Ayta Abellen

<div class="version vid2466 iso6393abp" data-vid="2466" data-iso6393="abp">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Hiyay Pagkamatey nan Lazaro</div><div class="p"> 1Main maghay laki a nagngalan Lazaro a angkumonin ha badiyon Betania, lamo na hilay kakatongno na a hiyay Maria boy Marta. 2Hiyay Maria ye maniih lano nin pabango ha bitih nan Apo Jesus haka na ponahan nin labok na. Ket haanin, hiyay Lazaro, ampaghakit ya. 3Kaya-bay hilay kakatongno na, nangitubol hilan mangihabi kanan Apo Jesus nin wanae, &#8220;Apo, hiyay an-adoen mon gayyem, ket ampaghakit yan mabyat.&#8221;</div><div class="p"> 4Pamakange nan Apo Jesus yatew, hinabi na, &#8220;Ahe na ikamatey nin Lazaro ye hakit na. Naghakit ya ta-omen ya midangal ye Dioh boy midangal ya met ye Anak nin Dioh.&#8221;</div><div class="p"> 5An-adoen na hilan Apo Jesus ye mikakatongnon Marta, Maria, boy Lazaro. 6Noba agya natandaan nayna a ampaghakit yay Lazaro, ket namalabah ya po nin luway mangaamot ha angkunaan na.</div><div class="p"> 7Pangayadi, hinabi nan Apo Jesus kanlan m&#257;numbong na, &#8220;Mag-udong kitawoyna ha plobinhiyan Judea.&#8221;</div><div class="p"> 8Noba hinabi la met kana, &#8220;Maihtodo, hilay Jujudio ihtew, nakanon bengat a labay la kan taponen nin dapah. Haanin, mag-udong kayna man ihtew?&#8221;</div><div class="p"> 9Nakibat yay Apo Jesus, &#8220;Ha maghay mangaamot, main labinluwan odah a mahnag. Hilay tataon angkumodang no kaamotan, ahe hila mitubkok, ta mahnag ye babe-luta. 10Noba hilay angkumodang no madeglem, mitubkok hila, ta maliteh ana.&#8221;</div><div class="p"> 11Pangayadi, hinabi na po Apo Jesus, &#8220;Hiyay Lazaro a gayyem tawo, angkatuloy ya. Noba haanin, lakwen ko yan pokawen.&#8221;</div><div class="p"> 12Hinabi lan m&#257;numbong na, &#8220;Apo, no angkatuloy yan bengat, umnged ya lano!&#8221; 13Nabaan la a angkatuloy yan bengat ye Lazaro. Noba hiyay labay nan habiyen Apo Jesus, ket natey yayna.</div><div class="p"> 14Kaya-bay impatunong nan Apo Jesus kanla, &#8220;Hiyay Lazaro, ket natey yayna. 15Noba ha ikanged yo, ingkaaliket kon ahe ako ihtew, ta makauli ha diyagen ko kana, lalalo kawoynan mamteg kangko. Higi, tawoyna, ta lakwen tawo ya.&#8221;</div><div class="p"> 16Hiyay Tomas a anhabtan Kambal, hinabi na kanlan kalalamoan na a m&#257;numbong, &#8220;Makilakew kitawo kana agya midaman kitawon matey.&#8221;</div><div class="s">Hiyay Apo Jesus ye Pagkabi-ay Uman</div><div class="p"> 17Ha nilumateng yaynay Apo Jesus ha badiyon Betania, natandaan na a kinapatan yaynay Lazaro a nailbeng. 18Hiyay badiyon Betania, tatloy kilomitodoy kataang na ha banwan Jerusalem. 19Ket malabong hilay Jujudio a ibat ha Jerusalem ye nakew manliwaliwa kanlan Marta boy Maria ha pagkamatey nan katongno la.</div><div class="p"> 20Ha nabalitaan nan Marta a anlumateng yay Apo Jesus, hinagana naya. Noba hiyay Maria, nagbantak ya ha baey la.</div><div class="p"> 21Haanin, hinabi nan Marta kanan Apo Jesus, &#8220;Apo, hiyay katongno ko, ahe ya dayi natey no anti ka ihti. 22Noba tanda ko a agya haanin, ibyay na kammon Apo Dioh ye hinyaman a awoken mo kana.&#8221;</div><div class="p"> 23Hinabi nan Apo Jesus kana, &#8220;Hiyay katongno mo, mabi-ay yan uman.