Tontemboan - LAI Version (NT) no drama

Tontemboan - LAI Version (NT) drama

<div class="version vid2747 iso6393tnt" data-vid="2747" data-iso6393="tnt">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Si Yesus kumua in andumoro' i Yohanes Mabaptis</div><div class="r">(Luk. 7:18-35)</div><div class="p"> 1Kumawusai si Yesus masusui a s&#233; sangapulu' rua murit-Na, wo itela'u-Na en tampa itu e maang&#233; sumusui wo kumua in Abar Kaaruien ang kota-kota s&#233; an sangkum ing Galilea.</div><div class="p"> 2An tutuw itu, si Yohanes Mabaptis an untep im bui. Wo kali- ngaanna waya andumoro' s&#233; ni&#233;ma' i Yesus Kristus, 3wo iru'du'na s&#233; muritna mang&#233; mamu&#233;i a si Yesus, &#8220;Amang, si Amang r&#233;&#233;n si tou aijanjio i Amang Kasuruan si maai itu? Kuma'pa tou walina e musti entoon ami maai?&#8221;</div><div class="p"> 4Wo isowat i Yesus ai s&#233;ra, &#8220;Mar&#233;ngo mang&#233; kamu a si Yohanes Mabaptis wo icuao mio' ai sia sapa s&#233; liningao wo s&#233; sin&#233;r&#233;o miow: 5#Yes. 35:5-6, 61:1 Si tou wola mas&#233;r&#233;o, si tou k&#233;so' mawaya'o, si tou sumakit kusta masama'o, si tou wengel malingao, si tou imat&#233;o tinou sumawel, wo en Abar Kaaruien i Amang Kasuruan ipakua-kuao a s&#233; tou leng&#233;i. 6Wo pakakamangen s&#233; tou s&#233; ra'ica icum&#233;long Yaku.&#8221;</div><div class="p"> 7An tutuw &#233; murit i Yohanes mang&#233;m, tumo'tolo sisil i Yesus a s&#233; tou keli in andumoro' i Yohanes, &#8220;Sapa r&#233;&#233;n en torona kamu maang&#233; a si Yohanes an tana' kapayasan? Mang&#233; r&#233;&#233;n sum&#233;r&#233; in saraw si peng&#233;ro-ng&#233;ro' in deges? 8Sapa en torona miow maang&#233;? Mang&#233; r&#233;&#233;n sum&#233;r&#233; si tou mekarai in loor? Si tou mekarai in loor itu, em paento'anna am bal&#233; i colano. 9Ana&#233;, sapa en torona miow maang&#233;? Mang&#233; r&#233;&#233;n sum&#233;re si nabi? En itu wutul, taan icua-Ku mang&#233; ai camu, sa si Yohanes itu lum&#233;b&#233;mai wo si nabi. 10#Mal. 3:1 Ampa'paan andumoro' isia aw&#233;an en aipatic:</div><div class="q1">&#8216;S&#233;r&#233;no! Airu'du'-Ku mai si utusan-Ku rumiorai ai Co,</div><div class="q1">sia oka en tumu'tul in lalan wayaan-Mu.