Romblomanon: Bag-o nga Kasugtanan (New Testament)

Bag-o nga Kasugtanan

<div class="version vid2244 iso6393rol" data-vid="2244" data-iso6393="rol">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Si Hesus ang Hambay kag ang Kahayag</div><div class="p"> 1Bago pa nagtun&#224; ang tanan, yar&#224; na ang ginatawag nga Hambay#1:1 Ang Hambay hay bukon boses kund&#236; persona. Ini hay si Hesus kag ang gusto hambayon siya hay ang bilog nga mensahe ng Dios (1:14, Pahayag 19:13).. Ini nga Hambay hay kaibahan na ng Dios kag ang Hambay mismo hay Dios. 2Kaibahan siya ng Dios bago pa magtun&#224; ang tanan. 3Ang tanan nga butang nahuman paagi sa iya kag way&#224; mahuman ang mga nahuman kung bukon siya. 4Siya ang ginghalinan ng matuod nga kabuh&#236;. Ini nga kabuh&#236; hay kahayag. Paagi diri, maiintindihan ng mga tawo ang kamatuuran. 5Siya hay nagahayag pareho ng iwag sa kaduyom kag way&#224; gid napeperdi ng kaduyom ang kahayag.</div><div class="p"> 6Igwa ning tawo nga ang pangayan hay Juan#1:6 Ini nga Juan hay ang miyugbawtismo, bukon si Juan nga apostol nga nagsulat ng ini nga libro. nga gingsug&#242; ng Dios. 7Gingsug&#242; siya para magpamatuod parti sa kahayag nga nagkari sa kalibutan, agud ang tanan hay magtuo tungod sa iya pamatuod. 8Bukon si Juan ang kahayag, pero gingsug&#242; siya para magpamatuod parti sa ini nga kahayag. 9Si Hesus ang matuod nga kahayag nga nagaabot sa kalibutan para mahayagan ang mga tawo agud maintindihan ang kamatuuran.</div><div class="p"> 10Nag-abot gid siya sa kalibutan, pero aber natuga ang kalibutan paagi sa iya, way&#224; siya gingkilay-a ng mga tawo kung sin-o siya. 11Nagkari siya sa kaugalingon niya nga nasyon, pero way&#224; siya gingbatuna ng kadamuan. 12Pero ang tanan nga nagbaton kag nagtuo sa iya hay gingtaw-an niya ning pribilihiyo nga maging mga ung&#224; ng Dios. 13Nahuman sinda nga mga ung&#224; ng Dios bukon paagi sa tawhanon, o sa kagustuhan ng lawas, o sa kagustuhan ng mag-asawa, kund&#236; paagi sa kabubut-on ng Dios.</div><div class="p"> 14Ang ginatawag nga Hambay, siya hay naging tawo kag nag-istar diri sa kalibutan kaibahan naton. Maluluy-on gid siya kag matuod gid ang tanan nga iya ginahambay. Nakit&#224; namon ang iya gahom kag kahayag bilang bugtong nga Ung&#224; halin sa Dios nga Amay.</div><div class="p"> 15Nagpamatuod si Juan sa mga tawo, &#8220;Imaw ini ang akon gusto hambayon nang ginghambay ko, &#8216;May isa ka tawo nga kasunod ko nga maabot. Mas importante siya kaysa sa akon kay bago pa ako natawo, yar&#224; na siya.&#8217; &#8221;</div><div class="p"> 16Tungod sa iya madak&#242; nga paghigugm&#224;, padayon gid kita tanan nga nakabaton ng abunda nga pagpakamaayo. 17Ang Kasuguan hay gingtao ng Dios paagi kay Moises, pero ang pagpakamaayo kag kamatuuran hay gingpasayod sa aton paagi kay Hesu-Kristo. 18Way&#224; gid ning bisan sin-o nga nakakit&#224; sa Dios. Pero gingpakilaya siya sa aton ng iya bugtong nga Ung&#224;. Siya mismo hay Dios nga malapit sa tagipusuon ng iya Amay.</div><div class="s">Ang Pagpamatuod ni Juan nga Miyugbawtismo parti kay Hesus</div><div class="r"> Mateo 3:1-12; Marcos 1:1-8; Lucas 3:1-18</div><div class="p"> 19Isa ka adlaw, ang mga miyugdumaya ng mga Judio hay nagsug&#242; ng mga par&#236; kag mga Levita* halin sa Jerusalem para pangutan-on si Juan kung sin-o siya. Naghambay sinda, &#8220;Sin-o ka?