Populära bibelverser från Svun Mateo 2

Dela

Tey i'ochic ti p'ijil viniquetique. Iyilic ti unene xchi'uc ti sme'e, ja' ti Mariae. Iyich'ic ta muc' ti unene. Isquejan sbaic, ja'o isnijan sbaic ta balamil noxtoc. Iyac'beic smoton: oro, bec'tal pom, xchi'uc muil pox mirra sbi.

Ti Jesuse tey i'ayan ta jteclum Belén ta Judeae. Ja'o ta sreyal ti Herodese. Ti c'alal ayanem xa'ox ti Jesuse, italic ta Jerusalén jayvo' p'ijil viniquetic ti sna'ic sq'uelel c'analetique, liquemic tal ta loq'ueb c'ac'al. Li' yul sjaq'uique: ―¿Bu i'ayan li yajreyic li jurioetique. Yu'un c'alal teyoticotic ta jnaticotic ta loq'ueb c'ac'ale. Iquilbeticotic señail ta jp'ej c'anal ti i'ayan xae, yu'un tal quich'ticotic ta muc' uc―xiic.

ti c'alal iyilic ti c'anale, xmuyubajic xa ta jmec.

Ti p'ijil viniquetic ti sna'ic sq'uelel c'analetique, i'albatic ta svayichic yu'un ti Rioxe ti mu xa ya'uc ech' sc'oponic ti Herodese. Yech'o un c'alal isutic ta slumalique, jun xa o be istamic ech'el. Ti c'alal isutic xa'ox ti p'ijil viniquetique, ivaychin ti Josee. Isvaychin jun yaj ángel Cajvaltic. «Lican ta ora, ic'o ech'el li unene xchi'uc li sme'e. Jatavanic ech'el ta Egipto. Teanic o me. Ja'to mi lacalbeique xasutic tal. Yu'un li Herodese ta sa' li unene yu'un tsc'an tsmil.» —X'utat yu'un ti angele.