Луԛа Пешготьн
Пешготьн
Луԛа йәки йунани дохтор (һʼәким) у дирокзан (тʼарихзан) бу. Әви тʼәви Паԝлос гәләки рʼеԝити кьрийә (Фьлимон 24; Колоси 4:14; Тимотʼейо II, 4:11) у нава шьхӧле шандитийа Паԝлосда жи гәләки аликʼарийа ԝи кьрийә.
Бь фькьра гәләк зана әва Мьзгинийа незики сала 80-и һатийә ньвисаре, щики нәәʼйан жь Фьльстине дәр.
Дәстпебуна кʼьтебеда дәрһәԛа буйина Йуһʼәннайе ньхӧмдар, мьзгинийа буйина Иса у шькьрдайина чәнд мәрьвада ньвисар ә, кʼижана һатьна Исайә жь Хԝәдеда дьданә кʼьфше. Ве Мьзгинийеда бона әʼмьре Иса һе гәләки дьбежә, жь буйина Йуһʼәннайе ньхӧмдар гьрти һʼәта жь нав мьрийа рʼабуна Иса. Луԛа хԝәстийә дәрһәԛа әʼмьре Исада бь һур-гьли бьньвисә. Пәй мьрьн-рʼабуна ԝирʼа Луԛа дәрһәԛа бәлабуна Мьзгинийеда кʼьтеба «Кʼаред Шандийа» ньвисийә.
«Мьзгинийа ль гора Луԛа» әʼйан дькә кӧ Иса чаԝа Хьлазкьре создайи бона Исраеле жь Хԝәдеда шанди йә у ӧса жи Хьлазкьре һʼәму мәрьва йә. Әва Мьзгинийа бь тьһәрәки башԛә һʼьзкьрьна Хԝәде дьдә кʼьфше, илаһи һьндава мәрьвед шкәстида. Гәләка наве ве мьзгинийе данийә: «Мьзгинийа бона гӧнәкʼара, шкәстийа, бәләнгаза, бехԝәйа, жьнәбийа у хәриба».
Ве Мьзгинийеда фькьра «шабун у шькьрдайине» жи һәйә, илаһи сәрийед пешьнда, кӧ ль сәр әʼламкьрьна һатьна Иса дьньвисә. Чәнд кʼӧламед шькьрдайине жи вьра һәнә у хԝәденаса гәләк ԛӧрʼнада бь ван кʼӧлама һʼәбандьна хԝә дәрбаз кьрьнә. Мәсәлә, кʼӧлама мьлйакʼәта (2:14), йа Мәрйәме (1:46-55), йа Зәкәрийа (1:68-79) у йа Шьмһʼун (2:29-32). Хьлазийа кʼьтебеда жи нета шабуне кʼьфш дьбә, ль кʼӧ Иса дьчә әʼзмен у йед ль пәй Иса пʼарьстгәһеда дьщьвьн, шькьрийа хԝә дьдьнә Хԝәде (24:52-53).
Һьнәк пʼаред бәрбьчʼәʼв жи әԝ ьн, кӧ чәнд сәрһати у мәсәлә тʼәне ве мьзгинийеда һәнә. Аԝа мәсәлә: Кʼӧлама мьлйакʼәта, дәма буйина Иса, һазьрийа шьвана, Исайе донздәһ сали пʼарьстгәһеда, мәсәла «кӧрʼе ӧндабуйи у бьре ԝи», тʼобәкьрьна ԛачахәки сәр хаче у тьштед майин.
Сәрәщәма фькьра кʼьтебе
Пешготьна Луԛа (1:1-4)
Буйина Йуһʼәннайе ньхӧмдар, буйина Иса у зарʼотийа ԝан (1:5–2:52)
Ԛӧльхе Йуһʼәннайе ньхӧмдар (3:1-20)
Ньхӧмандьн у щерʼьбандьна Иса (3:21–4:13)
Даннасини у шьхӧлед Исайә ль Щәлиледа (4:14–9:50)
Рʼийа Исайә жь Щәлиле һʼәта Оршәлиме (9:51–19:27)
Һʼәфтийа Исайә хьлазийе ль Оршәлиме у дор-бәред ԝеда (19:28–23:56)
Рʼабуна Исайә жь мьрьне, хӧйабуна Ԝи шагьртава у жорһьлатьна Ԝи (24:1-53)
Nu markerat:
Луԛа Пешготьн: KmrNTC
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© Институт перевода Библии, 2000, 2011