&#8221; 20Way&#224; si Juan nagbalibad kund&#236; nagsabat ning matuod, &#8220;Bukon ako ang Kristo* nga indo ginahuyat.&#8221;</div><div class="p"> 21Ngan&#236; gingpangutana ninda siya liwat, &#8220;Kung imaw in&#224;, sin-o ka? Ikaw ba si Elias?&#8221;</div><div class="p">Nagsabat si Juan, &#8220;Bukon.&#8221;</div><div class="p">Kag nagpangutana pa gid sinda, &#8220;Ikaw ba ang propeta* nga magaabot?&#8221;</div><div class="p">Nagsabat siya, &#8220;Bukon!&#8221;</div><div class="p"> 22Ngan&#236; gingpangutana pa gid ninda siya, &#8220;Sin-o ka gid gal&#236;? Balitai kami agud may maisabat da kami sa mga nagsug&#242; sa amon. Ano ang mahahambay mo parti sa imo kaugalingon?&#8221;</div><div class="p"> 23Nagsabat siya, &#8220;Ako adto ang ginghambay ni Propeta Isaias, &#8216;May magasinggit sa tiway nga lugar, &#8220;Tadlunga nindo ang agihan kay maabot ang Ginoo.&#8221; &#8217; &#8221;#Isaias 40:3</div><div class="p"> 24Ngan&#236; ang mga gingsug&#242; ng mga Pariseo* 25nagpangutana liwat, &#8220;Kung bukon ikaw ang Kristo, o si Elias, o ang propeta, bas&#236; nagabawtismo ka?&#8221;</div><div class="p"> 26Nagsabat si Juan, &#8220;Ako hay nagabawtismo sa tub&#236;, pero may kaibahan kamo niyan nga way&#224; nindo nakikilaya kung sin-o siya. 27Siya ang ginahambay ko nga maabot masunod sa akon. Kag ind&#236; gid ako angay aber magbaskad ng higot ng iya sandalyas.&#8221; 28Natab&#242; ini didto sa lugar ng Betania sa kabuak ng Sub&#224; ng Jordan kung sa diin si Juan nagabawtismo.</div><div class="s">Si Hesus ang Kordero ng Dios</div><div class="p"> 29Nang masunod nga adlaw, nakit&#224; ni Juan si Hesus nga nagapalapit sa iya; ngan&#236; naghambay siya, &#8220;Tan-awa! Yari na ang Kordero ng Dios nga halad* agud mapatawad ang kasal-anan ng mga tawo. 30Imaw ini ang akon ginghambay dati sa indo, &#8216;May isa ka tawo nga magaabot masunod sa akon nga mas importante kaysa sa akon, kay bago pa ako natawo, yar&#224; na siya.&#8217; 31Nang una, aber ako mismo hay way&#224; nakakakilaya sa iya kung sin-o gid siya, pero ang rason kung bas&#236; nagabawtismo ako hay agud ipakilaya siya sa indo nga mga taga-Israel.&#8221;</div><div class="p"> 32Kag imaw ini ang gingpamatuod ni Juan, &#8220;Nakit&#224; ko ang Espiritu Santo nga daw salampati nga nagabab&#224; pakadto sa iya halin sa langit kag nagtinir sa iya. 33Aber ako mismo hay way&#224; nakakakilaya sa iya, pero ang Dios nga nagsug&#242; sa akon nga magbawtismo sa tub&#236; ang naghambay sa akon, &#8216;Ang makitaan mo nga babaan kag tiniran ng Espiritu, siya ang magabawtismo sa Espiritu Santo.&#8217; 34Kag nakit&#224; ko gid ini. Ngan&#236; ginapamatuuran ko nga si Hesus ang Ung&#224; ng Dios.&#8221;</div><div class="s">Ang Una nga mga Disipulo ni Hesus</div><div class="p"> 35Nang masunod nga adlaw, mintras nagatindog si Juan nga Miyugbawtismo kaibahan ang duha sa iya mga disipulo, 36nakit&#224; niya si Hesus nga nagaagi. Kag naghambay si Juan, &#8220;Tan-awa nindo, ang Kordero ng Dios!&#8221; 37Pagkabat&#236; ini ng duha nga disipulo, adto nga daan nagsunod sinda kay Hesus.</div><div class="p"> 38Naglingig si Hesus kag nakit&#224; niya nga nagasunod sinda, ngan&#236; nagpangutana siya, &#8220;Ano ang indo kahinangyan?