Populära bibelverser från Jn 6

Dela

Axa yalon bay eb tu': —Ayin ton ti' axca wal loj wayji, yujtol ak'om in k'inalej. A eb chi jay ayin, c'amxa oxlajon bak'in ok tit is wajil eb. A eb chin yaoc yin is c'ul, c'amxa chi tit c'apax takintial eb.

A Espíritu chi ak'on k'inalej tol ayc'al yin tojbalk'inal, axa co mimanil ti xin, c'amc'al bay chi oc tz'aanok. A juntzan k'anej chi wal ayex ti', wal yel yet Espíritu. Yuj tu' xan a chi je' yak'on e k'inal tol ayc'al yin tojbalk'inal.

Manokabnak tzet chi co lo' che yaoc e nabal e sayoni, yujtol toc'al chi lajwi ayok. Ay wal junxa tzet yetal axca tzet chi co lo' tu', palta c'am bak'in chi lajwi. A chi ak'on e k'inal tol ayc'al yin tojbalk'inal. Yuj tu' xan aokab jun tu' che yiajtek e c'ulok e sayoni. Ayin ok wak' jun tu' ayex, yujtol Chekbilintek yuj Dios xol eb jet animail; max in tx'oxk'abnej c'apax el co Mam Dios, ẍi Jesús bay eb.

Ayin ti', C'ajol in Dios; yuj tu', a masanil mac chin iloni, ta chin yaoc eb yin is c'ul, chi yochej in Mam chi cha'can eb is k'inal tol ayc'al yin tojbalk'inal. Yuj tu' xan ayin ok wak' ictzoj pax aj eb yet lajub c'ual tu', ẍi Jesús bay eb.

Tix chi yut yochen Dios che yun ti': Chi yochej tol che yaoc e c'ul win, yujtol Chekbilintek yuj, ẍi Jesús bay eb.

Masanil eb chi yak' co Mam Dios ayin, ok jayoc eb ayin. A eb chi jayoc ayin tu', c'am junok eb man ok in cha'.

Xan max tak'wi Simón Pedro tu' bay axca ti': —Mamin, ¿mac wal junokxa ok on tok yetok? Yujtol a yin juntzan k'anej chal ayon ti', a tu' ay co k'inal tol ayc'al yin tojbalk'inal.

Ayin ton max in aytek satcan tu', lajan in axca loj, yujtol ak'om in k'inalej. Yuj tu', a mac chi loon jun ti', iquisc'al eb yin tojbalk'inal. A jun lajan axca loj chi wak' lolay tu', a ton in chibejal, ẍi Jesús bay eb.

C'am junok mac toc'al chi yak' jay ba ayin, ta manak in Mam cheknejintek chi ion jayok. A eb chi jay ayin tu', ok wak' ictzoj aj eb yet lajub c'ual.

Yujtol a jun loj chi wal tol chi yak' Dios ti', a bay satcan max aytek. Ay eb bay yulyibank'inal ti' ok cha' k'inalej tol ayc'al yin tojbalk'inal yuj, ẍi Jesús bay eb.

Ayin ti' axca tol loj in, yujtol ak'om in k'inalej.

Max chaon ec' Jesús ixim pan tu', cax max yalon yuj diosalil bay Dios yuj ixim. Max pojon ec' xol eb is cuywom tu', axa eb max ec' pojon xol eb max ay chotan tu'. Cay c'apax tu' max yut no txay, yalc'al jantak max yochej c'ul eb. A yet max xew low eb sic'libil, max yalon Jesús bay eb is cuywom tu' axca ti': —Siq'uek aj masanil ixim bijquiltakil maxto cani, yet watx' c'am jabok ixim chi etaxi, ẍi bay eb.

Ayxam nanok is cab leguaxa bay ay eb, max yilontek eb tol ipan yapni oc Jesús yintak eb. Toc'al chi bey yiban a'. Yuj tu', caw wal max xiwaj eb. Palta max yal Cham bay eb axca ti': —Ayin toni, manchak ex xiwi, ẍi bay eb.