Populära bibelverser från Tavaꞌu 32

Dela

Xe anu itema ne muavuti la muvikalanu Iakovo, “Tava'u xo ngingi ngongou Lataua nge'oto mo ngongi'a ta mitema kalumo la nini netaloxolixa'a, la ualasine lexe Iakovo ne usu'a, ia ualasine lexe Isilaeli.”

Xe itema ne muavuti la muvikalanu Iakovo aloxo 'o, “Naxexeenu avone mo eni alai xo anu asou lamana ukea.” Iakovo muavuti la muvikalanu aloxo 'o, “Eni umomomo sou eni axexeenu avolo uasi. Lexe nini naalusilo 'o, la sou eni axexee avolo.”

ia anusisi muxoxoo ne, xe no 'olovoxo la itema vile mune'e muxali noxou sou ilou mi'oto. Ilou mi'oto xoo mole lamana mukea.

Xe Iakovo muavuti la muvikala lexe, “Vaimomo 'o eni emaisou Lataua iou, ia eni asoli uasi.” La sou mumoxo'u lia xalee se ane ne, lexe Penuelu.

Xe itema ne muxamuli loxo 'o la anu a xavixavinu ua, xe muavuti la mu'otunu Iakovo tanga'u no avolu la tanga'u muxatele.

Xe anu itema ne, muavuti la mutali'isou Iakovo aloxo 'o, “Ualasine loxovaa?” Xe Iakovo muavuti la mukolinu lexe, “Eni ualasilo lexe Iakovo.”

Iakovo muxiu vaxa la mutali'isou itema ne lexe, “Nini ualasine 'ena'ei? Nalemolu noxilo.” La anu itema ne, mukolinu lexe, “Tava'u loxovaa la nini nemasaxa lexe nalavusou ualasilo?” Xe muavuti la mualusou Iakovo.

Lataua eni amitema sou xaixai noxine. Ia eni amitema vile laixe uasi. Ia nini tanenixo la ne'oxo laixe noxilosi. No voxo ane eni exisa'isie lexa Ioridani sou elai exoo noxou Lavani ne, la ano'u mii vile no avolo sou elai ne uasi. Vilaxoxosi 'a ane eni enono'u sou evilaxoxu. Ia ane 'o ne, eni ane alivu une'e 'o noxi'a ta mitema xuxulusi'a tamei 'o.

La sou musoko ane tatei ne mole ane mune'e mutalo vaimomo 'o ne, Iakovo ta 'olu'olu ilo'a ta xasoxasou mo ta 'ilusulusunu ne i'ou mii xiasinu no texesou 'o uasi xo itema e ane'i ilou mi'oto, la mu'otunu ane no tanga'u ne.

Xe muavuti la mukilaka aloxo 'o, “Lataua noxou Avalaamu, eni xasilo mo nini Lataua noxou Aisaki, eni mamilo, nalomusou linga noxilo. IAUE, nini nevikalaleli lexe eni alivu ulai noxi'a ta milemileli no tualasilo ne, la nini naalusilo sou eni axali itema sou lavuluti.

Eni alingaine lexe nini nasu'ulileli mo sou mamu vivilo Esau une'e ualivulanexi. Eni amama'u misevile xo loxo io anu une'e usokou 'oto'oto vile, la uvexevexe ukalusi, la uve'a ta sema ilo'a ta 'ili'ili'a 'o kalumo.