&#8217;</div><div class="p"> 11En ulitna icua-Ku mang&#233; ai camu, an uner &#233; tou si aitou &#233; w&#233;w&#233;n&#233; ra'ica wana en lum&#233;b&#233;mai eng kawangko' wo si Yohanes Mabaptis. Taan s&#233; tou ipawawa-wawa' ang Kakolanoan in Sorga, lum&#233;b&#233;mai eng kawangko' wo si Yohanes Mabaptis. 12#Luk. 16:16 Tumo'tol i Yohanes Mabaptis imai akar intar&#233;p&#233;', keli en tou wutu-wutul rumam&#233;ji kumua in andumoro' ing Kakolanoan in Sorga wo s&#233; tou wutu-wutul rumam&#233;ji muntep ang Kakolanoan in Sorga. 13Ampa'paan pakasa nabi wo ing kitap-kitap i Musa icumuao i nunuwu' i Amang Kasuruan andumoro' s&#233; mamuali akar si Yohanes maai. 14#Mal. 4:5; Mat. 17:10-13; Mrk. 9:11-13 Aicuao &#233; nabi indior sa si Elia maai oka sumawel ang kayo'baan anio'. Wo sa icasal&#233;' iow mercaya en aicua &#233; nabi itu, si Yohanes ituo si Elia si maai oka. 15Si s&#233;i si makalunteng, aweso tar&#233; sia luminga sumama-sama'!</div><div class="p"> 16Ang karapi in sapa yand&#233;-Ku s&#233; tou menonou intar&#233;p&#233;'? S&#233;ra ayand&#233; tanu s&#233; toyaang makalukut am pasar wo maangko' a s&#233; kara-karapi &#233;ra,</div><div class="q1"> 17&#8216;Pasengon ami em peloit torona miow,</div><div class="q2">taan ra'ica kiim iow ma&#233;ngk&#233;.</div><div class="q1">Pakantar ami eng kakantaren mala'lu,</div><div class="q2">taan ra'ica kiim iow maam&#233;'.&#8217;</div><div class="p"> 18An tutuw i Yohanes imai, sia ra'ica mengakan wo ra'ica mengaelep, wo ipakua &#233;ra, &#8216;Sia rinasuk i s&#233;tang!&#8217; 19Wo mai si Toyaang i Tou, Sia makan wo maelep, wo pakua &#233; tou, &#8216;S&#233;r&#233;no, Sia tampenganen wo tampengelepen. Sia ka'i mekarapi wo s&#233; matagi im pajak wo s&#233; tou im&#233;ma' ing kames&#233;-mes&#233;aan.&#8217; Taan eng kapinteran asi Amang Kasuruan owo kas&#233;r&#233;an oka a s&#233; tou s&#233; menga&#233;ma' in sususuien wutul itu.&#8221;</div><div class="s">Si Yesus tumegor in depet s&#233; tou ang kota-kota s&#233; ra'ica mape'dis</div><div class="r">(Luk. 10:13-15)</div><div class="p"> 20Wo tumo'tolo si Yesus tumegor in depet s&#233; tou ang kota-kota s&#233; ra'ica mape'dis, mand&#233; ka'i am bitu Sia makakeli-keli ma&#233;ma' ing kakaya'kaan. 21#Yes. 23:1-18; Yeh. 26:1&#8211;28:6; Yl. 3:4-8; Am. 1:9-10; Za. 9:2-4 &#8220;Icawangkuro mio' kamu s&#233; tou ang kota Khorazim! Wo icawangkuro