Populära bibelverser från Génesis 1

Dela

Ime, nache Ñimaye 'enapeco': Nagui so'otaq ca shiỹaxaua, 'eeta'ama qomi'. Qataq huo'o da 'enec da ilo'ogue na nỹaq, maỹo, shiguiỹacpi, nlopi qataq na huauecpi, qataq nam hualectapigui'pi. Nache Ñim Lo'onatac 'Enauacna ỹo'ot so shiỹaxaua, ỹe'enaxatchigui da maiche lataxac Ñimaye, ỹo'o't soua ỹale qataq aso 'alo.

Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Ñim Lo'onatac 'Enauacna, co'ollaq cheta'ague da ỹo'otna, nache ỹo'ot na piguem qataq ana 'alhua.

Qaq ana 'alhua saxanaqca co'ollaxa ca laỹamqa', nda'a't da auaxai maye ỹataqta qaỹoqchiguingui qataq napalñi, qaq so Saqcha'a La'añaxac Ñim Lo'onatac 'Enauacna coleetapeguelec na 'etaxat.

Nache Ñim Lo'onatac 'Enauacna 'enapeco': ¡Huo'o ca yo'oqchiguiñi! Nache ipacchigui da yo'oqchiguiñi.

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Qaq Ñim Lo'onatac 'Enauacna co'ollaq ila'a da 'onaxaic na yo'oqchiguiñi, nache iỹoteeguesop na napalaxa

Ime, nache Ñim Lo'onatac 'Enauacna, 'enapeco': «Hua', nagui qami' sanema 'enauac ana huouepi maye huo'o ana ala maye ñaxattalec ana 'alhua, qataq ana qo'oipaqpi maye huo'o ana ala. Qaq 'enauac anamaye qollequiitac.

nache na yo'oqchiguiñi le'enaxat naqa'en «na'a'q», qaq na napalaxa le'enaxat «pe». Qaq nvi' so pe, ime qataq anac so yo'oxoñi, qaq 'era da 'eetec so la'auaxanec na'a'q.

Huaña nache Ñim Lo'onatac 'Enauacna, 'enapeco': Huo'o ca pa'asheguem na'atchiguiñi npaxatta'aguet na 'etaxat, da yaqto' dos naua lpa'axaco.

Qaq na shiguiỹacpi, qataq na hualectapigui'pi, qataq na maỹopi, qalaq 'enauac namayepi da sanem na 'auaqpi da chectac.» Qaq 'era da 'eetec.

Nache Ñim Lo'onatac 'Enauacna, 'enapeco': Huo'o aca 'eroiguipi na pa'asheguem na'atchiguiñi, nache ỹaqauga naqa'en na'a'q qataq pe, qataq ỹa'a'n naua laloxoqui' da nqoche'n naua na'axa'te qataq naua vi'iye.

Nache Ñim Lo'onatac 'Enauacna 'enapeco': Ñaxaalec 'enauac ana 'alhua ana ỹotta'a't huouepi, qataq ana huouepi maye huo'o ana ala, qataq ana qo'oipaqpi maye ỹotta'a't ana alapi. Qaq 'era da 'eetec.

Nache Ñim Lo'onatac 'Enauacna ỹo'ot so pa'asheguem na'atchiguiñi maye iỹoracache na 'etaxat, nache huo'o na pa'atasheguem 'etaxat qataq huo'o na npa'atañi

Huaña nache na 'alhua ñaxaalec ana ỹotta'a't huouepi, qataq ana huouepi maye huo'o ana ala, qataq ana qo'oipaqpi maye huo'o ana ala. Nache Ñim Lo'onatac 'Enauacna ila'a da ỹaỹamaqchiguiñi.

Ime, nache Ñim Lo'onatac 'Enauacna ỹo'o't naua dos ncoỹaraxanaqte: Aso late'erai icoỹarelec naqa'en na'a'q, qaq aso qapio'ole icoỹarelec pe. Nataqa'en ỹo'ot ana huaqaañipi.

Nache Ñim Lo'onatac 'Enauacna 'enapeco': Na npa'atañi 'etaxat huo'o ca laponqa', yaqto' huo'o ca lqaxaỹaxa. Qaq 'era da 'eetec. Nache Ñim Lo'onatac 'Enauacna na lqaxaỹaxa le'enaxat naqa'en da «'alhua», qaq na laponqa' na 'etaxat le'enaxat naqa'en «auaxai.» Qaq Ñimaye ila'a da 'enauac ỹaỹamaqchiguiñi.

Nache ỹanem da no'on la'aqtac na shiguiỹacpi maye lo'onatac, 'eeta': Ỹataqta qalota qome na qaỹa'alqui qataq qanlaxachiichigui ana auaxai, qataq ỹataqta qalota qome na maỹo ana 'alhua.

Nache Ñim Lo'onatac 'Enauacna, 'enapeco': Ñaxaalec qome ana 'alhua 'enauac na ỹotta'a't shiguiỹacpi: Nlopi qataq na huauecpi, qataq nam ỹotta'a't hualectapigui'pi. Qaq 'era da 'eetec.

Ime, nache Ñim Lo'onatac 'Enauacna 'enapeco': Ñaxatoigui qome na 'etaxat 'enauac na ỹotta'a't 'etaxat le'ec, qataq nataqa'en qome na maỹo maye ishet da huaỹotapeguelec ana 'alhua.

Nache Ñimaye ỹo'ot 'enauac ne'ena shiguiỹacpi, nlopi qataq na huauecpi, qataq nam ỹotta'a't hualectapigui'pi. Nache Ñim Lo'onatac 'Enauacna ila'a da ỹaỹamaqchiguiñi.