Populära bibelverser från Matɨyu 2

Dela

Sɨmeho wopɨngo umo'nɨngkahonɨngki hofɨko ango homo somo noswontɨfi hwomu kona'wohi Maliya'nji siko'inta'imo uhwonɨmentohofofoho. Nuhwonontɨfi hwomtame ulohofontɨfi kakoe yofe ho'noma'mentohofofoho. Hofɨkoe ipofo nofijontɨfi yo'mayo wonyoangkafo hamniyoho engo mpe iyo so'no uyɨmentohofofoho. Sojo wonyoangkafo so'nji nom'neso hwamno pa'nyo akino wopɨngo'ne so'nji hwone mijo wonyohofiyo'nji uyɨmentohofofoho.

Hwe yofe engo'njo Helout kako hwaho Jutiya mokosyohumamojo sohonta oso hwaho ango Mpetɨlehem sopo Maliya Jisasɨmo aswo ma'mentisofoho. Hwangku sohonta a'amu temtitofo kengo mta'ango fihwa hofɨko hwaho mofehi'nyo sɨ'mofapiso mta'ango sohwa hntokwaliyo uhwonontɨfi huno engo tɨpema'mentohofo sohwa Jelusalem si'mofapontɨfi a'amu sohwamo ulɨmentohofi, Mehomi milongo a'amu Jutafe hwe yofe engo'njo hwaho mokosyohumayo'ne sohwo imo'nɨngkohoho. Oso huhwo sohwo ntɨ'mo humaho. Kakoe sɨkuno imo'nyo'ne so'no hntokwaliyo mofehi'nyo sɨ'mofapiso sohohnta'ni ahwomo somo uhwonontani nakwo kakine'no hwomtame ulohofo'ne pɨhwono.

Hofɨko hntokwaliyo hiso uhwonontɨfi yomo yontɨfi sɨmeho wopɨngo umo'nɨmentisofoho.

Oso hohosohonta hofɨko wojo honɨngkanɨmentohofoso Anɨtu ulɨmento, Sekwo Heloutɨyepono asomo nukutoho. Ose honɨngkanontɨfi hofɨko honɨngkano nom'nemo ikitokwawentɨfi hofɨkoe angopono umentohofofoho. Nohumpeehonɨngkofi Jousep huhwo kako wojo honɨngkanɨmentisoso a'amu ahwomo mta'ango Jousepɨmo u'manto ulɨmento, Kɨko hwomu'nji kona'wohi'nji nomahoji hwaho Ijipmne'no hiyaso motawe. Ijip sopo nohumentanɨngkiji nom'ne ango sopone'no hano iyo so'no hwangku hungkuno apa'no wakilɨmonnoho. Hwapɨngoso Helout jɨje hwomu sohumo wofonjahumonto tɨpeelofoho.