Populära bibelverser från Nai Vakatekivu 17

Dela

ASA ciwasagavulu ka ciwa na yabaki i Eparama, a sa qai rairai vei Eparama ko Jiova, a sa kaya vua, Oi au na Kalou Kaukauwa: mo lako voli e mataqu, ka mo tawa cala

ia ena tawa vakatokai tiko na yacamu ko Eparama, a yacamu ena ko Eparaama ga; niʼu sa cakavi iko me tamadra na matanitu e vuqa

ia kaʼu na vakataudeitaka na noqu veiyalayalati kei iko, kei ira na nomu kawa era na muri iko, e na nodrai tabatamata kecega, me veiyalayalati e tawa mudu, ka meʼu Kalou vei iko, vei ira talega na nomu kawa era na muri iko

Oi au, raica, sa tiko na noqu veiyalayalati kei iko, ia ko na tamadra na matanitu e vuqa

A sa kaya na Kalou, Ena vakasucuma vakaidina vei iko e dua na goneatagane ko Sera na watimu; ia ko na vakatoka na yacana ko Aisake; ia kaʼu na vakataudeitaka vua na noqu veiyalayalati me veiyalayalati e tawa mudu, vei ira na nona kawa era na muri koya.

ia kaʼu na solia vei iko, kei ira na nomu kawa era na muri iko, na vanua ko sa tiko vulagi kina, a vanua kecega ko Kenani, ka me ra taukena ka tawa mudu; ia kaʼu na nodra Kalou.

A sa bale vakatobocu ko Eparaama, ka dredre, ni sa kaya e lomana, Ena sucu beka na gone vua sa dua na drau na nona yabaki? ia ena vakasucu beka ko Sera, ni sa ciwasagavulu na nona yabaki?

Sa kaya talega na Kalou vei Eparaama, O Serei na watimu, mo kakua ni kaciva na yacana ko Serei, ni na ko Sera ga na yacana

Dou ciliva na kuli ni vusomudou; ia enai vakatakilakila, o qo ni noqu veiyalayalati kei kemudou

Ia kaʼu na vakataudeitaka na noqu veiyalayalati vei Aisake ga, o koya ena vakasucuma vei iko ko Sera e nai tabayabaki vakaoqo e na yabaki sa muri mai.

ia ko koya vei kemudou sa walu na nona bogi ena cilivi, na goneatagane kecega e na nomudoui tabatamata kecega; o koya sa sucu e na vale, se voli e nai lavo mai vua na kai tani kece, a ya sa sega ni nomu kawa: me cili vakaidina, ko koya sa sucu e na nomu vale, kei koya sa voli e na nomui lavo: ia ena tu e na lewemudou nai vakatakilakila ni noqu veiyalayalati, me veiyalayalati e tawa mudu.