Mbare bane be taye botsu ba bane gubereru bemwonge.» Sesu negubagule re «Batu be bulongu bubu bagongeni. Tumbe, bebagele ne begetu be sungeme, be Nyambi gurambuse gu dufu begube ne monyu yi peke peke besakunde gongene. Besakunde gufu, mbare begube munongumosi ne yanze tsi Nyambi. Beke bane be Nyambi, mbare besegandi gu dufu beke gu monyu yi peke peke. Moyise gagwambili re batu bafu begurambuge. Gu musamu wagwambili dyambu di ningi yaluli yisasyelegeni, Moyise ganengi Fumu: “Nyambi yi Aberam. Nyambi yi Isake. Nyambi yi Sakob.”» Sesu negukunde re «Nyambi ayi Nyambi yi batu be monyu. Sa Nyambi yi batu bafu. Mbare batu botsu bandi bemonyu.» Bivunde bi migage mi Moyise bemosi bambile re «Wusegwambile dikengi, Mulonzi.» Mbare besekunde rungule mwivule ngoku tsi nzusu.

Sesu negwambile yawu botsu re «A gye bagwambili re, Mutu Nyambi arume Kirisete Mugobutsi ayi ve gitsapele gi kanangu Davide?» Mbare Davide yandi beni gagwambili mu gisangumu gi nimbu re
«Fumu Nyambi yambile Fumu ami Kirisete re
Ruge gusetsagene ve mebagele mami,
Nigusunze batu bakuvini
gutsye byeru bi agu.»
«Gere Davide gamunengili re Fumu. Mutu Nyambi rume, Kirisete benze kugubile gitsapele gi Davide tsye?»

Ve bumongu bwotsu bemulilungu, Sesu kwambile bebingitsi bandi re «Bandekenanu bivunde bi migage, bene mugangu guvevilange ne bilinge biboti binege, bi mindumbe, barondi vegungu mbulu tsi bundumbe ve piti batu, basali gutsagene ke mubipu birege bi bundumbe gu gari ndagu ndembu, ne mbure tsi bundumbe ve gilambu. Badumbi bekwili bivave byotsu bi nawu, vane bavagi ndembu tsi nege nonge bekulabene. Batu beboti, begukengisu veveni.»

Sikiliza Luc 20