<div class="version vid2717 iso6393nzi" data-vid="2717" data-iso6393="nzi">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s1">Ewiade &#603;b&#596;l&#603; nwo edw&#603;k&#603;</div><div class="p"> 1M&#596;leb&#603;bo ne Nyamenle b&#596;le anwuma nee aze. 2&#400;nee az&#603;l&#603; ye &#603;nz&#596;ho &#603;hwee, y&#603;&#603; debie biala &#603;nle zol&#603;; awozinli &#603;heda buma ne anye, na Nyamenle Sunsum ne luolua nzule ne anye. 3#2 K&#596;l 4.6 Na Nyamenle zele k&#603;, &#8220;Wienyi &#603;r&#603;la&#8221;; na wienyi rale. 4Nyamenle nwunle k&#603; wienyi ne le kpal&#603;, na &#596;dele wienyi ne &#596;vile awozinli ne anwo. 5Nyamenle v&#603;l&#603;le wienyi ne &#8220;Alehyenl&#603;&#8221; y&#603;&#603; &#596;v&#603;l&#603;le awozinli ne &#8220;Aledwol&#603;&#8221;. Akee ale&#603; dwole na ale&#603; hyenle. &#400;hye a le kenle ne m&#596;&#596; lumua la.</div><div class="p"> 6 # 
 2 Pit 3.5
 Na Nyamenle zele k&#603;, &#8220;Anwomanyunlu &#603;r&#603;la &#603;rade nzule ne m&#596; avinli.&#8221; 7Na Nyamenle y&#603;le anwomanyunlu na &#596;vale &#596;dele nzule ne m&#596; m&#596;&#596; w&#596; anwuma la &#596;vile az&#603;l&#603; ye &#603;de&#603; ne m&#596; anwo. 8Na &#596;v&#603;l&#603;le anwomanyunlu &#8220;Anwuma.&#8221; Ale&#603; dwole na ale&#603; hyenle; kenle ne m&#596;&#596; t&#596; zol&#603; nwi&#596; la &#603;ne.</div><div class="p"> 9Na Nyamenle zele k&#603;, &#8220;Nzule m&#596;&#596; w&#596; ewiade la &#603;h&#596; &#603;leka ko &#603;ye &#603;leka resee &#603;do &#603;k&#603;.&#8221; Na &#596;y&#603;le z&#596;hane. 10Nyamenle v&#603;l&#603;le &#603;leka resee ne &#8220;Az&#603;l&#603;&#8221;, y&#603;&#603; &#596;v&#603;l&#603;le nzule ne m&#596; m&#596;&#596; h&#596;le &#603;leka ko la &#8220;Nyevile&#8221;. Na Nyamenle nwunle k&#603; &#596;le kpal&#603;. 11Na Nyamenle zele k&#603;, &#8220;&#400;b&#596; &#603;r&#603;la az&#603;l&#603; ye azo; ndile nee mbaka m&#596;&#596; so ma, y&#603;&#603; nzole&#603; mbaka m&#596;&#596; ma w&#596; b&#603; nzole&#603; ne m&#596; anu la, ko biala nee ye &#603;saso &#603;r&#603;la.&#8221; Na &#596;y&#603;le z&#596;hane. 12Ndile nee mbaka ngakyile k&#596;s&#596;&#596;ti m&#596;&#596; so ma, y&#603;&#603; nzole&#603; mbaka m&#596;&#596; ma w&#596; b&#603; nzole&#603; ne m&#596; anu la, ko biala nee ye &#603;saso, fifile az&#603;l&#603; ye azo. Na Nyamenle nwunle k&#603; &#596;le kpal&#603;. 13Ale&#603; dwole na ale&#603; hyenle; kenle ne m&#596;&#596; t&#596; zol&#603; nsa la &#603;ne. </div><div class="p"> 14Na Nyamenle zele k&#603;, &#8220;Ah&#603;nlane&#603; &#603;r&#603;la anwomanyunlu anwuma l&#596;, &#603;rade alehyenl&#603; nee aledwol&#603; avinli, na b&#603;y&#603; s&#603;k&#603;l&#603;ne&#603; m&#596;&#596; kile &#603;lob&#596;, kenle, nee &#603;vol&#603; a, 15na b&#603;da anwomanyunlu anwuma l&#596; b&#603;maa wienyi &#603;r&#603;la az&#603;l&#603; ye azo.&#8221; Na &#596;y&#603;le z&#596;hane. 16Na Nyamenle y&#603;le anwuma ah&#603;nlane&#603; mgbole nwi&#596; ne, &#596;y&#603;le kpole kpal&#603; ne, s&#603;nz&#603;ne ne, k&#603; &#596;da alehyenl&#603; nu; akee &#596;y&#603;le kpole ekyi ne, siane ne, k&#603; &#596;da aledwol&#603; nu. &#390;y&#603;le nw&#596;l&#596;ra noko. 17&#390;y&#603;le &#603;hye m&#596; &#596;zieziele anwomanyunlu anwuma l&#596; k&#603; b&#603;da b&#603;maa wienyi &#603;r&#603;la az&#603;l&#603; ye azo. 18&#390;y&#603;le k&#603; b&#603;da alehyenl&#603; nee aledwol&#603; nu, amaa b&#603;ade wienyi ne b&#603;avi awozinli ne anwo. Na Nyamenle nwunle m&#596;&#596; yey&#603; la k&#603; &#596;le kpal&#603;. 