Kalinga, Butbut for Philippines; 2019 TAP - Non-Drama (NT)

Butbut Kalinga

<div class="version vid2381 iso6393kyb" data-vid="2381" data-iso6393="kyb">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Nan Chatun Nan Osa Nawhayu</div><div class="r">(Mer'us 12:41-44)</div><div class="p"> 1Nallangyanga kus Hesus inilana chanan whawha'nangay mangigkiigka san chatuncha san iigkaan san pila'. 2Kun inilana hos nan osa wha'sigwot gway whayu gway nangigka san chugwa aka pila'. 3Kun anana, &#8220;Tuttuwa iwhaka' an cha'aju gway sa'ad chay wha'sigwot gway nawhayu adachu nan inigkana nu san inigkan chachay uchumay taku. 4Tan sa'ad nan losanay inigkacha sergwan nan pila'cha. Gwon sa'ad chay nawhayu, ta'on nu wha'sigwot as sija inigkana losan nan ahus as i'atakuna.&#8221;</div><div class="s">Nan Nangiwhagan Hesus San Migwa''iyan Nan Templo</div><div class="r">(Mateo 10:17-18; 24:1-14; Mer'us 13:1-13)</div><div class="p"> 5Sa'ad san mangukuukuchan chanan uchumay pasuyutna san mipangkop san Templo gway naeertiyan sasan man'awhawhayuway whatu ja chanan nichatun an Apudyus, anan Hesus, 6&#8220;Sa'ad nannachaja iillanju humu'nag nan chimpuway maid kun osas matchay san whatu gway natuutuun as achi ku mi'uurb.&#8221;</div><div class="s">Nan Likat San Umali Erkaw</div><div class="r">(Mateo 24:3-14; Mer'us 13:3-13)</div><div class="p"> 7Sachi kun inimuscha an Hesus gway manggwana, &#8220;Mistuyu, ma'anu nan ma'gwaan nina ja ngachan nan mangimatunan san humu'nakan nina?&#8221;</div><div class="p"> 8Kun anan Hesus, &#8220;Ammanju ilan tot achi aju paallilaw. Tan angsan nan umali manguser san ngachan'u gway manggwana, &#8216;Sa'on nan Kristu&#8217; ja &#8216;Takangay nan chimpu!&#8217; Achi aju mitunud an chicha. 9Ad nu chongyonju nan mipangkop san kukuwhat ancha kuyu achi aju umogjat tan maserpuway umuna jan ma'gwa nannaja. Gwon wha'on kus sachi ekay nan anungus nan erkaw.&#8221; 10Gwot intuyuyna gway manggwana an chicha, &#8220;Mangwhiwhinnursu nan ailiili ja chanan kuwhilnu san luta. 11Ad humu'nag chanan amod gway kitakita ja uyat san na'aya'ayasiyay ili ja chanan sa'it. Ad agwad nan losanay ayasin nan amod a'oogjat gway maila ad langit.</div><div class="p"> 12&#8220;Gwon chaan ad ma'gwa nannachaja chopapon cha'aju ja palikatan cha'aju. Ipawhijang cha'aju sasan sinagoga ad ingwhayud cha'aju. Miijoy aju sasan ali ja sasan kuwhinnachur kapu san pammatiju an sa'on. 13Ad sachi nan mangiwhaganju an chicha san mipangkop an sa'on. 14Sija nan achi aju umunnuunna manchanag nu ngachan nan isungwhatju. 15Tan whadnga' cha'aju san iwhakaju ja atcha' cha'aju as laing gway achin ku chanan ahursuju lobhong masungwhatan ja masurngasing. 16Uyay pay chanan sinana' an cha'aju, susunudju, chochogkaju ja huhuyunju ipuyangcha cha'aju. Ad nan uchum an cha'aju ipaotoycha. 17Kuyaon cha'aju hos san losanay taku kapu an sa'on. 18Gwon aygwanan cha'aju an Apudyus ad uyay osa sasan huu'ju maid kun mataya'. 19Kapu san inaattomju sachi nan matakuwan nan longagju.