&#8221;</div><div class="p">Nagsabat sinda, &#8220;Rabi, sa diin ikaw nagadayon?&#8221; (Ang gusto hambayon ng Rabi hay Maestro.)</div><div class="p"> 39Nagsabat si Hesus, &#8220;Kari, agud makit&#224; nindo.&#8221; Mga alas kwatro na adto ng hapon nang nagkadto sinda kaibahan siya. Ngan&#236; nagtinir sinda didto hasta magab-i.</div><div class="p"> 40Isa sa duha nga nakabat&#236; sa ginghambay ni Juan kag nagsunod kay Hesus, hay si Andres nga manghod ni Simon Pedro. 41Ang una nga ginghuman ni Andres hay gingpangit&#224; niya si Simon kag gingbalitaan, &#8220;Nakit&#224; namon ang Mesias!&#8221; (Ang gusto hambayon hay Kristo*.) 42Kag gingdaya niya si Simon kay Hesus. Gingsir&#242; siya ni Hesus kag ginghambay, &#8220;Ikaw si Simon nga ung&#224; ni Juan. Pero niyan pagatawagon ka nga Cefas.&#8221; (Ang Cefas hay pareho da sa pangayan nga Pedro.)#1:42 Ang Petros o Pedro hay pangayan sa Griego, ang Cefas hay sa hambay nga Aramaic, nga pareho ang gusto hambayon, bato.</div><div class="s">Ang Pagpil&#236; ni Hesus kana Felipe kag Natanael</div><div class="p"> 43Nang masunod nga adlaw nagdesisyon si Hesus nga magkadto sa lugar ng Galilea. Didto nakit&#224; niya si Felipe kag ginghambayan niya, &#8220;Magsunod ka agud maging disipulo ko.&#8221; 44Si Felipe hay taga-Betsaida, nga banwa da nina Andres kag Pedro. 45Gingpangit&#224; ni Felipe si Natanael kag ginghambayan niya, &#8220;Nakit&#224; na namon ang tawo nga ginghambay sa Kasuguan ni Moises kag sa mga gingsulat ng mga propeta. Siya gal&#236; hay si Hesus nga taga-Nazaret, ang ung&#224; ni Jose.&#8221; 46Naghambay si Natanael, &#8220;Nazaret! Igwa ba ar&#224; ning maayo nga magahalin didto?&#8221; Sabat naman ni Felipe, &#8220;Nunot anay sa akon agud makit&#224; mo.&#8221;</div><div class="p"> 47Pagkakit&#224; ni Hesus kay Natanael nga nagapalapit sa iya, hambay ni Hesus, &#8220;Sirua, yari ang matuod nga Israelita, nga bukon maday&#224;.&#8221; 48Nagpangutana si Natanael, &#8220;Pauno mo ako nakilaya?&#8221; Nagsabat si Hesus, &#8220;Bago pa ikaw gingtawag ni Felipe, nakit&#224; ko na ikaw nga nagapungk&#242; sa idayom ng pun&#242; ng igos*.&#8221; 49Naghambay si Natanael, &#8220;Maestro, ikaw gida ang Ung&#224; ng Dios! Ikaw ang Har&#236; ng Israel nga amon ginahuyat!&#8221; 50Naghambay si Hesus, &#8220;Nagatuo ka kay ginghambay ko nga nakit&#224; ko ikaw sa idayom ng pun&#242; ng igos*. Pero mas makatitingaya pa ang mga butang kaysa diri ang imo makikit&#224;.&#8221; 51Kag hambay pa gid ni Hesus sa inda, &#8220;Sa matuod lang ginahambay ko sa indo, makikit&#224; nindo ang langit nga bukas kag ang mga anghel ng Dios nga nagasinak&#224; kag nagapinanaog paagi sa akon nga Ung&#224; ng Tawo*.&#8221;</div>
 </div>
 </div>
</div>

Bago pa nagtunà ang tanan, yarà na ang ginatawag nga Hambay. Ini nga Hambay hay kaibahan na ng Dios kag ang Hambay mismo hay Dios. Kaibahan siya ng Dios bago pa magtunà ang tanan. Ang tanan nga butang nahuman paagi sa iya kag wayà mahuman ang mga nahuman kung bukon siya. Siya ang ginghalinan ng matuod nga kabuhì. Ini nga kabuhì hay kahayag. Paagi diri, maiintindihan ng mga tawo ang kamatuuran. Siya hay nagahayag pareho ng iwag sa kaduyom kag wayà gid napeperdi ng kaduyom ang kahayag.
