Mukulu: Mattup ki Taasuwa ere Aware (New Testament)

Mattup ki Taasuwa ere Aware

<div class="version vid2433 iso6393moz" data-vid="2433" data-iso6393="moz">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Dooyiso a urzi k&#700;eliyo a &#599;o&#331; an k&#700;ede mun&#599;a ye</div><div class="p"> 1&#171;Kun koona mentikagi kono a urzi daaniya Raagu&#331; ge&#331;, kun ise bitin&#816; bitin&#816; a &#599;aana &#599;uwo an un gi di&#700;n wolle ye. Para ma&#331; mun&#599;a wede Meegugu&#331; Raa a kandaane yi dehu y&#700;un t&#700;eley ge&#331;, kun ki y&#700; t&#700;oone ye. 2I&#331;kino aame ki-t&#700;ele mun&#599;a a wede i-k&#700;ede mun&#599;a ye ge&#331;, ki koppe darru ye, aakede &#599;o&#331; biza&#331; sire sire ge d&#700;isiyo a urziyagi geeger wo adda &#595;oy&#599;i &#599;o&#331; in di dooyiso. An isiyo i&#331;kino kono &#599;uwo an di&#700;n t&#700;imme. &#394;erec i&#331;kino wo n&#700;un di rooto: Kane ge&#331; mun&#599;a wede an dehu an t&#700;oona a naabada&#331;, an y&#700;uune baa. 3Wo ki kee, aame ki-t&#700;ele mun&#599;a a wede i-k&#700;ede mun&#599;a ye ti beez&#225; wede k&#700;ammade ma&#331;, beez&#225; wede ki geelo batum y&#700;a ki suune ye. 4I&#331;kino ma&#331; mun&#599;a wede k&#700;ele ge&#331; y&#700;a lekke ombi&#599;e, wo Meeg&#225; Raa yi wolliyo mun&#599;a wede k&#700;isiyo ka&#331; ombi&#599;e ge&#331; me. I&#331;kino mun&#599;a wede Raa yi dehu y&#700;a di t&#700;ele ge&#331;, k&#700;a yi t&#700;ooney.&#187;</div><div class="s">Dooyiso a urzi tondiyo Raa</div><div class="p"> 5&#171;A urzi tondiyo Raa ge&#331;, kun ise aakede &#599;o&#331; biza&#331; sire sire ge d&#700;isiyo ye. Kane an geyyiso tondiyo Raa ka&#331; &#244;hire adda &#595;oy&#599;i &#599;o&#331; in di dooyiso wo a urziyagi k&#700;okkime, kono &#599;uwo an di&#700;n wolle. &#394;erec i&#331;kino wo n&#700;un di rooto: Kane ge&#331; mun&#599;a wede an dehu an t&#700;oona, an y&#700;uune baa. 6Wo ki kee, aame ki dehu k&#700;a tonde Raa ma&#331;, ki t&#700;odo adda biino mooniz&#225;, biza k&#700;a-t&#700;appa wo k&#700;a tondo Meeg&#225; Raa yo&#331; ede a ume ombi&#599;e ge&#331; me. Wo Meeg&#225; Raa yi wolliyo mun&#599;a wede k&#700;isiyo ka&#331; ombi&#599;e me. I&#331;kino mun&#599;a wede Raa yi dehu y&#700;a di t&#700;ele ge&#331;, k&#700;a yi t&#700;ooney.</div><div class="p"> 7Aame kun tondiyo Raa ma&#331;, ono kun&#700;ni &#599;oolite ye, aakede kane &#599;o&#331; Yawudiyagi ye ge d&#700;isiyo me, kono an elkiyo an bobbiso &#595;aada&#331; ge&#331; Raa y&#700;an olliga. 8I&#331;kino kun dooze kane ye, kono Meegugu&#331; Raa yi suune mun&#599;a wede kun dehu a urzi lekkiyagu&#331;, ki poone kun di y&#700; tonda ge&#331; me. 9I&#331;kino ma&#331; kun tondo Raa kino:</div><div class="q1">Meegey wede a kandaane,</div><div class="q1">kee k&#700;iso &#599;uwo pay an di suune kee Raa kamilen&#816;,</div><div class="q1"> 10Mozikad&#225; k&#700;a-di t&#700;edi.</div><div class="q1">Mun&#599;a wede add&#225; i dehu k&#700;aase a sii&#599;o ette, ki y&#700;iso aakede ki d&#700;isiyo a kandaane.</div><div class="q1"> 11A&#331;ki kee k&#700;ay eeli om&#595;adey ere ay di t&#700;&#238;de.</div><div class="q1"> 12K&#700;ay t&#700;isi tambobino a mun&#599;a wede ulsu ay ize a kee,</div><div class="q1">aakede kaye to&#331; ay an t&#700;ize tambobino a kane &#599;o&#331; ay ize mun&#599;a ulsu kay.</div><div class="q1"> 13K&#700;ayn&#700;ooli adda naamiya daggiya i ceera eedey ay t&#700;etta adda k&#700;ol&#599;iko ye,</div><div class="q1">wo &#599;e k&#700;ay ti&#700;n a&#599;&#599;i ti bey Mohita k&#700;ol&#599;iko.</div><div class="q1">[Ge&#331; moziko, toogo wo tamma, kane pay ki kee ki daayum. Eyye.]</div><div class="p"> 14I&#331;kino ma&#331;, aame a &#599;o&#331; a ti doopi&#599;e a onamgu&#331; ge&#331; tambobino kun an t&#700;isiyo ma&#331;, Meegugu&#331; Raa a kandaane to&#331;, y&#700;un t&#700;isa tambobino kay a mun&#599;a wede kun a ti doopi&#599;e me. 15Wo &#599;e aame a &#599;o&#331; a ti doopi&#599;e a onamgu&#331; ge&#331; tambobino kun an k&#700;isiyo ye ma&#331;, Meegugu&#331; Raa to&#331; y&#700;un k&#700;isa ye kay tambobino a mun&#599;a wede kun a ti doopi&#599;e me.