</div><div class="s">Nan Nangiwhagan Hesus San Migwa''iyan Nan Jerusalem</div><div class="r">(Mateo 24:15-21; Mer'us 13:14-19)</div><div class="p"> 20&#8220;Sa'ad nu ilanju nan Jerusalem gway pali'gwosan chanan susurchachu akammujuway takangay nan migwa''iyana. 21Ad sa'ad chanan takuway agwad ad Judea maserpu umagwidcha san whibilig. Ad sa'ad chanan agwad san kagwan nan ili maserpu lumajawcha ja sa'ad chanan agwad sasan tayun achicha lumno' san ili. 22Tan sanat nan chimpuway machusaan chanan taku tot ma'gwa nan losanay nilista san Ukud Apudyus. 23Achagchaku chanan mahuki ja chanan mantatakiwhi san sanat gway chimpu. Tan humu'nag nan amod gway likat sannaja luta ja amochay lingun Apudyus sannachaja taku. 24Mapapatoy nan uchum kapu san ispada ad mapyos miwhayud chanan uchum sasan ailiili. Ad nan Jerusalem purson chanan wha'on kus Hudyu ingkanas mampatingkaon Apudyus nan ayobhongan chanan wha'on kus Hudyu.</div><div class="s">Nan Managkulinan Hesus</div><div class="r">(Mateo 24:29-31; Mer'us 13:24-27)</div><div class="p"> 25&#8220;Agwad nan ma'aya'ayasiyay ma'gwa san init, huyan, ancha whituwon. Ad sa'ad ad asna luta malilihu' as amod chanan taku san ailiili ja machanakancha kapu san awhayug nan whaywhay ja napigsa tapiya'na. 26Umapsut chanan taku san ogjatchaay manguullay san ma'gwa san luta tan sa'ad chanan ayobhonganay agwad ad langit majugjug. 27Ad ilancha as sa'onay Ana' nan Taku gway umali gway nangkakagwa san hunot gway anna nan amochay ayobhonga' ja inachajaw'u. 28Ad sa'ad nu malluki nannachaja ma'gwa papigsaonju ja payagsa'onju nan somsomo'ju tan takangay nan matakuwanju.&#8221;</div><div class="s">Nan Maacher San Ajuway Igos</div><div class="r">(Mateo 24:32-35; Mer'us 13:28-31)</div><div class="p"> 29Kun iyagwat Hesus an chicha gway manggwana, &#8220;Ilanju nan aju gway igos ja losanay aju. 30Sa'ad nu sumimit nan tuhucha akammujuway takangay nan chakun. 31Isuna hosay sa'ad nu ilanju gway ma'gwa chana akammujuway takangay nan chimpun nan mantuyajan Apudyus.</div><div class="p"> 32&#8220;Tuttuwa iwhaka' an cha'ajuway sa'ad nannachaja takuway matattaku san sana achicha kun losan matoy ingkanas ma'gwa losan nannachajaay ingwhaka'. 33Sa'ad nan langit ja luta maumas gwon sa'ad nan ukud'u sissija iingkaw.&#8221;</div><div class="s">Maserpu Ma'asakana</div><div class="p"> 34&#8220;Ammanju ilan tot achi aju milumyum san amochay lagyagsa', hutong ja chanan manchanakan san whijag tan maag ad ekay mawhanu'nag nan sanatay erkaw gway isun nan ma'naanju san ilug, mailukan aju. 35Tan humu'nag nan sanatay erkaw san losanay takuway ingkaw san intilu luta. 36Ammanju whantajan nan losanay chimpu, ilugwayuju ta agwad pigsajuway lumisi san losanay ma'gwa ja mawhalinay sumangu aju an sa'on gway Ana' nan Taku.&#8221;</div><div class="p"> 37Chimpun ad nan erkaw mansuyusuyus Hesus san Templo gwon sa'ad nu lawhi umoy massuy san whilig gway ma'gwaniyon Olibu. 38Ad sa'ad chanan taku masasapacha umoy san Templo ta manchongorcha an sija.</div>
 </div>
 </div>
</div>

