Populära bibelverser från Bage oy fare 2

Dela

Ago ndu ge Dok laar ne wa̰ na, Dok hon na zwama, ne kwarra ne sḛ tuli fafa̰y. Amma, ndu ge sone, Dok hon na viya̰ ge na kote kaŋ ma hon ndu ge na ge Dok laar ne wa̰ na. No ta uwale, a a̰me pe ne to, a yan saam pe ne baŋ.

Kaŋ ge kwaɗa ne ndu dasana pe, ago na zá, na njó, na ka buyya ne kaŋ ge na ne ke ma. Amma, go no puy ɗe, mbi kwa go, na mbo da ne Dok ta ya. Be mbi to, a wuɗi ge ne zam, ko ge ne njot ne ɗaa?

Go̰r go, mbi mbo ya é pe ndil kaŋ ge mbi ne ke ma pet, ne honna ge mbi ne ho̰ tene ndwara ke kaŋ mbe ma. Mbi ɓó go, kaŋ mbe ma no pet, nama a̰me pe ne to, na yan saam pe ne baŋ. Hamba ge ndu ne ɓol ne kaŋ kerra ge na ne ta suwar pal to.

Mbi be wan tene ne kaŋ a̰me ta be kerra to bat, ko tuli ge sḛ duur ne, mbi be wan tene ne na ta to bat. Mbi zá̰ tuli temel ge mbi ne ke ma zi pet, no a kaŋ ge mbi ne ɓó na ne temel ge mbi ne ke zi ne.

Mbi kwa go, kat zwama golgo waɗe kat daal, kwaya̰l golgo waɗe tṵ.

Ndu ge zwama kwar viya̰ ge na ne he na kwa, amma ndu ge daal mbo ya tṵ zi. Go no puy ɗe, mbi kwa go, a fare ge ɗu ge ɓol nama ne jwak.

Ago kaŋ ma ge ndu ne ke nama ne zwama, ne kwarra, ne pool ge na ne zi, ya̰ nama hon ndu ge ne é na tok ke a̰me ɗu to pet. No uwale, a a̰me pe ne to, a tiiɗiya ge ɓaŋlaŋ ne.