&#8221;</div><div class="p"> 24Nakibat yay Marta, &#8220;Awo! Tanda ko, Apo a bi-ayen na yan uman Apo Dioh lano ha bi-ayen na hilaynay nangamatey ha kalampuhan nin panaon.&#8221;</div><div class="p"> 25Hinabi nan Apo Jesus kana, &#8220;Hikoy ampamyay bi-ay boy ampami-ay uman kanlan nangamatey. Ayaman a ampamteg kangko, agya po matey ya, ket mabi-ay yan uman. 26Boy ayaman a angkabi-ay a ampamteg kangko, agya matey ya, mabi-ay yan makanoman. Ampamtegan mo nayi ye hinabi ko?&#8221;</div><div class="p"> 27Nakibat yay Marta, &#8220;Awo, Apo. Ampamtegan ko a hika ye Cristo a Anak nin Dioh a an-agaden min lumateng ihti ha babe-luta.&#8221;</div><div class="s">Hiyay Panumangih nan Apo Jesus</div><div class="p"> 28Pangahabi nan Marta yatew, nag-udong yayna ha baey la. Ket hinaleyan na yay Maria a katongno na boy in-onanah na kana, &#8220;Hiyay Maihtodo, mahaley yayna ihti. Ket an-ipahagyat naka.&#8221; 29Pamakange nan Maria, tampol yan nideng. Ket nanandali yaynan nakew kanan Apo Jesus. 30Hiyay Apo Jesus, ahe ya po niabot ha Betania, ta anti ya po ihtew ha pinanaganaan nan Marta kana. 31Hilay Jujudion ampanliwa-liwa kanlan mikatongno, ha nakit la yan tampol nideng ye Maria boy nanandali yan inumalih, hinumbong laya, ta nabaan la yan makew tumangih ha nangilbengan kanan Lazaro.</div><div class="p"> 32Ha niabot yay Maria kanan Apo Jesus, nanalimukod ya ha adapan na boy hinabi na, &#8220;Apo, no anti kan bengat dayi ihti, ket ahe ya dayin natey ye katongno ko.&#8221;</div><div class="p"> 33Ha nakit nan Apo Jesus a antumangih yay Maria boy hilay Jujudion hinumumbong kana, ket napoot ya boy nalele ya. 34Haanin, tinepet na hilan Apo Jesus, &#8220;Way-ihtew yoya in-ilbeng?&#8221;</div><div class="p">Nakibat hila kana, &#8220;Apo, makilakew ka kammi ta-omen moya makit.&#8221;</div><div class="p"> 35Ket tinumangih yay Apo Jesus.</div><div class="p"> 36Haanin, hinabi lan Jujudio a anti ha haley na, &#8220;Bilewen yo. Petegbay a ampakaadoen naya.&#8221;</div><div class="p"> 37Noba hinabi lan kanayon, &#8220;Namaitaah yan kapkap. Taket ta pinaolayan na yan natey ye Lazaro?&#8221;</div><div class="s">Hiyay Pami-ay nan Uman Apo Jesus kanan Lazaro</div><div class="p"> 38Napoot yayna man ye Apo Jesus. Kaya-bay nakew ya ha nangilbengan kanan Lazaro. Inyukib ye nangilbengan kana a nileneban nin mayadet a dapah. 39Panlumateng la ihtew, hinabi nan Apo Jesus, &#8220;Alihen yoy dapah.&#8221;</div><div class="p">Noba hinabi nan Marta a katongno nan natey, &#8220;Mabata yayna Apo, ta kinapatan yayna.&#8221;</div><div class="p"> 40Hinabi nan Apo Jesus kana, &#8220;Aliwa nayi a hinabi koyna kammo a no mamteg ka, makit moy kapalyadiyan nin Dioh?&#8221;</div><div class="p"> 41Kaya-bay inalih lay dapah a pinanleneb. Tinumangal yay Apo Jesus. Ket hinabi na, &#8220;Bapa ko, ampahalamat ako kammo, ta lingnge moko. 42Tanda ko a lanang mo kon anleng-en, noba anhabiyen ko yati kammo ha ikanged lan tataon ampideng ihti ta-omen hila mamteg a hika ye nangitubol kangko.&#8221;</div><div class="p"> 43Pangahabi na yatew, nangha ya, &#8220;Lazaro, lumwah kayna!&#8221; 44Ket hiyay Lazaro, nilumwah ya a nabelbelan nin tapih a pangilbeng ye gagamet na boy bibitih na boy natugpawan nin tapih ye lupa na. Hinabi nan Apo Jesus, &#8220;Alihen yoynay tapih a nakabelbel kana ta-omen yayna malihway a kumodang.