19Ale&#603; dwole na ale&#603; hyenle; kenle ne m&#596;&#596; t&#596; zol&#603; nna la &#603;ne. </div><div class="p"> 20Na Nyamenle zele k&#603;, &#8220;Nzule nu anyew&#596;zo ab&#596;de&#603; ngakyile muala &#603;r&#603;la, na nloma m&#596;&#596; tu dua anwomanyunlu la &#603;r&#603;la.&#8221; 21Yem&#596;ti Nyamenle b&#596;le nyevile nu ab&#596;de&#603; mgbole anwo &#603;zulol&#603; muala nee nzule nu anyew&#596;zo ab&#596;de&#603; biala nee b&#603; &#603;saso, nee nloma k&#596;s&#596;&#596;ti nee b&#603; &#603;saso. Na Nyamenle nwunle k&#603; &#596;le kpal&#603;. 22Nyamenle yilale b&#603; muala na &#596;zele k&#603;, &#8220;B&#603;l&#596;, b&#603;y&#603; d&#596;&#596;nwo b&#603;yi azule nee nyevile,&#8221; na &#596;zele nloma noko k&#603;, &#8220;B&#603;dab&#603; b&#603;da, b&#603;y&#603; m&#596;nwo m&#596;nwo w&#596; az&#603;l&#603; ye azo.&#8221; 23Ale&#603; dwole na ale&#603; hyenle; kenle ne m&#596;&#596; t&#596; zol&#603; nnu la &#603;ne. </div><div class="p"> 24Akee Nyamenle zele k&#603;, &#8220;Anyew&#596;zo ab&#596;de&#603; &#603;r&#603;la az&#603;l&#603; ye azo, biala nee ye &#603;saso: nlank&#603; nee niny&#603;ne m&#596;&#596; twenle b&#603; nwo aze la amuala nee nanemgbole, ko biala nee ye &#603;saso.&#8221; Na &#596;y&#603;le z&#596;hane. 25Na Nyamenle b&#596;le az&#603;l&#603; ye azo nanemgbole, ko biala nee ye &#603;saso: nlank&#603; nee niny&#603;ne m&#596;&#596; twenle b&#603; nwo aze la amuala, ko biala nee ye &#603;saso. Na Nyamenle nwunle k&#603; &#596;le kpal&#603;.</div><div class="p"> 26Akee Nyamenle zele k&#603;, &#8220;B&#603;maa y&#603;y&#603; sonla k&#603; y&#603;day&#603; y&#603; &#603;saso y&#603;maa &#596;z&#596;ho y&#603;, na y&#603;maa b&#603;nlea azule nee nyevile nu f&#603;l&#603;, nloma m&#596;&#596; w&#596; anwomanyunlu, ny&#603;moa nee nanemgbole nee debie biala m&#596;&#596; twenle &#596; nwo aze w&#596; az&#603;l&#603; ye azo la anwo zo.&#8221; 27#Mat 19.4 Yem&#596;ti Nyamenle b&#596;le sonla k&#603; &#596;daye ye &#603;saso la; &#596;daye Nyamenle mumua ne ye &#603;saso a &#596;nleanle &#596;b&#596;le sonla a. &#390;b&#596;le b&#603; nrenya nee raal&#603;. 28Na Nyamenle yilale b&#603;, na &#596;zele k&#603;, &#8220;B&#603;l&#596;, b&#603;y&#603; m&#596;nwo m&#596;nwo, b&#603;yi az&#603;l&#603; ye na b&#603;zie az&#603;l&#603; ye. Eza b&#603;zie azule nee nyevile nu f&#603;l&#603;, anwomanyunlu nloma nee az&#603;l&#603; ye azo ab&#596;de&#603; biala m&#596;&#596; die &#603;nwomenle la.&#8221; 29Na Nyamenle zele k&#603;, &#8220;B&#603;nlea, meva mbaka muala m&#596;&#596; so ma nee baka biala m&#596;&#596; ma w&#596; ye nzole&#603; nu, m&#596;&#596; w&#596; az&#603;l&#603; ye azo la amuala memaa b&#603; k&#603; b&#603;li. 30Meva ndile muala noko memaa debie biala m&#596;&#596; l&#603; ngoane w&#596; ye nuhua: az&#603;l&#603; ye azo nane k&#596;s&#596;&#596;ti nee anwomanyunlu nloma nee niny&#603;ne m&#596;&#596; twenle b&#603; nwo aze la amuala k&#603; b&#603;li.&#8221; Na &#596;y&#603;le z&#596;hane. 31Na Nyamenle nwunle k&#603; debie biala m&#596;&#596; yey&#603; la le kpal&#603; kpole. Ale&#603; dwole na ale&#603; hyenle; kenle ne m&#596;&#596; t&#596; zol&#603; nsia la &#603;ne.</div>
 </div>
 </div>
</div>

Bible in Nzema © Bible Society of Ghana, 1998.