&#187;</div><div class="s">Dooyiso a urzi lekkiyo daa k&#700;om&#595;o</div><div class="p"> 16&#171;A lekkiyagu&#331; onniyo muno kun lekkiyo daa k&#700;om&#595;o ge&#331;, kun ti y&#700;ise ume k&#700;edagu&#331; zimolo aa &#599;o&#331; biza&#331; sire sire ge d&#700;isiyo ye. Kane an ti&#700;n n&#816;eeriyo edaya&#331; kono &#599;uwo an di&#700;n wolle kane onniyo muno an lekkiyo daa k&#700;om&#595;o. &#394;erec i&#331;kino wo n&#700;un di rooto: Kane ge&#331; mun&#599;a wede an dehu an t&#700;oona, an y&#700;uune baa. 17Wo kee aame onniyo muno ki lekkiyo daa k&#700;om&#595;o ma&#331;, eday&#225; ki t&#700;opilo wo eed&#225; k&#700;a t&#700;assigo egey, 18kono &#599;uwo an ki di suune ye kee onniyo muno ki lekkiyo daa k&#700;om&#595;o me. A suune Meeg&#225; Raa &#599;a&#331;&#331;al yo&#331; ede a ume ombi&#599;e ge&#331; me, wo yo&#331; Meeg&#225; Raa yi wolliyo mun&#599;a wede k&#700;isiyo ombi&#599;e me. I&#331;kino mun&#599;a wede Raa yi dehu y&#700;a di t&#700;ele ge&#331;, k&#700;a yi t&#700;ooney.&#187;</div><div class="s">Laale wede a kandaane</div><div class="r">(Lik 12.33-34)</div><div class="p"> 19&#171;Kun t&#700;okume ye laale a sii&#599;o ette, kono a e&#331; amma ti dibe an t&#700;ooma pay, a e&#331; &#599;o&#331; k&#700;oogire an di tooka ti &#595;oy wo an di sika. 20Ki too ma&#331; kun okumo laale a kandaane, a ummey amma ti dibe umbo, a ummey &#599;o&#331; k&#700;oogire umbo a-tooka &#595;oy wo an di sika me. 21&#394;erec, a ume wede laalay&#225; yi lekkiyo ge&#331;, add&#225;&#700;&#331; to&#331; a&#331;gen&#816;n&#816;o.&#187;</div><div class="s">Toore ki tudde</div><div class="r">(Lik 11.34-36)</div><div class="p"> 22&#171;Eda kane aa pitila ki tudde. Aame eday&#225; kane bee ma&#331;, tudd&#225; pay gette adda toore. 23Wo aame eday&#225; ge&#331; kane bee ye ma&#331;, tudd&#225; pay gette adda zimolo. I&#331;kino aame toore wede a-d&#700;ede ge&#331; i t&#700;ize zimolo ma&#331;, ge&#331; kee adda zimolo ere dil baa.&#187;</div><div class="s">Naabo a galmaawi sire umbo</div><div class="r">(Lik 16.13)</div><div class="p"> 24&#171;Wen&#599;a soo to&#331; umbo a aane a naabe ti galmaawi sire me, ise ma&#331; so&#331; y&#700;a y&#700;olmi&#599;a wo y&#700;a-geyye soo me, wo ise ma&#331; y&#700;a di kette ti wede soo me wo so&#331; y&#700;a yi kiigira. Kun k&#700;aane kun ki ti daane ye, urzi Raa wo urzi so&#331;ko sirwa&#331; pay me.&#187;</div><div class="s">Zaapu k&#700;adde a Raa</div><div class="r">(Lik 12.22-31)</div><div class="p"> 25&#171;Ge&#331; kono k&#700;i&#331;kino n&#700;un di rooto: Kune a lekkiyagu&#331; ulbugu&#331; un t&#700;oo&#599;e ye a urzi k&#700;om&#595;o wo a urzi so&#595;o me, ise a urzi k&#700;ossiyo ere ki tuddugu&#331; to&#331; ma&#331;. Ki kotto lekkiyagu&#331; ere kun lekkiyo ette ti jiire om&#595;o, wo tuddugu&#331; ti jiire ossiyo. 26Kun wollo em&#595;i, an ki korso ye, an k&#700;ay&#599;u ye wo an k&#700;okimso mudu adda gii&#436;agi ye, wo Meegugu&#331; Raa a kandaane yi di&#700;n mo&#599;&#599;iyo. Wo kune ki kotto kun i jiire kane ge&#331; ta&#331; &#595;aada&#331;! 27Wee wee ti diinagu&#331;, ti ulbe k&#700;oo&#599;iyo wede i-d&#700;ede ge&#331;, y&#700;aane y&#700;a d&#700;aagila ti ke&#599;ise soo onniytagi &#599;o&#331; ki lekkiyad&#237; a duniya e&#331; me?</div><div class="p"> 28Wo &#599;e ki moo me ulbugu&#331; un d&#700;oo&#599;iyo a ossiyo me? Kun wollo bobbo soole adda bal&#599;a gette, ti d&#700;ohire, ti ki naabiya ye, ti k&#700;isiyo kallagi ye. 29Wo kun ollo, n&#700;un di rooto: Mozigo Salamo&#331; to&#331; ti laale wede pay i-d&#700;ede ge&#331;, yi k&#700;usse ye kalle wede majjaane aakede bobbo soole soo to&#331; ma&#331;. 30I&#331;kino Raa yi-ti y&#700;ossiyo soole wede adda bal&#599;a a&#331;ki kuti kutin&#816;, wo soggo an t&#700;oggiyo adda k&#700;uwwo mend&#237;. Ge&#331; ta&#331; miibi a ceere Raa y&#700;un di&#700;n osse kune batum me! Ki kotto kune zaapu k&#700;addugu&#331; a Raa baata. 31I&#331;kino ma&#331; kune ulbugu&#331; un t&#700;oo&#599;e ye, adda k&#700;addugu&#331; kun roote ye: &#8220;Ay d&#700;ooma moo me?&#8221;, &#8220;Ay si&#595;a moo me?&#8221; wo &#8220;Ay d&#700;ossa moo me?&#8221; me. 32Sul&#599;i pay ge&#331;, daayum i&#700;ni dehutu kane &#599;o&#331; pay i ki suune Raa soo &#599;a&#331;&#331;al ye gen&#816;n&#816;o. Wo Meegugu&#331; Raa a kandaane ge&#331;, yo&#331; yi suune sul&#599;i ge&#331; kun&#700;ni dehu a urzi lekkiyagu&#331; me. 33Ki too ma&#331; kun deho ki poone Moziko Raa wo urzi lekkiyo ere ki diine aa Raa yi dehu, wo sa&#331; sul&#599;i pay ge&#331; y&#700;un di&#700;n t&#700;ela kay. 34I&#331;kino ma&#331; kune ulbugu&#331; un t&#700;oo&#599;e ye a mun&#599;a wede ki soggo me, kono onniyo ere ki soggo gette tod&#700;te t&#700;onniyat&#250;. Onniyo ere soo dabarat&#250; i-t&#244;wwo k&#700;ett&#250; k&#700;ett&#250;.&#187;</div>
 </div>
 </div>
</div>

