Populära bibelverser från Phŭn Blŭng 9

Dela

Jr̂ŏng nŭn Ơi Adai laĭ: «Klơi uăn bơgop kâo kă hr̂ŏm gô-ih, dăp bih čĭm-br̂ĭm thâo să pr̂an dŏ hr̂ŏm gô-ih, klơi uăn bơgop ne ti dŏ tơgr̂ư̆ nôk nao-nao hayoh. Kâo ti pơthâo br̂ơi klơi uăn bơgop hla ne: Kâo čr̂oh bơngŏt kâo ngŏ gơnăm, bơngŏt nŭn ti pơthâo br̂ơi klơi uăn bơgop kâo kă hr̂ŏm lŏn kơnah.

Tơl bơngŏt biă đĭ mơ̆ng gơnăm, nŭn kâo ti ƀôh, jr̂ŏng nŭn kơčăng mơ̆ng klơi uăn bơgop kâo kă hr̂ŏm bih mơnuih dăp čĭm-br̂ĭm thâo să pr̂an dŏ mơ̆ng lŏn kơnah, klơi uăn bơgop ne dŏ nao-nao hayoh.»

Lơi pô pơhŏk dr̂ah mơnuih, Mơnuih ti pơhŏk glaĭ dr̂ah ñu, Yua Ơi Adai ngă mơnuih hla ti hup ñu pô.

Jr̂ŏng nŭn Ơi Adai pha br̂ơi Nô-ê klơi nŭk-nua, dăp nă đahkơi ñu hla ne: «Br̂ơi gô-ih pơpôn nă-bă lal đĭ bŏ mơ̆ng lŏn kơnah.

Bih-tih čĭm thâo pơpĭ hmâo klơi hơdĭp, kâo br̂ơi gô-ih ƀŏng. Pah ahlâo kâo pha br̂ơi gô-ih ƀŏng kăn djăm mr̂ơ̆k djăm mr̂ôñ đơč, nêne dŏng kâo pha br̂ơi gô-ih ƀŏng tơgr̂ư̆ čĭm-br̂ĭm he mơ̆n.

Tơgr̂ư̆ čĭm glai-glo dŏ mơ̆ng lŏn kơnah, dăp tơgr̂ư̆ čĭm thâo pŏl ngŏ adai, wŏt tơgr̂ư̆ čĭm thâo r̂ôi čĭm thâo hr̂o mơ̆ng kơnah, dăp tơgr̂ư̆ kan tăm ia sĭ, ti huĭ gô-ih kơtang jat. Kâo mop br̂ơi tơgr̂ư̆ čĭm nŭn mơ̆ng ngan gô-ih yơh.

«Nêne dŏng, br̂ơi gô-ih pơpôn nă-bă lal đĭ, br̂ơi hmâo pĕn-phung-pĕn-phung jai lô tui mơ̆ng lŏn kơnah.»