Populära bibelverser från Seera Uumamaa 1

Dela

Kanaan maayessa Rabbi, «Nama bifa keennaan akka fakkeenna keennaatiin haa uumnuu; qurxummiiwwan galaana keessaatii fi allaattiiwwan Sami'ii, hori'ii fi busaawaa, lafa maraa, waan lafa irra sosocho'anii fi looyan maraa haa bulchanii» jedhe. Akkaataa kanaan Rabbi nama bifa ufiitiin uume; bifa Rabbiitiin uume; dhiiraa fi intala godhee isaan uume.

Rabbi, «Hora'aa badhadha'aa lafa guutaa'a; qurxummiiwwan galaana keessaa, allaattiiwwan Sami'ii, waan lafa irra socho'an maraa bulchaa'a» jedhee isaan eebbise.

Rabbi jalqaba Ardi'ii fi Samii uume

Ardiin duwwaa turte; womaa isii irra hin turre; dukkanti galaana xiillaa irra ture; Ayyaanni Rabbii bisaan gubbaa socho'aa ture.

Kanaan maayessa Rabbi, «Ifti haa ta'uu» jedhe; iftillee hin ta'e.

Rabbi waan uume maraa hin laale; kunniin maruu guddisee mishaa ture; guyyaan hin galgalaaye; halkan hin bari'e kun guyyaa jaheesso'ooti.

Rabbi ifti akka mishaa ta'e arge; ifaa fi dukkana gara gara baase.

Rabbi, «Wonti lafa irra jiru maruu akka nyaata isinii ta'u sanyii midhaanii, daraaraa muka adda addaa kunoo maraa isinii kenneera.

Rabbi ifaan «Guyya'a» jedhe; dukkanaan «Halkan» jedhee waame; guyyaan hin galgalaaye; halkanillee hin bari'e; kun guyyaa tokko ta'e.

Achiin maayessa Rabbi, «Wonti bisaanii fi bisaan gara gara baasu haa ta'uu» jedhe

Akkasuma busaawaa lafa irraatii, allaattiiwwan sami'iitii, waan lubbuu qabanii fi waan lafa irra socho'an maraaf akka nyaata isaaniif ta'u waan lalisee fi mukkiin maraa isaanii kenneera» jedhe; akkasuma ta'e.

Kanaan maayessa Rabbi, «Guyya'aa fi halkan akka adda bayan ifti gara garaa sami'ii irra haa ta'anii; kunniin malkata guyyoota, barootaa fi woggoota adda baasan haa ta'anii

Kanaan maayessa Rabbi, «Ardiin biqiltuu'u, sanyii midhaanii, mukkiin daraaraa daraaranii fi biqiltuuwwan gara garaa bifa bifaan haa biqilchituu» jedhe; akkasuma ta'e.

Akkaataa kanaan Rabbi qilleensaa fi samii taasise; achiin maayessa Rabbi, «Bisaan qilleensaa fi Sami'ii ol jiranii fi Sami'ii gad jiran gara gara haa bayanii» jedhe; akkasuma ta'e.

Akkaataa kanaan Ardiin biqiltuu'u, sanyii midhaan gara garaatii fi biqiltuuwwan sanyii uf keessaa qaban ka daraaraa gara garaa daraaran biqilchite; Rabbi wonti kun akka mishaa ta'e arge.

Akkaataa kanaan Rabbi ifa gugurdaa lamaan uume; ifni guddaan guyyaa; ifni diqqaan halkan akka ifan godhe; akkasuma urjiiwwanillee uume.

Kanaan maayessa Rabbi «Akka lafti mudhattu bisaan Sami'ii gad jiru maruu hulee tokkotti wolitti haa qabamuu» jedhe; akkasuma ta'e. Rabbi lafaan «Ardii» jedhe; hulee bisaan hulee tokkotti wolitti qabame saniin, «Galaana» jedhee waame; Rabbi kunillee akka mishaa ta'e arge.

Rabbi, «Hora'aa baay'adhaa'a; fiixaan keessan bisaan galaanaa haa guutuu; allaattiiwwanillee Ardii irratti haa baay'atanii» jedhee isaan eebbise.

Kanaan maayessa Rabbi, «Ardiin uumama lubbuu qaban; busaawotaa fi horii akkuma gosa isaaniitiin, uumama gara'aan Ardii irra looyan, busaawota akkuma gosa isaaniitiin haa baaftuu» jedhe; akkasuma ta'e.

Kanaan maayessa Rabbi, «Bisaan uumamni lubbuu qabu ka sosocho'u ka gara garaa haa guutuu; allaattiiwwanillee Ardi'ii olitti Sami'ii gaditti haa bararanii» jedhe.

Akka kanaan Rabbi busaawotaa fi horii lafa irraa akkuma gosa isaaniitiin horii akkuma gosa isaaniitiin, uumama gara'aan lafa irra sosocho'an ka gosa gara garaa uume; Rabbi wonti kun akka mishaa ta'e arge.