&#8221;</div><div class="s">Hiyay Tangka kanan Apo Jesus</div><div class="r">(Mateo 26:1-5; Marcos 14:1-2; Lucas 22:1-2)</div><div class="p"> 45Haanin, ha nakit lan Jujudion kalamo nan Maria ye dinyag nan Apo Jesus, malabong kanla ye namteg kana. 46Noba hilay kanayon kanla, nakew hila kanlan Papariseo. Ket hinabi lay dinyag nan Apo Jesus. 47Kaya-bay hilay m&#257;nguna a papadi boy Papariseo, impadakit la hilay tutoan Jujudion m&#257;nungkolan ha Panuhgaan lan Jujudio. Hinabi la, &#8220;Hinyay diyagen tawo? Malabong anay didinyag nan kapagtakaan yatew a tao. 48No paolayan tawo ya, mamteg hilaynay kaganaan a tatao a hiyabay ye Cristo. Ket diyagen la yan pagpoon tawo. Ket no wanabay ye malyadi, lakwen la kitawon huhundalon Romano ta-omen la damaen ye Timplo boy nahyon tawo.&#8221;</div><div class="p"> 49Noba hinabi nan Caifas a pinakapoon a padi kananyatew a taon, &#8220;Peteg a homain kawon tinanda! 50Ahe yo nayi naihip a mamanged a matey ye maghay tao ha ikanged nin kalabongan dinan ha madama ye matiboen nahyon tawo?&#8221;</div><div class="p"> 51Yatew a hinabi nan Caifas, ket aliwa na yan hadilin ihip, no aliwan bilang pinakapoon a padi kananyatew a taon, impahabi nan Apo Dioh kana a matey yay Apo Jesus ha ikanged nin matiboen nahyon lan Jujudio. 52Aliwan bengat ha ikanged nin nahyon lan Jujudio, no aliwan nin kaganaan a aanak nin Dioh a ampitayak ha babe-luta ta-omen na hila paymamaghaen. 53Kaya-bay paibat kananyatew, hilay m&#257;nguna lan Jujudio, inihip la yaynan ipapatey ye Apo Jesus.</div><div class="p"> 54Ket hiyay Apo Jesus, ahe yayna napakit kanlan Jujudio ha Jerusalem. Nakew yayna tana ha banwan Efraim a mahaley ha wangwang. Ket ihtew ya kinumonin a lamo na hilay m&#257;numbong na.</div><div class="p"> 55Haanin, ha mahaley ana ye pihta lan Jujudio a Pihtan Pangihipan nin Pangiligtah, malabong hilay tataon nakew ha banwan Jerusalem a nangibat ha binabadiyo ta-omen la diyagen ye kaugalian lan panlinih bayo mangaamot nin pihta. 56Ket hilay tatao ha Jerusalem, antapulen la yay Apo Jesus. Ket ha anti hila po ha mahlang nin Timplo, ampaytepet-tepet hila, &#8220;Ha ihip yo, makew ya lagin makipihta ihti?&#8221;</div><div class="p"> 57Haanin, imbilin lan m&#257;nguna a papadi boy Papariseo, &#8220;No matandaan yo no way-ihtew yay Jesus, ket ipatanda yo met kammi.&#8221; Hinabi la yatew, ta dakpen la yayna.</div>
 </div>
 </div>
</div>

Main maghay laki a nagngalan Lazaro a angkumonin ha badiyon Betania, lamo na hilay kakatongno na a hiyay Maria boy Marta. Hiyay Maria ye maniih lano nin pabango ha bitih nan Apo Jesus haka na ponahan nin labok na. Ket haanin, hiyay Lazaro, ampaghakit ya. Kaya-bay hilay kakatongno na, nangitubol hilan mangihabi kanan Apo Jesus nin wanae, “Apo, hiyay an-adoen mon gayyem, ket ampaghakit yan mabyat.”
Pamakange nan Apo Jesus yatew, hinabi na, “Ahe na ikamatey nin Lazaro ye hakit na. Naghakit ya ta-omen ya midangal ye Dioh boy midangal ya met ye Anak nin Dioh.”
An-adoen na hilan Apo Jesus ye mikakatongnon Marta, Maria, boy Lazaro. Noba agya natandaan nayna a ampaghakit yay Lazaro, ket namalabah ya po nin luway mangaamot ha angkunaan na.
Pangayadi, hinabi nan Apo Jesus kanlan mānumbong na, “Mag-udong kitawoyna ha plobinhiyan Judea.”
