Populära bibelverser från Fuɗɗoode 1

Dela

Laamɗo wi'i: — En taga neɗɗo e alhaali meeɗen, o nannda e meeɗen. O laamoo liƴƴi maayo e pooli piirooji e daabaaji gonɗi e leydi e ko ladata e mayri fuu. Laamɗo tagi neɗɗo e alhaali muuɗum. Wo e alhaali makko o tagi neɗɗo oon. Laamɗo tagi ɓe gorko e debbo.

Laamɗo barkini ɓe, wi'i: — Ndimee ɓeydoɗon, keewon adunaaru, ndawranon ndu. Laamoɗon liƴƴi maayo e pooli piirooji e kulle buurɗe ladooje e leydi fuu.

Gilla fuɗɗoode, Laamɗo tagi kammu e leydi.

Leydi ndiin walaano sifa, wo ndi ɓoldi. Nimre na huurunoo luggeefi. Ruuhu Laamɗo na weeyannoo dow diyeele.

Laamɗo wi'i: — Annoora laatoo! De annoora laatii.

Laamɗo ndaari ko golli ɗuum fuu, tawi iɗum wooɗi sanne. Hiiri weeti, laatii nyalaande jeegaɓerde.

Laamɗo tawi annoora oon na wooɗi. Ndeen o senndi annoora oon e nimre.

Laamɗo wi'i: — Mi hokkii on sii huɗooji dimooji aawdi muɓɓen dow leydi e leɗɗe dimooje aawdi muɓɓen fuu. Ɗuum laatanoo on nyaamdu.

O inndiri annoora oon nyalooma, nimre ndeen du, jemma. Hiiri weeti, laatii nyalaande go'aɓerde.

Laamɗo wi'i: — Njaayri waɗa hakkunde diyeele ɗeen faa sennda ɗe.

Daabaaji leydi e pooli e ko ladata ko woni dow leydi, ko foofata fuu, mi hokkii ɗum'en huɗooji e haakooji kecci laatoo nyaamdu muɓɓen. Ɗum laatorii noon.

Laamɗo wi'i: — Annooraaji ngaɗa dow kammu faa ɗi cennda jemma e nyalooma. Ɗi laatoo maandeeji kollooji wakkati iidiiji, e nyalaaɗe e duuɓi.

Laamɗo wi'i: — Leydi funna fungooji: ɗum woni huɗo rimooho aawdi muuɗum e leɗɗe feere feere dimooje aawdi muɓɓen, lekki fuu e sii muuɗum. Ɗum laatorii noon.

Laamɗo waɗi njaayri hakkunde ndiyam ngonɗam dow e ngonɗam ley. Ɗum laatorii noon.

Leydi funni huɗooji dimooji aawdi muɓɓen, huunde fuu e sii muuɗum. Leydi funni leɗɗe dimooje aawdi muɓɓen, lekki fuu e sii muuɗum. Laamɗo tawi iɗum wooɗi.

Laamɗo waɗi annooraaji ɗiɗi mawɗi, annoora ɓurɗo manngu oon laamoo nyalooma, pamaro oon du laamoo jemma.

Laamɗo wi'i: — Ndiyam leyijam ɗaam hawrita nokku gooto faa leydi njoorndi ɓanga. Ɗum laatorii noon. O inndiri njoorndi ndiin leydi, diyeele ɗeen du, maayo. Laamɗo tawi iɗum wooɗi.

O barkini ɗi, o wi'i: — Ndimee, ɓeydoɗon, keewon ley diyeele maayo. Pooli du keewa e leydi.

Laamɗo wi'i: — Leydi wurtina kulle buurɗe, huunde fuu e sii muuɗum. Daabaaji wuro e ko ladata e kulle ladde, ngel fuu e sii muuɗum. Ɗum laatorii noon.

Laamɗo wi'i: — Kulle buurɗe jinotooɗe keewa ley ndiyam, pooli du piira dow leydi ley njaayri kammu ndiin.

Laamɗo tagi kulle ladde, ngel fuu e sii muuɗum, daabaaji wuro, ngel fuu e sii muuɗum, ko ladata e leydi, ngel fuu e sii muuɗum. Laamɗo tawi iɗum wooɗi.