Nallangyanga kus Hesus inilana chanan whawha'nangay mangigkiigka san chatuncha san iigkaan san pila'. Kun inilana hos nan osa wha'sigwot gway whayu gway nangigka san chugwa aka pila'. Kun anana, “Tuttuwa iwhaka' an cha'aju gway sa'ad chay wha'sigwot gway nawhayu adachu nan inigkana nu san inigkan chachay uchumay taku. Tan sa'ad nan losanay inigkacha sergwan nan pila'cha. Gwon sa'ad chay nawhayu, ta'on nu wha'sigwot as sija inigkana losan nan ahus as i'atakuna.”


Sa'ad san mangukuukuchan chanan uchumay pasuyutna san mipangkop san Templo gway naeertiyan sasan man'awhawhayuway whatu ja chanan nichatun an Apudyus, anan Hesus, “Sa'ad nannachaja iillanju humu'nag nan chimpuway maid kun osas matchay san whatu gway natuutuun as achi ku mi'uurb.”


Sachi kun inimuscha an Hesus gway manggwana, “Mistuyu, ma'anu nan ma'gwaan nina ja ngachan nan mangimatunan san humu'nakan nina?”
Kun anan Hesus, “Ammanju ilan tot achi aju paallilaw. Tan angsan nan umali manguser san ngachan'u gway manggwana, ‘Sa'on nan Kristu’ ja ‘Takangay nan chimpu!’ Achi aju mitunud an chicha. Ad nu chongyonju nan mipangkop san kukuwhat ancha kuyu achi aju umogjat tan maserpuway umuna jan ma'gwa nannaja. Gwon wha'on kus sachi ekay nan anungus nan erkaw.” Gwot intuyuyna gway manggwana an chicha, “Mangwhiwhinnursu nan ailiili ja chanan kuwhilnu san luta. Ad humu'nag chanan amod gway kitakita ja uyat san na'aya'ayasiyay ili ja chanan sa'it. Ad agwad nan losanay ayasin nan amod a'oogjat gway maila ad langit.
“Gwon chaan ad ma'gwa nannachaja chopapon cha'aju ja palikatan cha'aju. Ipawhijang cha'aju sasan sinagoga ad ingwhayud cha'aju. Miijoy aju sasan ali ja sasan kuwhinnachur kapu san pammatiju an sa'on. Ad sachi nan mangiwhaganju an chicha san mipangkop an sa'on. Sija nan achi aju umunnuunna manchanag nu ngachan nan isungwhatju. Tan whadnga' cha'aju san iwhakaju ja atcha' cha'aju as laing gway achin ku chanan ahursuju lobhong masungwhatan ja masurngasing. Uyay pay chanan sinana' an cha'aju, susunudju, chochogkaju ja huhuyunju ipuyangcha cha'aju. Ad nan uchum an cha'aju ipaotoycha. Kuyaon cha'aju hos san losanay taku kapu an sa'on. Gwon aygwanan cha'aju an Apudyus ad uyay osa sasan huu'ju maid kun mataya'. Kapu san inaattomju sachi nan matakuwan nan longagju.


“Sa'ad nu ilanju nan Jerusalem gway pali'gwosan chanan susurchachu akammujuway takangay nan migwa''iyana. Ad sa'ad chanan takuway agwad ad Judea maserpu umagwidcha san whibilig. Ad sa'ad chanan agwad san kagwan nan ili maserpu lumajawcha ja sa'ad chanan agwad sasan tayun achicha lumno' san ili. Tan sanat nan chimpuway machusaan chanan taku tot ma'gwa nan losanay nilista san Ukud Apudyus. Achagchaku chanan mahuki ja chanan mantatakiwhi san sanat gway chimpu. Tan humu'nag nan amod gway likat sannaja luta ja amochay lingun Apudyus sannachaja taku. Mapapatoy nan uchum kapu san ispada ad mapyos miwhayud chanan uchum sasan ailiili. Ad nan Jerusalem purson chanan wha'on kus Hudyu ingkanas mampatingkaon Apudyus nan ayobhongan chanan wha'on kus Hudyu.


“Agwad nan ma'aya'ayasiyay ma'gwa san init, huyan, ancha whituwon. Ad sa'ad ad asna luta malilihu' as amod chanan taku san ailiili ja machanakancha kapu san awhayug nan whaywhay ja napigsa tapiya'na. Umapsut chanan taku san ogjatchaay manguullay san ma'gwa san luta tan sa'ad chanan ayobhonganay agwad ad langit majugjug. Ad ilancha as sa'onay Ana' nan Taku gway umali gway nangkakagwa san hunot gway anna nan amochay ayobhonga' ja inachajaw'u. Ad sa'ad nu malluki nannachaja ma'gwa papigsaonju ja payagsa'onju nan somsomo'ju tan takangay nan matakuwanju.”


Kun iyagwat Hesus an chicha gway manggwana, “Ilanju nan aju gway igos ja losanay aju. Sa'ad nu sumimit nan tuhucha akammujuway takangay nan chakun. Isuna hosay sa'ad nu ilanju gway ma'gwa chana akammujuway takangay nan chimpun nan mantuyajan Apudyus.
“Tuttuwa iwhaka' an cha'ajuway sa'ad nannachaja takuway matattaku san sana achicha kun losan matoy ingkanas ma'gwa losan nannachajaay ingwhaka'. Sa'ad nan langit ja luta maumas gwon sa'ad nan ukud'u sissija iingkaw.”

“Ammanju ilan tot achi aju milumyum san amochay lagyagsa', hutong ja chanan manchanakan san whijag tan maag ad ekay mawhanu'nag nan sanatay erkaw gway isun nan ma'naanju san ilug, mailukan aju. Tan humu'nag nan sanatay erkaw san losanay takuway ingkaw san intilu luta. Ammanju whantajan nan losanay chimpu, ilugwayuju ta agwad pigsajuway lumisi san losanay ma'gwa ja mawhalinay sumangu aju an sa'on gway Ana' nan Taku.”
Chimpun ad nan erkaw mansuyusuyus Hesus san Templo gwon sa'ad nu lawhi umoy massuy san whilig gway ma'gwaniyon Olibu. Ad sa'ad chanan taku masasapacha umoy san Templo ta manchongorcha an sija.

Sikiliza Lukas 21