ka'i kamu s&#233; tou ang kota Betsaida! Ampa'paan ni&#233;ma'-Kuo eng kakaya'kaan an uner iow taan ra'ica pinercaya miow wo ra'ica mape'dis. Sa s&#233; kakaya'kaan itu ni&#233;ma'-Ku an Tirus wo an Sidon indior, tantu s&#233;ra imape'diso wo kumarai ing karai tanu tuus mala'lu wo mu'bur in awu an do'kos &#233;ra tanu tuus s&#233;ra manesel meng&#233;ma-ng&#233;ma' ing kames&#233;-mes&#233;aan. 22Taan icua-Ku mang&#233; ai camu, a si endo kaka'puan ing kayo'baan, en ukuman iow l&#233;b&#233; uter wo in ukuman &#233; tou ang kota Tirus wo en Sidon. 23#Kej. 19:24-28; Yes. 14:13-15 Wo kamu s&#233; tou ang Kapernaum, weroten iow r&#233;&#233;n sapaoka kamu angkaien oka akar an sorga? Ra'ica! Taan tar&#233;, itiya'-Na oka kamu a naraka! Sa eng kakaya'kaan si imamualio an uner iow itu ni&#233;ma'-Ku an Sodom, tantu eng kota itu aw&#233;an&#233;' akar intar&#233;p&#233;'. 24#Mat. 10:15; Luk. 10:12 Taan icua-Ku mang&#233; ai camu: Asi endo kaka'puan ing kayo'baan, en ukuman iow l&#233;b&#233; uterai wo in ukuman &#233; tou an Sodom itu.&#8221;</div><div class="s">Mayoo a Yaku</div><div class="r">(Luk. 10:21-22)</div><div class="p"> 25An tutuw itu si Yesus sumombayang, &#8220;O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa s&#233; andumoro' in itu a s&#233; tou s&#233; mengapak&#233; ing kapinteran wo a s&#233; tou pand&#233;i, taan aituru' i Amang a s&#233; tou en at&#233;na tanu toyaang&#233;' tek&#233;'. 26O Amang, siituo e im&#233;ma' in at&#233; i Amang arui.&#8221;</div><div class="p"> 27 # 
 Yoh. 1:18, 3:35, 10:15 Wo icua i Yesus, &#8220;Pakasa aisarakano i Amang-Ku a Yaku. Ra'ica wana mand&#233; esake' tou e makatuus si Toyaang, aluar si Amang in esa. Wo ka'i ra'ica wana mand&#233; esake' tou e makatuus si Amang, aluar si Toyaang wo s&#233; tou si papatuus-Ku oka a si Amang.</div><div class="p"> 28Mayoo a Yaku, kamu im baya s&#233; mala'l&#233;o wo kep&#233; wo s&#233; uter em pamul&#233;ngen, w&#233;an-Ku oka kamu kaaruian. 29#Yer. 6:16 Wul&#233;ngeno em pamul&#233;ngen si aiwul&#233;ng-Ku am palukamu wo mekisusuio mai a Yaku, ampa'paan Aku sama' wo ko'kos en at&#233;. Wo in taniitu kamu mendam oka ing kaeluran. 30Ampa'paan em pamul&#233;ngen si aiwul&#233;ng-Ku itu ra'ica uter wo em pamul&#233;ngen-Ku ka'i porak.&#8221;</div>
 </div>
 </div>
</div>

