Populära bibelverser från JONI 19

Dela

Ni sa qai gunuva na wai wiwi ko Jisu, sa kaya, Sa oti: a sa vakacuva na uluna, ka solia yani na yalona.

Ni sa oti oqo, ka sa kila ko Jisu sa oti na ka kecega, me vakayacori kina nai Vola Tabu, sa kaya, Au sa viagunu.

Ni sa qai raici rau ko Jisu, na tinana, kei na tisaipeli ka tu voleka, ko koya sa lomana ko koya, sa kaya vei tinana, Yalewa, raica na luvemu! Sa qai kaya vua na tisaipeli, Raici tinamu! Ia mai na tiki-ni-siga ko ya sa kauti koya na tisaipeli ko ya ki nona vale.

Ia ni ratou sa lako mai vei Jisu, ka raica sa mate sara tu, era sa sega ni musuka na yavana: ia sa suaka na sarisarina e dua na sotia e na dua na moto, a sa dave sara maikina na dra kei na wai.

Ni sa caka na veika oqo, me vakayacori kina nai Vola Tabu, Me kakua ni musuki e dua na suina. Ia e dua tale na tiki ni Vola Tabu sa kaya, Era na raici koya era sa suaka.

A sa colata na nona kauveilatai ko koya, ka lako yani ki na tikina sa vakatokai Na vanua ni qavokavoka, a sa vakatokai e na vosa vaka-Iperiu, ko Kolikoca

A sa talia e dua nai sala wa-vakavotona ko ira na sotia, ka vakaisalataki koya kina, a ra sa vakasulumi koya e na dua nai sulu lokaloka