Populära bibelverser från मत्ती 14

Dela

मान्तर लेहरा धुका के दकुन भाती पतरस डरलो, आउर जिदलदाय बुडूक मुरयालो तेबे चिचयाऊन भाती बल्लो, “हे परबु, मोके बचाव!” ईशु तुरते हाथ लमाऊन भाती हुनके धरलो आउर पतरस ले बल्लो, “हे अल्पबिश्वासी, तुय केंव संका करलीस?”

मान्तर लेहरा धुका के दकुन भाती पतरस डरलो, आउर जिदलदाय बुडूक मुरयालो तेबे चिचयाऊन भाती बल्लो, “हे परबु, मोके बचाव!”

तेबे ईशु तुरते हुनमन ले गोठयालो आउर बल्लो, “हिम्मत करा! मय आंय, नी डरा!”

पतरस हुनके जबाप दिलो, “हे परबु, अगर तुय ची आस, तेबे मोके आपलो लगे पानी थाने हिन्डुन भाती ऐतोर हुकुम देस।” ईशु बल्लो, “आव!” तेबे पतरस ड़ोंगा थानले उतरून भाती ईशु चो लगे जातो काजे पानी थाने हिन्डुक मुरयालो।

आउर हुनमन जोन ड़ोंगा थाने रवत, हुनके पाँय पडुन बल्ला, “सते, तुय माहापुरू चो बेटा आस।”

मान्तर ईशु चेलामन ले बल्लो, “हुनमन चो जातोर जरूरी निआय! तुमी ची ऐ मन के खातो काजे दिआस।” चेलामन ईशु ले बल्ला, “ऐथा आमचो लगे पांच रोटी आउर दुय ठान मछरी के छांडुन भाती आउर काईची निआय।”

ईशु बल्लो, “हुनमन के ऐथा मोचो लगे धरून ईआ।” तेबे हुन लोगमन के लाटा थाने बोसतो काजे बल्लो, आउर हुन पांच रोटी आउर दुय मछरी के धरलो; आउर सरग बाटे दकुन भाती धन्यबाद करलो आउर रोटी के छिड़ाऊन-छिड़ाऊन भाती चेलामन के दिलो, आउर चेलामन लोगमन के।

जिदलदाय सपाय खाऊन भाती संतुष्ट होला, तेबे चेलामन बाचलोर गोंदामन ले भरलोर बारा टुकना उठाला।