En Taar Weru a nunuwu' é Tontemboan @ LAI 2018

Kumawusai si Yesus masusui a sé sangapulu' rua murit-Na, wo itela'u-Na en tampa itu e maangé sumusui wo kumua in Abar Kaaruien ang kota-kota sé an sangkum ing Galilea.
An tutuw itu, si Yohanes Mabaptis an untep im bui. Wo kali- ngaanna waya andumoro' sé niéma' i Yesus Kristus, wo iru'du'na sé muritna mangé mamuéi a si Yesus, “Amang, si Amang réén si tou aijanjio i Amang Kasuruan si maai itu? Kuma'pa tou walina e musti entoon ami maai?”
Wo isowat i Yesus ai séra, “Maréngo mangé kamu a si Yohanes Mabaptis wo icuao mio' ai sia sapa sé liningao wo sé sinéréo miow: Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi. Wo pakakamangen sé tou sé ra'ica icumélong Yaku.”
An tutuw é murit i Yohanes mangém, tumo'tolo sisil i Yesus a sé tou keli in andumoro' i Yohanes, “Sapa réén en torona kamu maangé a si Yohanes an tana' kapayasan? Mangé réén suméré in saraw si pengéro-ngéro' in deges? Sapa en torona miow maangé? Mangé réén suméré si tou mekarai in loor? Si tou mekarai in loor itu, em paento'anna am balé i colano. Anaé, sapa en torona miow maangé? Mangé réén sumére si nabi? En itu wutul, taan icua-Ku mangé ai camu, sa si Yohanes itu lumébémai wo si nabi. Ampa'paan andumoro' isia awéan en aipatic:
‘Séréno! Airu'du'-Ku mai si utusan-Ku rumiorai ai Co,
sia oka en tumu'tul in lalan wayaan-Mu.’
En ulitna icua-Ku mangé ai camu, an uner é tou si aitou é wéwéné ra'ica wana en lumébémai eng kawangko' wo si Yohanes Mabaptis. Taan sé tou ipawawa-wawa' ang Kakolanoan in Sorga, lumébémai eng kawangko' wo si Yohanes Mabaptis. Tumo'tol i Yohanes Mabaptis imai akar intarépé', keli en tou wutu-wutul rumaméji kumua in andumoro' ing Kakolanoan in Sorga wo sé tou wutu-wutul rumaméji muntep ang Kakolanoan in Sorga. Ampa'paan pakasa nabi wo ing kitap-kitap i Musa icumuao i nunuwu' i Amang Kasuruan andumoro' sé mamuali akar si Yohanes maai. Aicuao é nabi indior sa si Elia maai oka sumawel ang kayo'baan anio'. Wo sa icasalé' iow mercaya en aicua é nabi itu, si Yohanes ituo si Elia si maai oka. Si séi si makalunteng, aweso taré sia luminga sumama-sama'!
Ang karapi in sapa yandé-Ku sé tou menonou intarépé'? Séra ayandé tanu sé toyaang makalukut am pasar wo maangko' a sé kara-karapi éra,
‘Pasengon ami em peloit torona miow,
taan ra'ica kiim iow maéngké.
Pakantar ami eng kakantaren mala'lu,
taan ra'ica kiim iow maamé'.’
An tutuw i Yohanes imai, sia ra'ica mengakan wo ra'ica mengaelep, wo ipakua éra, ‘Sia rinasuk i sétang!’ Wo mai si Toyaang i Tou, Sia makan wo maelep, wo pakua é tou, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’ Taan eng kapinteran asi Amang Kasuruan owo kaséréan oka a sé tou sé mengaéma' in sususuien wutul itu.”


Wo tumo'tolo si Yesus tumegor in depet sé tou ang kota-kota sé ra'ica mape'dis, mandé ka'i am bitu Sia makakeli-keli maéma' ing kakaya'kaan. “Icawangkuro mio' kamu sé tou ang kota Khorazim! Wo icawangkuro ka'i kamu sé tou ang kota Betsaida! Ampa'paan niéma'-Kuo eng kakaya'kaan an uner iow taan ra'ica pinercaya miow wo ra'ica mape'dis. Sa sé kakaya'kaan itu niéma'-Ku an Tirus wo an Sidon indior, tantu séra imape'diso wo kumarai ing karai tanu tuus mala'lu wo mu'bur in awu an do'kos éra tanu tuus séra manesel mengéma-ngéma' ing kamesé-meséaan. Taan icua-Ku mangé ai camu, a si endo kaka'puan ing kayo'baan, en ukuman iow lébé uter wo in ukuman é tou ang kota Tirus wo en Sidon. Wo kamu sé tou ang Kapernaum, weroten iow réén sapaoka kamu angkaien oka akar an sorga? Ra'ica! Taan taré, itiya'-Na oka kamu a naraka! Sa eng kakaya'kaan si imamualio an uner iow itu niéma'-Ku an Sodom, tantu eng kota itu awéané' akar intarépé'. Taan icua-Ku mangé ai camu: Asi endo kaka'puan ing kayo'baan, en ukuman iow lébé uterai wo in ukuman é tou an Sodom itu.”


An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'. O Amang, siituo e iméma' in até i Amang arui.”
Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.
Mayoo a Yaku, kamu im baya sé mala'léo wo kepé wo sé uter em pamuléngen, wéan-Ku oka kamu kaaruian. Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran. Ampa'paan em pamuléngen si aiwuléng-Ku itu ra'ica uter wo em pamuléngen-Ku ka'i porak.”

Sikiliza Matius 11