Populära bibelverser från Marko 10

Dela

Adalese so ni o Čhavo e manušesoro na alo te kanden le, nego te kandel hem te del plo dživdipe sar otkup butenđe.”

O Isus dikhlja len šukar, i phenđa: “E manušenđe adava nane moguće, ali na hem e Devlese. Adalese soi e Devlese sa moguće.”

A o Isus phenđa lese: “Dža. Ti vera sasljarđa tut.” I o manuš otojekhvar dikhlja hem lelja te džal dromeja palo Isus.

Adalese, o manuš te na rastavini okolen so o Devel ćerđa te oven jekh!”

O Isus dikhlja ano leste hem osetinđa mangipe olese, i phenđa lese: “Pana jekh ačhola tut te ćere: dža hem biknin sa so isi tut, a o pare de e čororenđe i ka ovel tut barvalipe ano nebo. Tegani ava hem phir pala mande.”

I o Isus pučlja le: “So mangeja te ćerav će?” A o kororo phenđa: “Učitelju, mangava te dikhav.”

Ali, ma te ovel ađahar maškar tumende. Nego, ko mangela te ovel baro maškar tumende, nek ovel tumenđe sluga.

Čače vaćerava tumenđe, ko na primini o carstvo e Devlesoro sar o čhavoro, nikad naka đerdini ano leste.”

Ali, but okola kolai akana prva tegani ka oven zadnja, a okola kolen akate dikhena sar zadnjonen adari ka oven prva.”

Ali, ko anglunipe o Stvoritelj ‘ćerđa murše hem đuvlja’. ‘Adalese o manuš ka ačhaj pe dade hem pe daja hem ka ovel jekh pe romnjaja, hem on duj ka oven jekh telo.’ Ađahar on nane više duj, nego jekh telo.