Populära bibelverser från མེ་ཐིའུ་ལེའུ་ 13

Dela

དེ་འབདཝ་ད་ ས་བཟང་སར་བུད་མིའི་སོན་གྱི་དཔེ་འདི་ཨ་ནི་ཨིན་ མི་སེམས་བཟང་པོ་ཚུ་གིས་ གསུང་འདི་གོ་ཞིནམ་ལས་ དོན་དག་ཧ་གོཝ་ཨིན་ དེ་ལས་ཁོ་གིས་ལོ་ཐོག་གི་འབྲས་བུ་དེ་ ལ་ལུ་གིས་བརྒྱ་གཅིག་ ལ་ལུ་གིས་དྲུག་བཅུ་ ལ་ལུ་གིས་གསུམ་བཅུ་རེ་སྦེ་བཏགཔ་ཨིན་ཟེར་གསུངས་ནུག།

རྩང་གི་ཚང་ནང་བུད་མིའི་སོན་གྱི་དཔེ་འདི་ཨ་ནི་ཨིན་ མི་ཚུ་གིས་གསུང་ཉན་ཏེ་འབད་རུང་ མི་ཚེ་འདི་གི་ཚ་གྱང་དང་ རྒྱུ་ནོར་ལོངས་སྤྱོད་ཀྱི་ཞེན་ཆགས་ཀྱིས་བསྡམས་ཏེ་ ལོ་ཐོག་མ་འཚོ་མི་ཚུ་ཨིན།

ཨ་ནི་ལམ་ཁར་བུད་མི་སོན་གྱི་དཔེ་འདི་ རྒྱལ་སྲིད་ཀྱི་གཏམ་བཟང་སྐོར་ལས་ཉན་ཏེ་ཧ་མ་གོ་བར་སྡོདཔ་ད་ བདུད་དེ་འོངས་ཏེ་ ཁོང་གི་སེམས་ཁར་ལས་གསུང་འདི་འཐུ་འབགཔ་ཨིན།

དེ་ལས་ས་རུག་རྡོ་རུག་ནང་བུད་མིའི་སོན་གྱི་དཔེ་འདི་ མི་དེ་གསུང་གོཝ་ཅིག་ དེ་འཕྲོ་ལས་སེམས་དགའ་སྟེ་འབད་རུང་། སོན་གྱི་ར་ཏོ་མར་གཏིང་རིངམ་སྦེ་མེདཔ་ལས་ དུས་ཡུན་རིངམ་སྦེ་སྐྱེས་ཏེ་ སྡོད་མ་ཚུགསཔ་བཟུམ་སྦེ་ ཁོང་ཡང་གསུང་གིས་འབད་དེ་ དཀའ་ངལ་དང་གནོད་པ་དེ་ཚུ་བྱུང་བའི་བསྒང་ལས་ ཁོ་གིས་བཟོད་མ་ཚུགས་པར་ རྒྱབ་བཤུད་བརྐྱབས་ཏེ་འགྱོཝ་ཨིན།

ད་རུང་ཡེ་ཤུ་གིས་ ཞིང་ཁམས་ཀྱི་རྒྱལ་སྲིད་དེ་ ཞིང་གཅིག་ན་གཏེར་སྦ་བཞག་མི་དང་འདྲ་ མི་གཅིག་གིས་གཏེར་དེ་ཐོབ་ད་ ཁོ་གིས་ད་རུང་དེ་སྦ་བཞག་སྟེ་ ཁོ་གནམ་མེད་ས་མེད་སེམས་དགའ་སོང་ཞིནམ་ད་ ཁོ་ནང་ག་ཡོད་མི་དེ་ཚུ་བཙོང་སྦེ་ གཏེར་ཡོད་མིའི་ཞིང་འདི་ཉོཝ་ཨིན་ཟེར་གསུངས་ནུག།

དེ་འབདཝ་ད་ སོན་ལ་ལུ་ཅིག་ས་བཟང་ནང་བུད་དེ་ སོན་ལ་ལུ་གིས་བརྒྱ་གཅིག་ ལ་ལུ་གིས་དྲུག་བཅུ་ ལ་ལུ་གིས་གསུམ་བཅུ་རེ་སྦེ་ལོ་ཐོག་འཚོ་ནུག

ལོ་ཐོག་མ་འཚོ་ཚུན་ཚོད་གཉིས་ཆ་རང་དེ་སྦེ་བཞག་ ལོ་ཐོག་བརྔཝ་ད་ང་གིས་ལས་མི་ཚུ་ལུ་ ཧེ་མ་རང་གཡུར་མ་དེ་ཚུ་བརྔ་སྟེ་ ཆག་པ་བསྡམ་ཞིན་ན་ མེ་བཏང་ནི་སྦེ་བཞག་ དེ་ལས་ལོ་ཐོག་དཀར་བརྔ་སྟེ་ ངེ་གི་མཛོད་ཁང་ནང་བླུགས་ཟེར་སླབ་ནི་ཨིན་ཟེར་གསུངས་ནུག།