Igwa ning tawo nga ang pangayan hay Juan nga gingsugò ng Dios. Gingsugò siya para magpamatuod parti sa kahayag nga nagkari sa kalibutan, agud ang tanan hay magtuo tungod sa iya pamatuod. Bukon si Juan ang kahayag, pero gingsugò siya para magpamatuod parti sa ini nga kahayag. Si Hesus ang matuod nga kahayag nga nagaabot sa kalibutan para mahayagan ang mga tawo agud maintindihan ang kamatuuran.
Nag-abot gid siya sa kalibutan, pero aber natuga ang kalibutan paagi sa iya, wayà siya gingkilay-a ng mga tawo kung sin-o siya. Nagkari siya sa kaugalingon niya nga nasyon, pero wayà siya gingbatuna ng kadamuan. Pero ang tanan nga nagbaton kag nagtuo sa iya hay gingtaw-an niya ning pribilihiyo nga maging mga ungà ng Dios. Nahuman sinda nga mga ungà ng Dios bukon paagi sa tawhanon, o sa kagustuhan ng lawas, o sa kagustuhan ng mag-asawa, kundì paagi sa kabubut-on ng Dios.
Ang ginatawag nga Hambay, siya hay naging tawo kag nag-istar diri sa kalibutan kaibahan naton. Maluluy-on gid siya kag matuod gid ang tanan nga iya ginahambay. Nakità namon ang iya gahom kag kahayag bilang bugtong nga Ungà halin sa Dios nga Amay.
Nagpamatuod si Juan sa mga tawo, “Imaw ini ang akon gusto hambayon nang ginghambay ko, ‘May isa ka tawo nga kasunod ko nga maabot. Mas importante siya kaysa sa akon kay bago pa ako natawo, yarà na siya.’ ”
Tungod sa iya madakò nga paghigugmà, padayon gid kita tanan nga nakabaton ng abunda nga pagpakamaayo. Ang Kasuguan hay gingtao ng Dios paagi kay Moises, pero ang pagpakamaayo kag kamatuuran hay gingpasayod sa aton paagi kay Hesu-Kristo. Wayà gid ning bisan sin-o nga nakakità sa Dios. Pero gingpakilaya siya sa aton ng iya bugtong nga Ungà. Siya mismo hay Dios nga malapit sa tagipusuon ng iya Amay.


Isa ka adlaw, ang mga miyugdumaya ng mga Judio hay nagsugò ng mga parì kag mga Levita* halin sa Jerusalem para pangutan-on si Juan kung sin-o siya. Naghambay sinda, “Sin-o ka?” Wayà si Juan nagbalibad kundì nagsabat ning matuod, “Bukon ako ang Kristo* nga indo ginahuyat.”
Nganì gingpangutana ninda siya liwat, “Kung imaw inà, sin-o ka? Ikaw ba si Elias?”
Nagsabat si Juan, “Bukon.”
Kag nagpangutana pa gid sinda, “Ikaw ba ang propeta* nga magaabot?”
Nagsabat siya, “Bukon!”
Nganì gingpangutana pa gid ninda siya, “Sin-o ka gid galì? Balitai kami agud may maisabat da kami sa mga nagsugò sa amon. Ano ang mahahambay mo parti sa imo kaugalingon?”
Nagsabat siya, “Ako adto ang ginghambay ni Propeta Isaias, ‘May magasinggit sa tiway nga lugar, “Tadlunga nindo ang agihan kay maabot ang Ginoo.” ’ ”
Nganì ang mga gingsugò ng mga Pariseo* nagpangutana liwat, “Kung bukon ikaw ang Kristo, o si Elias, o ang propeta, basì nagabawtismo ka?”
Nagsabat si Juan, “Ako hay nagabawtismo sa tubì, pero may kaibahan kamo niyan nga wayà nindo nakikilaya kung sin-o siya. Siya ang ginahambay ko nga maabot masunod sa akon. Kag indì gid ako angay aber magbaskad ng higot ng iya sandalyas.” Natabò ini didto sa lugar ng Betania sa kabuak ng Subà ng Jordan kung sa diin si Juan nagabawtismo.

