Populära bibelverser från မဿဲ 8

Dela

ယေရှု​က “ယုံကြည်ခြင်း​အားနည်းသောသူတို့… အဘယ်ကြောင့် ကြောက်လန့်ကြသနည်း” ဟု မိန့်တော်မူ​ပြီးနောက် ထ​၍ လေ​နှင့် လှိုင်းတံပိုး​အား အမိန့်ပေး​ကာ ဆုံးမတော်မူ၏။ ထိုအခါ လေ​နှင့် လှိုင်းတံပိုးတို့​သည် ချက်ချင်း​ငြိမ်သက်သွားလေ၏။

သို့သော် တပ်မှူး​က “သခင်… အကျွန်ုပ်​သည် ထိုက်တန်သော​သူ မဟုတ်​သောကြောင့် အကျွန်ုပ်​၏​အိမ်မိုး အောက်​သို့ သခင်​ကြွလာတော်မူ​ရန် မသင့်လျော်ပါ။ သခင်​ရှိသည့်​နေရာ​မှ အမိန့်တော်​ကိုသာ ပေးတော်မူ​လျှင် အကျွန်ုပ်​၏​အစေခံ​သည် ပြန်လည်​ကျန်းမာပါ​လိမ့်မည်။

ယေရှု​သည် ထို​တပ်မှူး​၏ စကား​ကို ကြား​သော် အံ့သြတော်မူ​လျက် နောက်တော်​သို့ လိုက်သောသူများ​ဘက်​သို့ လှည့်​၍ “သင်တို့​အား ငါ​အမှန်​ဆို၏။ ထို​ကဲ့သို့ ယုံကြည်ခြင်း​ရှိသော​သူ​တစ်ဦး​ကိုမျှ အစ္စရေးလူမျိုး​ထဲ၌ ငါ​မတွေ့ဖူးသေး။

ထို့နောက် ယေရှု​က ထို​ရောမ​တပ်မှူး​အား “အိမ်​သို့ ပြန်လော့။ သင်​၏​ယုံကြည်ခြင်း​အတိုင်း ဖြစ်ပြီ” ဟု မိန့်တော်၏။ ထိုသို့ မိန့်တော်မူသည့်​အချိန်​၌ပင် တပ်မှူး​၏ အစေခံ​သည် ပြန်လည်​ကျန်းမာလေ၏။

တပည့်တော်တို့​သည် အံ့အားသင့်​လျက် “ဤ​သူ​သည် မည်သူနည်း။ လေ​နှင့် လှိုင်းတံပိုးတို့​ပင်လျှင် သူ့​ကို နာခံကြသည်” ဟူ၍ ပြောဆိုကြ၏။