Populära bibelverser från युहन्‍ना 16

Dela

“हे़निङ कानुङ टुमाबेॽ सान्‍ति चुप्‍हेसानुमे लुनुङ के़ॽ हे़निङ इघा चोप खा लुबॽआ। मक्‍खाम्‍डेमबेॽ हे़निङे़ॽ खेः आङ्‌मा खे़ये, तर ए़क्‍किसिसानिङे इन्‍ढोङ्‌होङ के़ॽ मक्‍खाम्‍डेम हेजाबेटुङे।”

तर चाइबमा रामबेॽ राम्‍मा राप्‍खुबा पबित्‍रा होङ्‌निवा लेङ्‌इये, मोबा खोसे़ॽनोॽ हे़निङ चाइबमा खामि टुम्‍बेॽ लुबेये। खो खोमि निवाबाङ यामुनिबा, खोसे़ॽ इमाङ खेम्‍इन्‍डुहा माहा खानोॽ हे़निङ लुबेये। मोबा ए़क्‍साङ लिहा खामि टुम्‍बेॽसो लुबेॽये

आयुरोगो हे़निङे़ॽ काङ्‌मि निङ्‌बेॽ इमाङ्‌सो मे़ङाःक्‍टिॽटानुमे। ङाःगानुमे मोबा हे़निङे़ॽ चुप्‍मिन्‍डानुमे। इडोॽ हे़निङ्‌मि हाङ्‌हाङ पुरा लिरो।

चाइबमा खा चाहिँ, का खे़ॽमाबेॽनोॽ हे़निङ्‌मि लागि नुबा लिये। इन्‍ढोङ्‌होङ का मे़ङ्‌खे़ॽङाहोङ हे़निङ सहायता ले़ःॽखुबा पबित्‍रा होङ्‌निवा लेन्‍निबा। तर का खे़ॽङाहोङ चाहिँ के़ॽ खो हे़निङ्‌बेॽ पाङ्‌इनुङे। मोबा खो लेन्‍नुङ, मक्‍खाम्‍डेमबेॽहा याॽमिजि पापमि टुम्‍बेॽ, धारमिक खामि टुम्‍बेॽनुङ निवाहाङ्‌मि न्‍यायमि टुम्‍बेॽ लुबेन्‍डुजे।

मोडोक्‍नोॽ आयु हे़निङ सोकबेॽ टुन्‍डानिङे, तर का फेरि हे़निङ चुप्‍सिॽ लेम्‍माबेॽ हे़निङ साप्‍थाङ्‌मानुङ हाङ्‌हाङ ले़न्‍डानुमे। मो हाङ्‌हाङ असे़ॽसो हे़निङ्‌बाङ ङाप्‍खे़ॽहेसुजिनि। मो याक हे़निङे़ॽ का इमाङ्‌सो सिप्‍सानिङ्‌ने। चइबानोॽ के़ॽ हे़निङ लुनिम्‍ने़, हे़निङे़ॽ के़ए़ निङ्‌बेॽ पाबानुङ इमाङ ङाःगानुमहोङ्‌सो, खोसे़ॽ मो हे़निङ पिये।

चइबानोॽ हे़निङ लुनिम्‍ने़, हे़निङ हाःप्‍मिन्‍डानिङे, बिलाप ले़न्‍डानिङे, तर मक्‍खाम्‍डेमबेॽहा याॽमिजि साप्‍थाङ्‌इम्‍मे। हे़निङ हाःप्‍मिन्‍डानिङे, बिलाप ले़न्‍डानिङे, तर माहा चोप हाङ्‌हाङ्‌बेॽ फेङ्‌इहा।