Imeetto 2021 WBT (NT) Drama

<div class="version vid2761 iso6393mgh" data-vid="2761" data-iso6393="mgh">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s1">Yoovaha ya nthiyana nankhwele oohuva</div><div class="r"> Marku 12.41-44</div><div class="p"> 1Yesu nari wakhiviru ni ikasa yaaheliya coovaha, ahoona mathaciri ahelaka coovaha caya. 2Ciicammo ahomoona nthiyana nankhwele oohuva, aahelaka nkasani mmwe atoosu eeli. 3Vaavale aheera: Khweli, kinawuhimeryani wiira nthiyana nankhwele oohuv'ola phivahile venci wowaapwaha atthu othene. 4Kontha, othene ala yaavaha itthu yaahalahala muthacirini mwaya, nanso ula muhuvani mwawe, hovaha yothene yaarinawe.</div><div class="s1">Yesu naahimyaca ukwanyulaciya wo'nupa ittakattifu</div><div class="r"> Mateu 24.1-2; Marku 13.1-2</div><div class="p"> 5Yahaawo akina yoolumaca mwaha wo'nupa ittakattifu, mananna ceenryaya wootekiya ni maluku omaana, ni ncanko waakumihinye. 6Vaavale Yesu aheera: Nnawoonaka nnya citthu nnya? Anaaphiya mahuku anhalaya uhikhala nluku nootataanihinya ni nluku nikhwaya; othene anaahala ukwanyulaciya.</div><div class="s1">Woomolanihaciya ni mahuviho</div><div class="r"> Mateu 24.3-14; Marku 13.3-13</div><div class="p"> 7Vaavale yahonkohaca yiiraka: Mwalimu, cinhala wiirannyaa yakhani nnya citthu nnya? Ni inhala ukhala ikanyeroni inthoonyera wiira citthu nnye cihanle vakani wiirannyaa? 8Yesu ahaakhula wiira: Mwiinemecere, wiira hikhale nohala wuuthepyani. Maana enci anaahala uwa mwa ncina naka yiiraka: Phi mi! Ni ukati uhaattamerya. Vano nyu nhaatthare. 9Ukati unhalenyu wiiwa wuuluminya co'khotto ni mikhitto; nhituthuwe. Kontha woopacera cinlamuliya ukhumelela nnya citthu nnya, nanso khunakhala phuumala wene.</div><div class="p"> 10Wahoolo aheerela: Ilapo inaahala waana ni ilapo ikhwaya, ni umwene unaahala waana n'umwene nkhwawe. 11Itthaya inaahala uttettemela, cinaawa itala ni iretta mapuro menci, cookhumelela cowoopiha ni mithoonyero cuulupale cookhuma wirimu. 12Nanso cihinakhumelela nnya citthu nnya, nnohala upacera toko woomolanihaciya n'uvariya, nrwaaninyaka mmasinakonani ni ukalaposo, nrweehiyaka wamiithoni wo mamwene ni wa alamuli, mwa nlattu wo ncina naka; 13ila itthu ila inhala wukhumelelani waacera wiira mwakhale asaahiti. 14Nlipe nrima, nhikhale oovelavelana itthu yo waakhula, 15kontha kinawuvahani ankhili ni nuulumo nookela waavelaveliha eenani inyu ni khanhala woorya wuuvaanyihani itthu. 16Vano athumwaninyu owuuyarani, asunninyu, alokwenyu ni asimpwaninyu anaahala wuukasarini wa alamuli, mpaka akina anaahala wiiviya. 17Nnaahala wiinananinya na atthu othene mwa nlattu wo ncina naka. 18Nanso khinhala urihya hata ikharari imoca yo mmuru mwinyu. 19Nyu mwalipelelaka irima phinhalenyu uphwanya ukumi.