Mɔlebɛbo ne Nyamenle bɔle anwuma nee aze. Ɛnee azɛlɛ ye ɛnzɔho ɛhwee, yɛɛ debie biala ɛnle zolɛ; awozinli ɛheda buma ne anye, na Nyamenle Sunsum ne luolua nzule ne anye. Na Nyamenle zele kɛ, “Wienyi ɛrɛla”; na wienyi rale. Nyamenle nwunle kɛ wienyi ne le kpalɛ, na ɔdele wienyi ne ɔvile awozinli ne anwo. Nyamenle vɛlɛle wienyi ne “Alehyenlɛ” yɛɛ ɔvɛlɛle awozinli ne “Aledwolɛ”. Akee aleɛ dwole na aleɛ hyenle. Ɛhye a le kenle ne mɔɔ lumua la.
Na Nyamenle zele kɛ, “Anwomanyunlu ɛrɛla ɛrade nzule ne mɔ avinli.” Na Nyamenle yɛle anwomanyunlu na ɔvale ɔdele nzule ne mɔ mɔɔ wɔ anwuma la ɔvile azɛlɛ ye ɛdeɛ ne mɔ anwo. Na ɔvɛlɛle anwomanyunlu “Anwuma.” Aleɛ dwole na aleɛ hyenle; kenle ne mɔɔ tɔ zolɛ nwiɔ la ɛne.
Na Nyamenle zele kɛ, “Nzule mɔɔ wɔ ewiade la ɛhɔ ɛleka ko ɛye ɛleka resee ɛdo ɛkɛ.” Na ɔyɛle zɔhane. Nyamenle vɛlɛle ɛleka resee ne “Azɛlɛ”, yɛɛ ɔvɛlɛle nzule ne mɔ mɔɔ hɔle ɛleka ko la “Nyevile”. Na Nyamenle nwunle kɛ ɔle kpalɛ. Na Nyamenle zele kɛ, “Ɛbɔ ɛrɛla azɛlɛ ye azo; ndile nee mbaka mɔɔ so ma, yɛɛ nzoleɛ mbaka mɔɔ ma wɔ bɛ nzoleɛ ne mɔ anu la, ko biala nee ye ɛsaso ɛrɛla.” Na ɔyɛle zɔhane. Ndile nee mbaka ngakyile kɔsɔɔti mɔɔ so ma, yɛɛ nzoleɛ mbaka mɔɔ ma wɔ bɛ nzoleɛ ne mɔ anu la, ko biala nee ye ɛsaso, fifile azɛlɛ ye azo. Na Nyamenle nwunle kɛ ɔle kpalɛ. Aleɛ dwole na aleɛ hyenle; kenle ne mɔɔ tɔ zolɛ nsa la ɛne.