Nang masunod nga adlaw, nakità ni Juan si Hesus nga nagapalapit sa iya; nganì naghambay siya, “Tan-awa! Yari na ang Kordero ng Dios nga halad* agud mapatawad ang kasal-anan ng mga tawo. Imaw ini ang akon ginghambay dati sa indo, ‘May isa ka tawo nga magaabot masunod sa akon nga mas importante kaysa sa akon, kay bago pa ako natawo, yarà na siya.’ Nang una, aber ako mismo hay wayà nakakakilaya sa iya kung sin-o gid siya, pero ang rason kung basì nagabawtismo ako hay agud ipakilaya siya sa indo nga mga taga-Israel.”
Kag imaw ini ang gingpamatuod ni Juan, “Nakità ko ang Espiritu Santo nga daw salampati nga nagababà pakadto sa iya halin sa langit kag nagtinir sa iya. Aber ako mismo hay wayà nakakakilaya sa iya, pero ang Dios nga nagsugò sa akon nga magbawtismo sa tubì ang naghambay sa akon, ‘Ang makitaan mo nga babaan kag tiniran ng Espiritu, siya ang magabawtismo sa Espiritu Santo.’ Kag nakità ko gid ini. Nganì ginapamatuuran ko nga si Hesus ang Ungà ng Dios.”

Nang masunod nga adlaw, mintras nagatindog si Juan nga Miyugbawtismo kaibahan ang duha sa iya mga disipulo, nakità niya si Hesus nga nagaagi. Kag naghambay si Juan, “Tan-awa nindo, ang Kordero ng Dios!” Pagkabatì ini ng duha nga disipulo, adto nga daan nagsunod sinda kay Hesus.
Naglingig si Hesus kag nakità niya nga nagasunod sinda, nganì nagpangutana siya, “Ano ang indo kahinangyan?”
Nagsabat sinda, “Rabi, sa diin ikaw nagadayon?” (Ang gusto hambayon ng Rabi hay Maestro.)
Nagsabat si Hesus, “Kari, agud makità nindo.” Mga alas kwatro na adto ng hapon nang nagkadto sinda kaibahan siya. Nganì nagtinir sinda didto hasta magab-i.
Isa sa duha nga nakabatì sa ginghambay ni Juan kag nagsunod kay Hesus, hay si Andres nga manghod ni Simon Pedro. Ang una nga ginghuman ni Andres hay gingpangità niya si Simon kag gingbalitaan, “Nakità namon ang Mesias!” (Ang gusto hambayon hay Kristo*.) Kag gingdaya niya si Simon kay Hesus. Gingsirò siya ni Hesus kag ginghambay, “Ikaw si Simon nga ungà ni Juan. Pero niyan pagatawagon ka nga Cefas.” (Ang Cefas hay pareho da sa pangayan nga Pedro.)

Nang masunod nga adlaw nagdesisyon si Hesus nga magkadto sa lugar ng Galilea. Didto nakità niya si Felipe kag ginghambayan niya, “Magsunod ka agud maging disipulo ko.” Si Felipe hay taga-Betsaida, nga banwa da nina Andres kag Pedro. Gingpangità ni Felipe si Natanael kag ginghambayan niya, “Nakità na namon ang tawo nga ginghambay sa Kasuguan ni Moises kag sa mga gingsulat ng mga propeta. Siya galì hay si Hesus nga taga-Nazaret, ang ungà ni Jose.” Naghambay si Natanael, “Nazaret! Igwa ba arà ning maayo nga magahalin didto?” Sabat naman ni Felipe, “Nunot anay sa akon agud makità mo.”
Pagkakità ni Hesus kay Natanael nga nagapalapit sa iya, hambay ni Hesus, “Sirua, yari ang matuod nga Israelita, nga bukon madayà.” Nagpangutana si Natanael, “Pauno mo ako nakilaya?” Nagsabat si Hesus, “Bago pa ikaw gingtawag ni Felipe, nakità ko na ikaw nga nagapungkò sa idayom ng punò ng igos*.” Naghambay si Natanael, “Maestro, ikaw gida ang Ungà ng Dios! Ikaw ang Harì ng Israel nga amon ginahuyat!” Naghambay si Hesus, “Nagatuo ka kay ginghambay ko nga nakità ko ikaw sa idayom ng punò ng igos*. Pero mas makatitingaya pa ang mga butang kaysa diri ang imo makikità.” Kag hambay pa gid ni Hesus sa inda, “Sa matuod lang ginahambay ko sa indo, makikità nindo ang langit nga bukas kag ang mga anghel ng Dios nga nagasinakà kag nagapinanaog paagi sa akon nga Ungà ng Tawo*.”

Sikiliza Juan 1