Populära bibelverser från Marcos 10

Dela

Chaynam runapa Churinpas, manam servichikunanpaqchu hamurqa, aswanqa servispa achka runakunapa rantinpi wañunanpaqmi, nispa.

Jesusñataqmi paykunata qawarispan nirqa: Runakunapaqqa kayqa sasallañam, Diospaqmi ichaqa tukuy imapas atinallan, nispa.

Jesusñataqmi nirqa: Pasakuyña, iñisqaykiraykum sanoyarunki, nispa. Hinaptinmi chaylla qawarikuruspan Jesusta qatikurqa.

Chaynaqa, Diospa kuskanchasqantaqa amayá runaqa rakichunchu, nispa.

Jesusñataqmi kuyakuywan qawarispan nirqa: Chaywanpas kayraqmi faltasunki: Kutispaykiyá tukuy kapuqnikita rantikaramuy hinaspa wakchakunaman qoykamuy, chaynapim hanaq pachapi kapuqniyuq kanki; hinaspayki cruznikita qepikuykuspa qatiway, nispa.

Asuykuruptinmi Jesusñataq tapurqa: ¿Imatataq qampaq ruwanayta munanki? nispa. Chaymi ñawsañataq nirqa: Yachachikuq, qawarikuytam munallani, nispa.

Qamkunapiqa manam chaynachu kanqa, aswanraqmi qamkunamanta pipas kamachikuyta munaspaqa qamkunapa serviqnikichik kanan.

Cheqaptam nikichik, pipas wawakuna hina Diospa munaychakuyninta mana chaskispanqa, chay munaychakuymanqa manam yaykunqachu, nispa.

Ichaqa puntapi kaqkunam qepapi kanqaku, qepapi kaqkunañataqmi puntapi kanqaku, nispa.

Qallariyninpi tukuy imata unanchaspaqa, qaritawan warmitam Diosqa ruwarqa. Chayraykum qariqa taytanmanta mamanmanta rakikuspan warminmanña hukllawakunqa, chaynapim iskayninku huk aychallaña kanqaku. Chaynaqa, manam iskayñachu kanqaku aswanqa hukllañam.