</div><div class="s1">Yesu naahimyaca ukwanyulaciya wo'Yerusalemu</div><div class="r"> Mateu 24.15-28; Marku 13.14-23</div><div class="p"> 20Wahoolo mwakela mwamoonaka Yerusalemu narukureriye na anakhotto, ncuwele wiira uhophiya ukati wookwanyulaciya. 21Vano ale ari uYuteya, atthawele umyaakoni; ale anhala ukhala wasittatti akhume; ale anhala ukhala umattani, ahirwee usittatti. 22Kontha, yaayo mahuku ayo anhala ukhala o mattaruso, wiira citthariheleliye cantikhiye cothene. 23Kaasope ale anhala ukhala ni irukulu ni ale anhala waamwiha yooyo ukati uyo! Kontha unaahala ukhala ucukulaca venci mwiilaponi n'uviruwa wa Nluku na ala atthu ala. 24Enci ankowiiviya ni ikatana, akina anaahala ukusiya n'utthukiya amwaruseliyaka ilapo cothene, ni Yerusalemu naahala unyakelaciya na amalaponi, mpaka wanhalaya umalela ukati aya.</div><div class="s1">Uwa wa Mwanawe Pinatamu</div><div class="r"> Mateu 24.29-31; Marku 13.24-27</div><div class="p"> 25Cinaahala ukhala mithoonyero wancuwani, wamweerini ni watthoottwani. Ni ilapo cothene cinaahala uttenkuwa, mwa nlattu wo woova unyakula wo'pahari ni mawimpi. 26Atthu enci anaahala ukhwa maremmwela nlattu wo woova, yuupuwelaka citthu cinkela ukhumelela nttuniyani, kontha ikuru co nculu cinaahala uttinkihiya. 27Vano phinhalawe wooninya Mwanawe Pinatamu awaaka wanihutteni ni ikuru ni nttittimiho nuulupale. 28Phimaana, capaceraka ukhumelela nnya citthu nnya, munweke ni nwuseke muru, kontha woopwa winyu uhaattamerya.</div><div class="s1">Nlikanihero no nfikera</div><div class="r"> Mateu 24.32-35; Marku 13.28-31</div><div class="p"> 29Yesu ahaattonkela nna nlikanihero nna, eeraka: Mooneke mwiri wo nfikera ni miri cikhwawe. 30Moonaru cipaceraka uphuwela, nyu nnaacuwela wiira iyiita iri wakhiviru. 31Phimaana, moonaka nnya citthu cothene nnya, ncuwele wiira umwene wa Nluku uri wakhiviru. 32Mi kinawuhimeryani wiira khanimmira nna nloko nna cihinaya wiirannyaa cothene nnya. 33Irimu ni itthaya cinaamala, nanso moolumo aka khaammala.</div><div class="s1">Nteko woorontta</div><div class="r"> Mateu 24.36-44; Marku 13.33-37</div><div class="p"> 34Yesu ahopwaherera eeraka: Mwiirattavelele wiira nrima enyu uhikhale woocivaciviya ni citthu cooliya, uhapaliya ni iwasiwasi co mwirutthuni, waacera wiira nhikhale ootutuseriya naphiyaka nihuku nno. 35Kontha ninhala waakhumelela toko ntapha atthu othene ankhala wattuniyani va. 36Phimaana nrontte ukati wothene, nvekelaka, waacera wiira cakhumelelaka nnya citthu nnya, nsempe, ni moorye weemela wamiithoni wa Mwanawe Pinatamu.</div><div class="p"> 37Yesu aansomiha mahuku othene wapuwani wo'nupa ittakattifu. Vano uhiyu, aankhuma phirwaaka umumula mwaako wo Olivera. 38Wasaka wicisuru unethi wothene waampeherya unupani ittakattifu wiira yamwiiwe.</div>
 </div>
 </div>
</div>

