Populära bibelverser från EXODUS 20

Dela

Aa thawh i, “Sal i nan cannak inn chung, Izipt ram chungin an chuahtu hna cu BAWIPA nan Pathian hi ka si. “Keimah hlei in pathian dang zeihmanh nan bia lai lo.

“Vancung i a ummi thil si hna seh, vawlei i a ummi thil si hna seh, ti chung i a ummi thil si hna seh, vawlei tang i a ummi thil si hna seh, cu hna mui he aa lo in siasal zeihmanh nan i ser lai lo. Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi BAWIPA nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

“Nan nu le nan pa kha upat hna u, cu ti nan tuah ahcun, BAWIPA nan Pathian nih an pekmi hna ram ah hin saupi nan um lai.

“Sabbath ni kha philh hlah u, BAWIPA caah va hmang u.

“BAWIPA nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

Nan rian vialte kha ni ruk chung nan ṭuan lai, sihmanhsehlaw ni sarih ni cu dinh ni a si i Pathian caah nan hman lai. Cu ni ah cun ahohmanh rian nan ṭuan lai lo, nanmah siseh, nan fale si hna seh, nan sal si hna seh, nan saṭil si hna seh, nan khua chung i a ummi miphun dang si hna seh, ahohmanh rian nan ṭuan lai lo.

“Nan innpa inn kha nan mit a thi lai lo. A nupi siseh, a salpa siseh, a salnu siseh, a cawtum siseh, a laa siseh, a ngeihmi thil paohpaoh si hna seh, nan mit a thi lai lo,” a ti.

“Nan minung hawi cungah tehte dinglo nan si lai lo.

“Va cung pa duh siseh, nupi cung nu duh siseh, nan tuah lai lo.

“Lai nan nawng lai lo.

“Nan fir lai lo.