Noba hinabi la met kana, “Maihtodo, hilay Jujudio ihtew, nakanon bengat a labay la kan taponen nin dapah. Haanin, mag-udong kayna man ihtew?”
Nakibat yay Apo Jesus, “Ha maghay mangaamot, main labinluwan odah a mahnag. Hilay tataon angkumodang no kaamotan, ahe hila mitubkok, ta mahnag ye babe-luta. Noba hilay angkumodang no madeglem, mitubkok hila, ta maliteh ana.”
Pangayadi, hinabi na po Apo Jesus, “Hiyay Lazaro a gayyem tawo, angkatuloy ya. Noba haanin, lakwen ko yan pokawen.”
Hinabi lan mānumbong na, “Apo, no angkatuloy yan bengat, umnged ya lano!” Nabaan la a angkatuloy yan bengat ye Lazaro. Noba hiyay labay nan habiyen Apo Jesus, ket natey yayna.
Kaya-bay impatunong nan Apo Jesus kanla, “Hiyay Lazaro, ket natey yayna. Noba ha ikanged yo, ingkaaliket kon ahe ako ihtew, ta makauli ha diyagen ko kana, lalalo kawoynan mamteg kangko. Higi, tawoyna, ta lakwen tawo ya.”
Hiyay Tomas a anhabtan Kambal, hinabi na kanlan kalalamoan na a mānumbong, “Makilakew kitawo kana agya midaman kitawon matey.”

Ha nilumateng yaynay Apo Jesus ha badiyon Betania, natandaan na a kinapatan yaynay Lazaro a nailbeng. Hiyay badiyon Betania, tatloy kilomitodoy kataang na ha banwan Jerusalem. Ket malabong hilay Jujudio a ibat ha Jerusalem ye nakew manliwaliwa kanlan Marta boy Maria ha pagkamatey nan katongno la.
Ha nabalitaan nan Marta a anlumateng yay Apo Jesus, hinagana naya. Noba hiyay Maria, nagbantak ya ha baey la.
Haanin, hinabi nan Marta kanan Apo Jesus, “Apo, hiyay katongno ko, ahe ya dayi natey no anti ka ihti. Noba tanda ko a agya haanin, ibyay na kammon Apo Dioh ye hinyaman a awoken mo kana.”
Hinabi nan Apo Jesus kana, “Hiyay katongno mo, mabi-ay yan uman.”
Nakibat yay Marta, “Awo! Tanda ko, Apo a bi-ayen na yan uman Apo Dioh lano ha bi-ayen na hilaynay nangamatey ha kalampuhan nin panaon.”
Hinabi nan Apo Jesus kana, “Hikoy ampamyay bi-ay boy ampami-ay uman kanlan nangamatey. Ayaman a ampamteg kangko, agya po matey ya, ket mabi-ay yan uman. Boy ayaman a angkabi-ay a ampamteg kangko, agya matey ya, mabi-ay yan makanoman. Ampamtegan mo nayi ye hinabi ko?”
Nakibat yay Marta, “Awo, Apo. Ampamtegan ko a hika ye Cristo a Anak nin Dioh a an-agaden min lumateng ihti ha babe-luta.”

Pangahabi nan Marta yatew, nag-udong yayna ha baey la. Ket hinaleyan na yay Maria a katongno na boy in-onanah na kana, “Hiyay Maihtodo, mahaley yayna ihti. Ket an-ipahagyat naka.” Pamakange nan Maria, tampol yan nideng. Ket nanandali yaynan nakew kanan Apo Jesus. Hiyay Apo Jesus, ahe ya po niabot ha Betania, ta anti ya po ihtew ha pinanaganaan nan Marta kana. Hilay Jujudion ampanliwa-liwa kanlan mikatongno, ha nakit la yan tampol nideng ye Maria boy nanandali yan inumalih, hinumbong laya, ta nabaan la yan makew tumangih ha nangilbengan kanan Lazaro.
Ha niabot yay Maria kanan Apo Jesus, nanalimukod ya ha adapan na boy hinabi na, “Apo, no anti kan bengat dayi ihti, ket ahe ya dayin natey ye katongno ko.”
Ha nakit nan Apo Jesus a antumangih yay Maria boy hilay Jujudion hinumumbong kana, ket napoot ya boy nalele ya. Haanin, tinepet na hilan Apo Jesus, “Way-ihtew yoya in-ilbeng?”
Nakibat hila kana, “Apo, makilakew ka kammi ta-omen moya makit.”