«Kun koona mentikagi kono a urzi daaniya Raaguŋ geŋ, kun ise bitin̰ bitin̰ a ɗaana ɗuwo an un gi diʼn wolle ye. Para maŋ munɗa wede Meeguguŋ Raa a kandaane yi dehu yʼun tʼeley geŋ, kun ki yʼ tʼoone ye. Iŋkino aame ki-tʼele munɗa a wede i-kʼede munɗa ye geŋ, ki koppe darru ye, aakede ɗoŋ bizaŋ sire sire ge dʼisiyo a urziyagi geeger wo adda ɓoyɗi ɗoŋ in di dooyiso. An isiyo iŋkino kono ɗuwo an diʼn tʼimme. Ɗerec iŋkino wo nʼun di rooto: Kane geŋ munɗa wede an dehu an tʼoona a naabadaŋ, an yʼuune baa. Wo ki kee, aame ki-tʼele munɗa a wede i-kʼede munɗa ye ti beezá wede kʼammade maŋ, beezá wede ki geelo batum yʼa ki suune ye. Iŋkino maŋ munɗa wede kʼele geŋ yʼa lekke ombiɗe, wo Meegá Raa yi wolliyo munɗa wede kʼisiyo kaŋ ombiɗe geŋ me. Iŋkino munɗa wede Raa yi dehu yʼa di tʼele geŋ, kʼa yi tʼooney.»

