Populära bibelverser från Marcos 12

Dela

Chaymi Jesusñataq nirqa: Kamachikuykunamanta punta kaqqa kaymi: “Israel, uyariy: Señorninchik Diosqa, Señorninchikqa chullallam. Chaynaqa, Señor Diosnikitam tukuy sonqoykiwan, tukuy vidaykiwan, tukuy yuyaynikiwan hinaspa tukuy kallpaykiwan kuyanki”, nispa. Iskay kaqñataqmi nin: “Runamasikitam kikikita hina kuyanki”, nispa. Kaykunam llapallan kamachikuykunamanta aswan hatun kamachikuykunaqa, nispa.

Hinaptinmi discipulonkunata qayaykuspan Jesús nirqa: Cheqaptapunim nikichik, wak wakcha viudam llapa apukunapa churasqanmantapas aswan mastaqa churarun. Wakiqninkuqa puchuqllankutañam churarqaku, wak viudam ichaqa wakcha kayninpi vida pasananpaq kaqta lliwta churaykun, nispa.

Jesusmi templopi tiyachkarqa ofrendakuna churanankupa ñawpaqninpi, llapa runakunapa qollqe churasqankuta qawaspan. Apu runakunam achka qollqeta churarqaku. Chaynataqmi wakcha viudapas chayaramuspan iskay qollqechata churaykurqa.

Tukuy sonqowan, tukuy yuyaywan, tukuy kallpawan Diosta kuyaymi hinaspa runamasinchiktapas kikinchikta hina kuyaymi aswan allinqa, altarpi lliw kañana sacrificiokunamantawan, wakin sacrificiokunata kañaspa ofreceymantapas, nispa.

Hinaptinmi Jesusñataq nirqa: Cesarpa kaqtaqa Cesarmanyá qoychik, Diospa kaqtapas Diosmantaqyá qoychik, nispa. Chaynata niruptinmi llumpayta hukmanyarurqaku.