Populära bibelverser från Lɔgɔ Sabba 6

Dela

Na munyuu goore ke ngaya bere ghendonɛ zugo na kabhaktɛ baye.

Na Tumu aru zugo hunde dɛmnɛ na hinisiya gɛ ɛsɛdhɛ kuhuyamo sɔngge.

Na hira kenno Nɔa nɔng dha bere a hira messo lɔga challa na aru ꞉Tumu na tɛhɛnu.

Na mɛa te lɔga bere messo :Nɔa. Nɔa dha bere a hira ridhing ningginɛna lɔga gɛrsa ngani kɛddɛayo. Na kɔbh ganggua Tumu sɔng.

Na seu, “Anye bhɛa bɔɔ keghendonɛi zugo ko kɛginya ko ahaa silolnɛna bay bay ko ga chicho chicho gen ko shɔa wa kumunyuwa goore. Na mɛa keni kìdhiytɔ.”

Na hunaa zugo bay bhɛlddɛa na teya mɛriye, koo irritto dhɔgɔlyaa bo challa ngani chillanɛa. Na zuga honynyo tumɔ argi dhɔgɔlyaa zugony hunde a challiye na bɛrta gee hinnɛye na gamayɛ. Na Tumu seu, “Zugo ko Kuloya nanu basseyny bhɛa ɛlɛa kari dhul ko kingi, ale ngani ngaɛllo ke ngaya yɔk ale rɛsɛ na mujjussɛye. Na oynyaa gɛ bhagɛa ba any kete 120 sɔng.” Na ngabɛrguonu zuga bere honynyo tumɔ na hɛyɛa dhɔgɔlyaa zugony koo irritto zuga bo rammaya. Na yɔk dha bere agga bo ɔnnɛna na toynɛna.

Na Nɔa koo mesu damiya yogɛsɛna ꞉Tumu kumulɔng.

Na sɛɛsɛ Nɔa, “Anye mɛa keni kìdhi zugo kumulɔng ko ngabaya kari ke ngaya zugo anɛ kuhuyaga na ɛddɛɛ baye.

Na nɔng inye mɛa tɛngɛdha bando na tegenyo gonggula bo goore lɔmma ghohiɛna toye. Na bhɔ ko toye ighir dhɔllangɔ.

Na nɔng dharɛsɛ ba na aru hunde zugo messɛ kuhuyamo na ba a gɛrsiye.

Na ko yɔk shɔa ko kɛginyaa bibiyo ko ga silolnɛna bay bay ko ga chicho chicho gen doriyo doriyo ale hony ramman ramman na assaninyɛyɔ. Na inye ibha kɛginya doriyo doriyo kumulɔng ramman ramman, na maya ko na ngaha, na tɔgɛsɛ gonggul toye na kushurtiyaayɔ.