1
Mateu 5:15-16
Chilongeslo-Chalushiko-Lwakalunga Chachihya
Chipwe linongo nawa, kavaliwika nakulifwikila mumbángoko, oloze navalihaka hachitumbikilo chalyo mangana livamunyikilenga vosena muzuvo. Mwomumwe, kumunyika chenu chimunyikenga kumeso avatu, mangana vahase kumona vilinga vyenu vyamwenemwene mangana valise Senu átwama mwilu haupahu wenyi.
Jämför
Utforska Mateu 5:15-16
2
Mateu 5:14
Enu mumusana wavaka-kaye. Limbo-lyakembwe vátungila hapili kalyahasa kuswamanako.
Utforska Mateu 5:14
3
Mateu 5:8
Vatokwa ava vatoma mumichima, mwomwo navakamona Kalunga.
Utforska Mateu 5:8
4
Mateu 5:6
Vatokwa ava veji kwivwilanga kwoloka lipwila nazala, mwomwo navakavekuchisa.
Utforska Mateu 5:6
5
Mateu 5:44
Oloze nangumilweza ngwami, Zangenunga vaka-kole jenu nakulombela vaze veji kumiyanjisanga
Utforska Mateu 5:44
6
Mateu 5:3
Vatokwa ava vásuvala mumuchima kumeso aKalunga, mwomwo wangana wamwilu wapwa wavo.
Utforska Mateu 5:3
7
Mateu 5:9
Vatokwa ava veji kuholesanga kole, mwomwo navakavavuluka ngwavo vana vaKalunga.
Utforska Mateu 5:9
8
Mateu 5:4
Vatokwa ava váli nakulishona, mwomwo navakavavendejeka.
Utforska Mateu 5:4
9
Mateu 5:10
Vatokwa ava veji kuyanjishilanga hakwoloka, mwomwo wangana wamwilu unapu wavo.
Utforska Mateu 5:10
10
Mateu 5:7
Vatokwa ava veji kutetelanga vakwavo, mwomwo navakiko nawa navakavatetela.
Utforska Mateu 5:7
11
Mateu 5:11-12
Mwatokwa chipwe tuhu navamitoleka nakumiyanjisa nakumivangijikila vyeka navyeka vyavipi hali Ami. Wahililenunga, pwenunga nachisambo, mwomwo muli nawana waulemu wakumisakwilila mwilu, mwomwo mukiko vayanjishile vaze vapolofweto vapwileko shimbu kanda enu.
Utforska Mateu 5:11-12
12
Mateu 5:5
Vatokwa ava vavavwovu mumuchima, mwomwo navakaswana lifuchi lyahamavu.
Utforska Mateu 5:5
13
Mateu 5:13
Enu mumungwa wavaka-mavu, oloze nge mungwa unasamuka, navauyemesa cheka naka? Kaweshi kuwahisa chumako, shina kuumwanga nakuulyatangila kuli vatu.
Utforska Mateu 5:13
14
Mateu 5:48
Shikaho kupukenu ngana omu akupuka Senu wamwilu.
Utforska Mateu 5:48
15
Mateu 5:37
Oloze omu namuhanjika, hakwitavila ambenu kaha ngwenu, Eyo, kaha nawa hakukana ambenu ngwenu, Chiku. Mwomwo mazu akuhakilako afuma kuli uze wamupi liyavolo.
Utforska Mateu 5:37
16
Mateu 5:38-39
Mwevwa lyehi muze vamba ngwavo, Liso naliso ndwa, lizo nalizo ndwa. Oloze Ami nangumilweza ngwami, kanda mukemanyina mutu wamupi nakoleko, oloze weshowo mwakuveta mbanda kulikili lyachilyo, mwitavile nakulikili likwavo nawa.
Utforska Mateu 5:38-39
17
Mateu 5:29-30
Nge liso lyove lyachilyo lyeji kukuvulumwisanga, litombongonyemo nakulimbila. Mwomwo nachiwaha kunonge kachihanda kamwe kakumujimba wove kuhambakana kumbila mujimba wove wosena mu Ngehena . Kaha nge livoko lyove lyachilyo lyeji kukuvulumwisanga, livatulelyo, limbile. Mwomwo nachiwaha kunonge kachihanda kamwe kakumujimba wove, kuhambakana mujimba wove wosena kuya mu Ngehena .
Utforska Mateu 5:29-30
Hem
Bibeln
Planer
Videor