«A urzi tondiyo Raa geŋ, kun ise aakede ɗoŋ bizaŋ sire sire ge dʼisiyo ye. Kane an geyyiso tondiyo Raa kaŋ ôhire adda ɓoyɗi ɗoŋ in di dooyiso wo a urziyagi kʼokkime, kono ɗuwo an diʼn wolle. Ɗerec iŋkino wo nʼun di rooto: Kane geŋ munɗa wede an dehu an tʼoona, an yʼuune baa. Wo ki kee, aame ki dehu kʼa tonde Raa maŋ, ki tʼodo adda biino moonizá, biza kʼa-tʼappa wo kʼa tondo Meegá Raa yoŋ ede a ume ombiɗe geŋ me. Wo Meegá Raa yi wolliyo munɗa wede kʼisiyo kaŋ ombiɗe me. Iŋkino munɗa wede Raa yi dehu yʼa di tʼele geŋ, kʼa yi tʼooney.
Aame kun tondiyo Raa maŋ, ono kunʼni ɗoolite ye, aakede kane ɗoŋ Yawudiyagi ye ge dʼisiyo me, kono an elkiyo an bobbiso ɓaadaŋ geŋ Raa yʼan olliga. Iŋkino kun dooze kane ye, kono Meeguguŋ Raa yi suune munɗa wede kun dehu a urzi lekkiyaguŋ, ki poone kun di yʼ tonda geŋ me. Iŋkino maŋ kun tondo Raa kino:
Meegey wede a kandaane,
kee kʼiso ɗuwo pay an di suune kee Raa kamilen̰,
Mozikadá kʼa-di tʼedi.
Munɗa wede addá i dehu kʼaase a siiɗo ette, ki yʼiso aakede ki dʼisiyo a kandaane.
Aŋki kee kʼay eeli omɓadey ere ay di tʼîde.
Kʼay tʼisi tambobino a munɗa wede ulsu ay ize a kee,
aakede kaye toŋ ay an tʼize tambobino a kane ɗoŋ ay ize munɗa ulsu kay.
Kʼaynʼooli adda naamiya daggiya i ceera eedey ay tʼetta adda kʼolɗiko ye,
wo ɗe kʼay tiʼn aɗɗi ti bey Mohita kʼolɗiko.
[Geŋ moziko, toogo wo tamma, kane pay ki kee ki daayum. Eyye.]
Iŋkino maŋ, aame a ɗoŋ a ti doopiɗe a onamguŋ geŋ tambobino kun an tʼisiyo maŋ, Meeguguŋ Raa a kandaane toŋ, yʼun tʼisa tambobino kay a munɗa wede kun a ti doopiɗe me. Wo ɗe aame a ɗoŋ a ti doopiɗe a onamguŋ geŋ tambobino kun an kʼisiyo ye maŋ, Meeguguŋ Raa toŋ yʼun kʼisa ye kay tambobino a munɗa wede kun a ti doopiɗe me.»

«A lekkiyaguŋ onniyo muno kun lekkiyo daa kʼomɓo geŋ, kun ti yʼise ume kʼedaguŋ zimolo aa ɗoŋ bizaŋ sire sire ge dʼisiyo ye. Kane an tiʼn n̰eeriyo edayaŋ kono ɗuwo an diʼn wolle kane onniyo muno an lekkiyo daa kʼomɓo. Ɗerec iŋkino wo nʼun di rooto: Kane geŋ munɗa wede an dehu an tʼoona, an yʼuune baa. Wo kee aame onniyo muno ki lekkiyo daa kʼomɓo maŋ, edayá ki tʼopilo wo eedá kʼa tʼassigo egey, kono ɗuwo an ki di suune ye kee onniyo muno ki lekkiyo daa kʼomɓo me. A suune Meegá Raa ɗaŋŋal yoŋ ede a ume ombiɗe geŋ me, wo yoŋ Meegá Raa yi wolliyo munɗa wede kʼisiyo ombiɗe me. Iŋkino munɗa wede Raa yi dehu yʼa di tʼele geŋ, kʼa yi tʼooney.»


