Populära bibelverser från मत्ती 6

Dela

थे सारा ऊं पेलां परमेसर गै राज अर बिंगी धारमिकता गी खोज करोगा तो ऐ सारी चिजां थानै मिलज्यैगी।

तड़कै गी चिंता ना करो क्यूंकै काल गो दिन आपगी चिंता आप ई कर लेवैगो। हर एक दिन गी आपगी आपणी ब्यादि होवै।”

मैं थानै केऊं खाण पीण गी चिंता छोड दैयो। आपगै सरीर खातर कपड़ा गी चिंता छोड दैयो। थारो जीवन रोटी अर सरीर गै कपड़ा ऊं भोत मेंगो है।

पण जद तूं पराथना करै तो बंद कोठड़ी में करी। जद तेरो पिता झिको दिखै कोनी बो तनै लुकगे देखैगो तो इंगो फळ तनै देवैगो।

ईंखातर इंया पराथना करे करो, हे पिता परमेसर तूं झिको सुरग में रेवै है थारो नाम पवितर मानिजै। थारो राज आवै जिंया थारी इच्छा सुरग में पूरी होवै बिंया धरती पर बी होवै।

आज गै दिन गी रोटी म्हानै दे।

अर जिंया म्हे म्हारै दुसमणां नै माफ करां हां बिंया तूं बी म्हानै माफ कर।

म्हानै परीक्सा में ना लेई अर बुराई ऊं बचाई।

अर झिका थारै पर अपराध करै अर थे बां लोगां नै माफ करोगा तो थारो पिता थानै बी माफ करैगो।

आं आकास गै उडण आळै पंछियां नै देखो झिका ना तो बीजै अर ना बाडै अर ना भेळो करै। पण फेर ई परमेसर बांगो पेट भरै है। थे तो आऊं भोत जादा किमती हो।

आप खातर धरती पर धन भेळो ना कर। क्यूंकै अठै इनै कीड़ा अर जंगाळ लागज्यैगो अर चोर बी ले जा सकै। सुरग में धन भेळो कर। बठै ना कोई कीड़ा ना कोई जंगाळ अर ना चोर चोरी कर सकै। अर याद राखो जठै थारो धन हो'सी बठै थारो मन बी लागग्यो रेसी।

कोई आदमी एक सागै दो मालिकां गी सेवा कोनी कर सकै। क्यूंकै बो एक ऊं प्रेम अर दूसरै ऊं बैर राखसी। थे परमेसर अर धन दोनां गी एक सागै सेवा कोनी कर सको।

ईंखातर झिका खेतां गा फूल आज है, दिनगै बे आग में बाळिजैगा। परमेसर आं फूलां नै इता सुणा बणावै तो थे झिका कमजोर बिस्वासी हो थानै बो आऊं सुणा गाबा क्यूं कोनी पीरासी?

पण जद तूं एक हात ऊं दान दैय तो तेरै दूसरै हात नै ठा ना लागणो चईयै। तूं झिको दान गुफ्त में दियो है तो तेरो पिता परमेसर झिको गुफ्त में देखै बो तनै फळ देवैगो।

“चोकस रेओ। जे थे लोग कोई आच्छा काम दूसरां लोगां नै दिखाण खातर करो तो पिता परमेसर थानै कोई फळ कोनी दैय।

जद तूं बरत राखै तो चलाक लोगां तरियां मूं लटकागे ना बेठी क्यूंकै बे दूसरै लोगां नै ओ दिखाणो चावै कै म्हारो आज बरत है। मैं थानै साची केऊं कै बानै इंगो फळ पेलां ई मिल चुक्यो है। जद तूं बरत राखै तो देखण आळा नै जिंया तूं रोटी खाण आळै टेम दिखै बिंया दीखणो चईयै। झिकै ऊं लोगां नै ओ ठा ना लागैगो इंगो बरत है। झिको पिता थानै गुप्त देखै बो थानै फळ दैयगो।