Populära bibelverser från JONI 16

Dela

A veika oqo kau sa tukuna vei kemudou, mo dou rawata na vakacegu e na vukuqu. Dou na kunea e vuravura na rarawa; ia mo dou vakacegu; au sa vakamalumalumutaki vuravura.

Ia ni sa lako mai ko koya, na Yalo Tabu na vu ni ka dina, ena tuberi kemudou ki na ka kecega e dina: ni na sega ni vosa vakataki koya: ia na ka kecega ena rogoca, ena vosataka: ka na vakatakila vei kemudou na veika ena yaco maimuri.

Dou a sega ni kerea eliu e dua na ka e na yacaqu: dou kerekere, dou na qai rawata, me levu sara na nomudou marau.

Ia kau sa tukuna vei kemudou na ka dina: E yaga vei kemudou meu lako yani: ni na sega ni lako mai vei kemudou na Dauveivakacegui, kevaka kau sa sega ni lako yani: ia kevaka kau sa lako yani, kau na talai koya kivei kemudou. Ia ni sa lako mai ko koya, ena vakatakila kivei ira na kai vuravura nai valavala ca; kei na ka dodonu, kei na lewa

Ia sa qai rarawa na lomamudou: ia kau na raici kemudou tale, ena qai reki na lomamudou, a sa sega e dua ena kovea na nomudou marau. Ia e na siga ko ya dou na sega ni tarogi au e na dua na ka. E dina, e dina, au sa kaya vei kemudou, A ka kecega dou na kerea vei Tamaqu e na yacaqu, ena solia vei kemudou ko koya.

E dina, e dina, au sa kaya vei kemudou, Dou na tagi ka tagiyaso, ia ko vuravura ena reki: ena rarawa na lomamudou, ia na rarawa ni lomamudou ena vuki me reki.