Jo̱ co̱o̱ˋ jmɨɨ˜ lajeeˇ guiáangꞌ˜ teáangꞌ˜ i̱ dseaˋ do e jmiféiñꞌˊ Fíiˋnaaꞌ Fidiéeˇ jo̱guɨ jmóorˋ ayuno e jaˋ gøꞌrˊ ir˜ lajeeˇ jo̱, casɨ́ꞌˉ Jmɨguíˋ quiáꞌˉ Fidiéeˇ írˋ lala jo̱ cajíñꞌˉ:
—Cuǿøngꞌ˜naꞌ jnea˜ i̱ Bernabé na có̱o̱ꞌ˜guɨ Saulo quiáꞌˉ e nináiñˋ jmérˉ lají̱i̱ꞌ˜ ta˜ e nɨcatǿøˉøre na.
Jo̱ mɨ˜ cangoyúungꞌ˜ e féiñꞌˊ Fidiéeˇ jo̱guɨ cajméerˋ ayuno, dsifɨˊ lajo̱b caquidsiˊ i̱ dseaˋ do guóorˋ fɨˊ mogui˜ Bernabé có̱o̱ꞌ˜guɨ Saulo e laco̱ꞌ cuøˊ li˜ quiáꞌˉ lají̱i̱ꞌ˜ ta˜ nidsilíiñꞌˉ do. Jo̱ mɨ˜ calɨ́ˉ jo̱, caꞌɨ́ꞌˋbreiñꞌ do júuˆ, jo̱ cangolíimˆbiñꞌ do, jo̱ có̱o̱ꞌ˜bre i̱ Juan Marcos do i̱ jmɨcó̱o̱ꞌ˜ quiáꞌrˉ.