Populära bibelverser från युहन्‍ना 13

Dela

मुइ तोहराके एगुडा लउठा आग्या देबहिँ, तोहरा एक-दोसरि जनके प्रेम करिह। जसने मुइ तोहराके प्रेम करले बडहिँ, वसने तोहरा फेनि एक-दोसरि जनके प्रेम करिह। यगर तोहरा एक-दोसरि जनके प्रेम करबह जउँ, तोहरा मोर चेलासभ हखह कहके यकरेसे जम्‍मे मन्‍सावाह जनतइ।”

यगर मुइ तोहार प्रभु हसे गुरु भके फेनि तोहार गोडवा धवले बडहिँ जउँ, तोहरा फेनि एक-दोसरि जनक गोडवा धोए परतइ। केहकेकि मुइ तोहार तहिँया एगुडा नमुना देले बडहिँ। जसने मुइ तोहार तहिँया करलहिँ, तोहरा फेनि वसने करिह।

येसुजि वकरेके जवाफ देते कहलसि, “मुइ कथि करइ बडहिँ तुइ यखनि नाहिँ जनबहिँ, बाकि पाछेसे बुझबहिँ।”

मुइ तोहराके सदियो कहइ बडहिँ, बहरियावा यापन मलिकवासे जबड नाहिँ हखबिय हसे समाद लिगलहरा समाद पठोलहरासे जबड नाहिँ हखबिय।

यगर तोहरा इअ बतवा जानके उअ करबह जउँ, तोहरा धन्‍यक हखबह।

उहेसे येसुजि जेउना करलि ठउरियासे उठलसि हसे बाहराक लुगवा निकडाके गमछावा ठेकनावामा घेउटलसि। तब हुने एगुडा भडियामा पानि खनिवलसि हसे चेलवानिक गोडवा धउते यापनमा घेउटलि गमछावासे हुनुकर गोडवा पोछे लगलसि।