«Kun tʼokume ye laale a siiɗo ette, kono a eŋ amma ti dibe an tʼooma pay, a eŋ ɗoŋ kʼoogire an di tooka ti ɓoy wo an di sika. Ki too maŋ kun okumo laale a kandaane, a ummey amma ti dibe umbo, a ummey ɗoŋ kʼoogire umbo a-tooka ɓoy wo an di sika me. Ɗerec, a ume wede laalayá yi lekkiyo geŋ, addáʼŋ toŋ aŋgen̰n̰o.»


«Eda kane aa pitila ki tudde. Aame edayá kane bee maŋ, tuddá pay gette adda toore. Wo aame edayá geŋ kane bee ye maŋ, tuddá pay gette adda zimolo. Iŋkino aame toore wede a-dʼede geŋ i tʼize zimolo maŋ, geŋ kee adda zimolo ere dil baa.»


«Wenɗa soo toŋ umbo a aane a naabe ti galmaawi sire me, ise maŋ soŋ yʼa yʼolmiɗa wo yʼa-geyye soo me, wo ise maŋ yʼa di kette ti wede soo me wo soŋ yʼa yi kiigira. Kun kʼaane kun ki ti daane ye, urzi Raa wo urzi soŋko sirwaŋ pay me.»


«Geŋ kono kʼiŋkino nʼun di rooto: Kune a lekkiyaguŋ ulbuguŋ un tʼooɗe ye a urzi kʼomɓo wo a urzi soɓo me, ise a urzi kʼossiyo ere ki tudduguŋ toŋ maŋ. Ki kotto lekkiyaguŋ ere kun lekkiyo ette ti jiire omɓo, wo tudduguŋ ti jiire ossiyo. Kun wollo emɓi, an ki korso ye, an kʼayɗu ye wo an kʼokimso mudu adda giiƴagi ye, wo Meeguguŋ Raa a kandaane yi diʼn moɗɗiyo. Wo kune ki kotto kun i jiire kane geŋ taŋ ɓaadaŋ! Wee wee ti diinaguŋ, ti ulbe kʼooɗiyo wede i-dʼede geŋ, yʼaane yʼa dʼaagila ti keɗise soo onniytagi ɗoŋ ki lekkiyadí a duniya eŋ me?
Wo ɗe ki moo me ulbuguŋ un dʼooɗiyo a ossiyo me? Kun wollo bobbo soole adda balɗa gette, ti dʼohire, ti ki naabiya ye, ti kʼisiyo kallagi ye. Wo kun ollo, nʼun di rooto: Mozigo Salamoŋ toŋ ti laale wede pay i-dʼede geŋ, yi kʼusse ye kalle wede majjaane aakede bobbo soole soo toŋ maŋ. Iŋkino Raa yi-ti yʼossiyo soole wede adda balɗa aŋki kuti kutin̰, wo soggo an tʼoggiyo adda kʼuwwo mendí. Geŋ taŋ miibi a ceere Raa yʼun diʼn osse kune batum me! Ki kotto kune zaapu kʼadduguŋ a Raa baata. Iŋkino maŋ kune ulbuguŋ un tʼooɗe ye, adda kʼadduguŋ kun roote ye: “Ay dʼooma moo me?”, “Ay siɓa moo me?” wo “Ay dʼossa moo me?” me. Sulɗi pay geŋ, daayum iʼni dehutu kane ɗoŋ pay i ki suune Raa soo ɗaŋŋal ye gen̰n̰o. Wo Meeguguŋ Raa a kandaane geŋ, yoŋ yi suune sulɗi geŋ kunʼni dehu a urzi lekkiyaguŋ me. Ki too maŋ kun deho ki poone Moziko Raa wo urzi lekkiyo ere ki diine aa Raa yi dehu, wo saŋ sulɗi pay geŋ yʼun diʼn tʼela kay. Iŋkino maŋ kune ulbuguŋ un tʼooɗe ye a munɗa wede ki soggo me, kono onniyo ere ki soggo gette todʼte tʼonniyatú. Onniyo ere soo dabaratú i-tôwwo kʼettú kʼettú.»

Sikiliza Matiye 6