Na Nyamenle zele kɛ, “Ahɛnlaneɛ ɛrɛla anwomanyunlu anwuma lɔ, ɛrade alehyenlɛ nee aledwolɛ avinli, na bɛyɛ sɛkɛlɛneɛ mɔɔ kile ɛlobɔ, kenle, nee ɛvolɛ a, na bɛda anwomanyunlu anwuma lɔ bɛmaa wienyi ɛrɛla azɛlɛ ye azo.” Na ɔyɛle zɔhane. Na Nyamenle yɛle anwuma ahɛnlaneɛ mgbole nwiɔ ne, ɔyɛle kpole kpalɛ ne, sɛnzɛne ne, kɛ ɔda alehyenlɛ nu; akee ɔyɛle kpole ekyi ne, siane ne, kɛ ɔda aledwolɛ nu. Ɔyɛle nwɔlɔra noko. Ɔyɛle ɛhye mɔ ɔzieziele anwomanyunlu anwuma lɔ kɛ bɛda bɛmaa wienyi ɛrɛla azɛlɛ ye azo. Ɔyɛle kɛ bɛda alehyenlɛ nee aledwolɛ nu, amaa bɛade wienyi ne bɛavi awozinli ne anwo. Na Nyamenle nwunle mɔɔ yeyɛ la kɛ ɔle kpalɛ. Aleɛ dwole na aleɛ hyenle; kenle ne mɔɔ tɔ zolɛ nna la ɛne.
Na Nyamenle zele kɛ, “Nzule nu anyewɔzo abɔdeɛ ngakyile muala ɛrɛla, na nloma mɔɔ tu dua anwomanyunlu la ɛrɛla.” Yemɔti Nyamenle bɔle nyevile nu abɔdeɛ mgbole anwo ɛzulolɛ muala nee nzule nu anyewɔzo abɔdeɛ biala nee bɛ ɛsaso, nee nloma kɔsɔɔti nee bɛ ɛsaso. Na Nyamenle nwunle kɛ ɔle kpalɛ. Nyamenle yilale bɛ muala na ɔzele kɛ, “Bɛlɔ, bɛyɛ dɔɔnwo bɛyi azule nee nyevile,” na ɔzele nloma noko kɛ, “Bɛdabɛ bɛda, bɛyɛ mɔnwo mɔnwo wɔ azɛlɛ ye azo.” Aleɛ dwole na aleɛ hyenle; kenle ne mɔɔ tɔ zolɛ nnu la ɛne.
Akee Nyamenle zele kɛ, “Anyewɔzo abɔdeɛ ɛrɛla azɛlɛ ye azo, biala nee ye ɛsaso: nlankɛ nee ninyɛne mɔɔ twenle bɛ nwo aze la amuala nee nanemgbole, ko biala nee ye ɛsaso.” Na ɔyɛle zɔhane. Na Nyamenle bɔle azɛlɛ ye azo nanemgbole, ko biala nee ye ɛsaso: nlankɛ nee ninyɛne mɔɔ twenle bɛ nwo aze la amuala, ko biala nee ye ɛsaso. Na Nyamenle nwunle kɛ ɔle kpalɛ.
Akee Nyamenle zele kɛ, “Bɛmaa yɛyɛ sonla kɛ yɛdayɛ yɛ ɛsaso yɛmaa ɔzɔho yɛ, na yɛmaa bɛnlea azule nee nyevile nu fɛlɛ, nloma mɔɔ wɔ anwomanyunlu, nyɛmoa nee nanemgbole nee debie biala mɔɔ twenle ɔ nwo aze wɔ azɛlɛ ye azo la anwo zo.” Yemɔti Nyamenle bɔle sonla kɛ ɔdaye ye ɛsaso la; ɔdaye Nyamenle mumua ne ye ɛsaso a ɔnleanle ɔbɔle sonla a. Ɔbɔle bɛ nrenya nee raalɛ. Na Nyamenle yilale bɛ, na ɔzele kɛ, “Bɛlɔ, bɛyɛ mɔnwo mɔnwo, bɛyi azɛlɛ ye na bɛzie azɛlɛ ye. Eza bɛzie azule nee nyevile nu fɛlɛ, anwomanyunlu nloma nee azɛlɛ ye azo abɔdeɛ biala mɔɔ die ɛnwomenle la.” Na Nyamenle zele kɛ, “Bɛnlea, meva mbaka muala mɔɔ so ma nee baka biala mɔɔ ma wɔ ye nzoleɛ nu, mɔɔ wɔ azɛlɛ ye azo la amuala memaa bɛ kɛ bɛli. Meva ndile muala noko memaa debie biala mɔɔ lɛ ngoane wɔ ye nuhua: azɛlɛ ye azo nane kɔsɔɔti nee anwomanyunlu nloma nee ninyɛne mɔɔ twenle bɛ nwo aze la amuala kɛ bɛli.” Na ɔyɛle zɔhane. Na Nyamenle nwunle kɛ debie biala mɔɔ yeyɛ la le kpalɛ kpole. Aleɛ dwole na aleɛ hyenle; kenle ne mɔɔ tɔ zolɛ nsia la ɛne.

Sikiliza Mɔl 1