Populära bibelverser från Maleko 12

Dela

Nee tali‐age e Sesu: “Ko te uluaki aeni: Fagono‐mai Iselaele, ko te Aliki totatou Atua, ko te Aliki tokotahipe ia, pea e ke ofa ki te Aliki, tou Atua, mo tou loto katoa, mo tou laumalie katoa, mo tou atamai katoa pea mo tou malohi katoa. Pea koeni tona lua: E ke ofa ki tou kaiga o hage ko tou ofa kia te koe. E mole i ai he tahi fekau e lahi‐age i te u fekau aia.”

Pea nee paui e Sesu ki ana tisipulo o folafola‐age kia natou: “E mooni, e au tala‐atu, ko te fafine vitua masiva aeni, e lahi‐age te mea ofa nee ina fai, i te mea ofa nee fai e te hahai kehe ki te tanakiaga paaga. Koteuhi ko natou aena nee natou ai te u paaga e mole aoga aupito kia natou, kae ko ia, e ina tuku ki ai he mea o tona masiva, nee ina tuku ki ai te mea katoa nee ina mau, mea katoa nee mea ke mauli‐aki ia.”

I tana osi afio o haga ki te puha tanakiaga paaga, nee fofoga‐ifo ia ki te hahai nee natou ai ni kii paaga ki te puha, pea nee tokolahi te hahai mau koloa nee natou tuku ai, o lahi, ni paaga. Pea nee hau he fafine vitua masiva, o ina tuku ki ai ni kii fala fefeka e lua.

ko te ofa kia te ia mo te loto katoa, mo te atamai katoa pea mo tota malohi katoa, pea mo te ofa ki te kaiga o hage ko tota ofa kia kita, e lelei‐age ia i te u failaulau pea mo te u sakilifisio fuli.”

Pea nee toe folafola e Sesu kia natou: “Koutou tuku kia Sesale te mea a Sesale, pea koutou tuku ki te Atua te mea a te Atua.” Pea nee natou punamauli aupito o uhiga mo ia.