Yesu nari wakhiviru ni ikasa yaaheliya coovaha, ahoona mathaciri ahelaka coovaha caya. Ciicammo ahomoona nthiyana nankhwele oohuva, aahelaka nkasani mmwe atoosu eeli. Vaavale aheera: Khweli, kinawuhimeryani wiira nthiyana nankhwele oohuv'ola phivahile venci wowaapwaha atthu othene. Kontha, othene ala yaavaha itthu yaahalahala muthacirini mwaya, nanso ula muhuvani mwawe, hovaha yothene yaarinawe.


Yahaawo akina yoolumaca mwaha wo'nupa ittakattifu, mananna ceenryaya wootekiya ni maluku omaana, ni ncanko waakumihinye. Vaavale Yesu aheera: Nnawoonaka nnya citthu nnya? Anaaphiya mahuku anhalaya uhikhala nluku nootataanihinya ni nluku nikhwaya; othene anaahala ukwanyulaciya.


Vaavale yahonkohaca yiiraka: Mwalimu, cinhala wiirannyaa yakhani nnya citthu nnya? Ni inhala ukhala ikanyeroni inthoonyera wiira citthu nnye cihanle vakani wiirannyaa? Yesu ahaakhula wiira: Mwiinemecere, wiira hikhale nohala wuuthepyani. Maana enci anaahala uwa mwa ncina naka yiiraka: Phi mi! Ni ukati uhaattamerya. Vano nyu nhaatthare. Ukati unhalenyu wiiwa wuuluminya co'khotto ni mikhitto; nhituthuwe. Kontha woopacera cinlamuliya ukhumelela nnya citthu nnya, nanso khunakhala phuumala wene.
Wahoolo aheerela: Ilapo inaahala waana ni ilapo ikhwaya, ni umwene unaahala waana n'umwene nkhwawe. Itthaya inaahala uttettemela, cinaawa itala ni iretta mapuro menci, cookhumelela cowoopiha ni mithoonyero cuulupale cookhuma wirimu. Nanso cihinakhumelela nnya citthu nnya, nnohala upacera toko woomolanihaciya n'uvariya, nrwaaninyaka mmasinakonani ni ukalaposo, nrweehiyaka wamiithoni wo mamwene ni wa alamuli, mwa nlattu wo ncina naka; ila itthu ila inhala wukhumelelani waacera wiira mwakhale asaahiti. Nlipe nrima, nhikhale oovelavelana itthu yo waakhula, kontha kinawuvahani ankhili ni nuulumo nookela waavelaveliha eenani inyu ni khanhala woorya wuuvaanyihani itthu. Vano athumwaninyu owuuyarani, asunninyu, alokwenyu ni asimpwaninyu anaahala wuukasarini wa alamuli, mpaka akina anaahala wiiviya. Nnaahala wiinananinya na atthu othene mwa nlattu wo ncina naka. Nanso khinhala urihya hata ikharari imoca yo mmuru mwinyu. Nyu mwalipelelaka irima phinhalenyu uphwanya ukumi.


Wahoolo mwakela mwamoonaka Yerusalemu narukureriye na anakhotto, ncuwele wiira uhophiya ukati wookwanyulaciya. Vano ale ari uYuteya, atthawele umyaakoni; ale anhala ukhala wasittatti akhume; ale anhala ukhala umattani, ahirwee usittatti. Kontha, yaayo mahuku ayo anhala ukhala o mattaruso, wiira citthariheleliye cantikhiye cothene. Kaasope ale anhala ukhala ni irukulu ni ale anhala waamwiha yooyo ukati uyo! Kontha unaahala ukhala ucukulaca venci mwiilaponi n'uviruwa wa Nluku na ala atthu ala. Enci ankowiiviya ni ikatana, akina anaahala ukusiya n'utthukiya amwaruseliyaka ilapo cothene, ni Yerusalemu naahala unyakelaciya na amalaponi, mpaka wanhalaya umalela ukati aya.


Cinaahala ukhala mithoonyero wancuwani, wamweerini ni watthoottwani. Ni ilapo cothene cinaahala uttenkuwa, mwa nlattu wo woova unyakula wo'pahari ni mawimpi. Atthu enci anaahala ukhwa maremmwela nlattu wo woova, yuupuwelaka citthu cinkela ukhumelela nttuniyani, kontha ikuru co nculu cinaahala uttinkihiya. Vano phinhalawe wooninya Mwanawe Pinatamu awaaka wanihutteni ni ikuru ni nttittimiho nuulupale. Phimaana, capaceraka ukhumelela nnya citthu nnya, munweke ni nwuseke muru, kontha woopwa winyu uhaattamerya.


Yesu ahaattonkela nna nlikanihero nna, eeraka: Mooneke mwiri wo nfikera ni miri cikhwawe. Moonaru cipaceraka uphuwela, nyu nnaacuwela wiira iyiita iri wakhiviru. Phimaana, moonaka nnya citthu cothene nnya, ncuwele wiira umwene wa Nluku uri wakhiviru. Mi kinawuhimeryani wiira khanimmira nna nloko nna cihinaya wiirannyaa cothene nnya. Irimu ni itthaya cinaamala, nanso moolumo aka khaammala.


Yesu ahopwaherera eeraka: Mwiirattavelele wiira nrima enyu uhikhale woocivaciviya ni citthu cooliya, uhapaliya ni iwasiwasi co mwirutthuni, waacera wiira nhikhale ootutuseriya naphiyaka nihuku nno. Kontha ninhala waakhumelela toko ntapha atthu othene ankhala wattuniyani va. Phimaana nrontte ukati wothene, nvekelaka, waacera wiira cakhumelelaka nnya citthu nnya, nsempe, ni moorye weemela wamiithoni wa Mwanawe Pinatamu.
Yesu aansomiha mahuku othene wapuwani wo'nupa ittakattifu. Vano uhiyu, aankhuma phirwaaka umumula mwaako wo Olivera. Wasaka wicisuru unethi wothene waampeherya unupani ittakattifu wiira yamwiiwe.

Sikiliza Luka 21