Ket tinumangih yay Apo Jesus.
Haanin, hinabi lan Jujudio a anti ha haley na, “Bilewen yo. Petegbay a ampakaadoen naya.”
Noba hinabi lan kanayon, “Namaitaah yan kapkap. Taket ta pinaolayan na yan natey ye Lazaro?”

Napoot yayna man ye Apo Jesus. Kaya-bay nakew ya ha nangilbengan kanan Lazaro. Inyukib ye nangilbengan kana a nileneban nin mayadet a dapah. Panlumateng la ihtew, hinabi nan Apo Jesus, “Alihen yoy dapah.”
Noba hinabi nan Marta a katongno nan natey, “Mabata yayna Apo, ta kinapatan yayna.”
Hinabi nan Apo Jesus kana, “Aliwa nayi a hinabi koyna kammo a no mamteg ka, makit moy kapalyadiyan nin Dioh?”
Kaya-bay inalih lay dapah a pinanleneb. Tinumangal yay Apo Jesus. Ket hinabi na, “Bapa ko, ampahalamat ako kammo, ta lingnge moko. Tanda ko a lanang mo kon anleng-en, noba anhabiyen ko yati kammo ha ikanged lan tataon ampideng ihti ta-omen hila mamteg a hika ye nangitubol kangko.”
Pangahabi na yatew, nangha ya, “Lazaro, lumwah kayna!” Ket hiyay Lazaro, nilumwah ya a nabelbelan nin tapih a pangilbeng ye gagamet na boy bibitih na boy natugpawan nin tapih ye lupa na. Hinabi nan Apo Jesus, “Alihen yoynay tapih a nakabelbel kana ta-omen yayna malihway a kumodang.”


Haanin, ha nakit lan Jujudion kalamo nan Maria ye dinyag nan Apo Jesus, malabong kanla ye namteg kana. Noba hilay kanayon kanla, nakew hila kanlan Papariseo. Ket hinabi lay dinyag nan Apo Jesus. Kaya-bay hilay mānguna a papadi boy Papariseo, impadakit la hilay tutoan Jujudion mānungkolan ha Panuhgaan lan Jujudio. Hinabi la, “Hinyay diyagen tawo? Malabong anay didinyag nan kapagtakaan yatew a tao. No paolayan tawo ya, mamteg hilaynay kaganaan a tatao a hiyabay ye Cristo. Ket diyagen la yan pagpoon tawo. Ket no wanabay ye malyadi, lakwen la kitawon huhundalon Romano ta-omen la damaen ye Timplo boy nahyon tawo.”
Noba hinabi nan Caifas a pinakapoon a padi kananyatew a taon, “Peteg a homain kawon tinanda! Ahe yo nayi naihip a mamanged a matey ye maghay tao ha ikanged nin kalabongan dinan ha madama ye matiboen nahyon tawo?”
Yatew a hinabi nan Caifas, ket aliwa na yan hadilin ihip, no aliwan bilang pinakapoon a padi kananyatew a taon, impahabi nan Apo Dioh kana a matey yay Apo Jesus ha ikanged nin matiboen nahyon lan Jujudio. Aliwan bengat ha ikanged nin nahyon lan Jujudio, no aliwan nin kaganaan a aanak nin Dioh a ampitayak ha babe-luta ta-omen na hila paymamaghaen. Kaya-bay paibat kananyatew, hilay mānguna lan Jujudio, inihip la yaynan ipapatey ye Apo Jesus.
Ket hiyay Apo Jesus, ahe yayna napakit kanlan Jujudio ha Jerusalem. Nakew yayna tana ha banwan Efraim a mahaley ha wangwang. Ket ihtew ya kinumonin a lamo na hilay mānumbong na.
Haanin, ha mahaley ana ye pihta lan Jujudio a Pihtan Pangihipan nin Pangiligtah, malabong hilay tataon nakew ha banwan Jerusalem a nangibat ha binabadiyo ta-omen la diyagen ye kaugalian lan panlinih bayo mangaamot nin pihta. Ket hilay tatao ha Jerusalem, antapulen la yay Apo Jesus. Ket ha anti hila po ha mahlang nin Timplo, ampaytepet-tepet hila, “Ha ihip yo, makew ya lagin makipihta ihti?”
Haanin, imbilin lan mānguna a papadi boy Papariseo, “No matandaan yo no way-ihtew yay Jesus, ket ipatanda yo met kammi.” Hinabi la yatew, ta dakpen la yayna.

Sikiliza Juan 11