Populära bibelverser från लूका 11

Dela

जब तुमन पापी होए के भी, अपन लईका मन ला बढ़िहां चीज देहे बर जानथा, त तुमन कर सरग कर दाऊ हर, अपन मंगोईया मन ला पबितर आत्मा काबर नई देही?”

अऊ मंए तुमन ला फूरोंच कहथों, कि परमेस्वर जग मांगते रईहा, त तुमन ला देही, खोजते रईहा, त तुमन पईहा, खटखटात रईहा, त तुमन बर दुरा हर उघरही।

काबरकि जे कोनो हर, परमेस्वर जग मांगथे, ओके मिलथे, अऊ जेहर खोजथे ओहर पाथे, अऊ जेहर खटखटाथे ओकर बर दुरा हर उघेर जाही।

ईसू हर ओमन ला कहीस, “तुमन एकस पराथना करीहा,” ए दाऊ, तोर नांव पबितर मानल जाए, तोर राएज आए।

अऊ हमर पाप ला छमा कएर दे, जेकस हमन अपन बिरोधी मन ला छमा करथन, अऊ हमन ला पाप में गिरे झईन दे।

सगर दिन कर खाना हमन ला देहत रह

तोर देंह कर दिया तोर आंएख हर हवे, एकर बर जब तोर आंएख हर बढ़िहां हवे, त तोर सबेच देंह हर इंजोर हवे, अऊ अगर ओहर बुरा हवे, त तोर सब देहोंच हर अंधार हवे।

“कोनो मईनसे हर दिया ला बाएर के, ओला भांड़ा में नई ढांपे, अऊ ओला लुकाए के नई राखे, बलकि ओला अवंठा में मढ़ाथे, तेमेकि भीतरी अवईया मन ला इंजोर दिखे।